Njɔyn 19:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Ghɨə Njûsə̀ se tsɨ̀ ə tɔŋɔ̂ èghɛ nə zɨ̂yn kûmə̀ nə luʼ vɛ ə tè paynte Njisə̀s ətəyn tè va ndu sə aghaf sê Njèlusalɛ̀m. Fɨa nə kɛ tè nyi mə ə nyaʼ ewàmnə Ipilòzè, ə nyàʼà kəpî ewàmnè ə Latɨ̀ynzè, è wâmnè ə Nglêkzè.

Njɔyn 19:20 ပူးပေါင်းရင်းမြစ်များ

Tom èchùŋ kè kə Lûk tè nyaʼ 23:38

Ə nyaʼâ kəpi eghɛ apàŋ afɨa ke ə paynte ə və etûə awâmnè nə, “Ə vɨ̂nə nyi Fɔ̀yn əghɨ ə Njûsə̀.”

Njɔyn 19:13

Kə Paylɛ̀t tè zɨ zɨnə mə, ə njiə fɨə pə̀ è Njisə̀s ə tsɨsə ə fèkyə̂ fə tesaʼfe. Luʼ vɛ ə è tè tsɨs ətəyn, ə tè tɔŋtə nə, Apɨəyn kɛ ə tè pom Èchiə. (Ə tè tɔŋtə ewàmnè ə Ipilòzè nə, Ngapatà)

Njɔyn 19:42

Kə tè se nyi etuʼ vɛ ə ghɨ Njûsə̀ tè pɨaʼtə sê tuʼ endaʼve, shyə̂ eghaʼâ zɛ e nyi paʼsê kepî fu, ghənə ə ndə̀mə̀ èpfɨyn ə Njisə̀svè ətəyn.

Njɔyn 5:2

Etipìə echondɛ ə mbàyn ə̀ sèpfɨ ə Njèlusalɛ̀m, ndɨla tè nyîə nyi fumə è luʼte kwiə tsɛ te tâyn. Ewàmnè ə Ipilòzè, e tɔŋtə̂ nə Pɛtzatà.

Ətefɨ̂aʼ 21:37

Ə̀ tè nyi kə sokə̀ʼse tè kyiŋə se nji è Pɔ̂l apɨəyn ə sesôkə̀ʼke, è və pfɨfə sê tuə sesôkə̀ʼ nə kɛ nə, “Ə m kaʼa m pi ghɛze sê ghò ə?” È və pə̀ynsə̀ piə nə, “Piə Ò wàmnə̀ èwâmnè ə Nglêk zə?

Ətefɨ̂aʼ 21:40

Tuə sesôkə̀ʼ ətəynke ə fo vəyn èndomve, Pɔ̂l ə tyəmə̂ ə sembaŋə fumə ə ndɛ, ə nə̀ʼsə̀ àgho nə ghɨ kɨm tso mɔŋ. Ə pə̀ kə ghənə kɨme, Pɔ̂l ə wàmnə̀ se ghənə ewàmnè ə Ipilòzè ə pìə nə:

Ətefɨ̂aʼ 22:2

Ə pə̀ kə ghənə zɨ è ve wâmnə̀ se ghənə ə ewàmnè ə Ipilòzè, ghənə ə fɛtə̂ kɨmə̂ kə mɔŋ. Pɔ̂l ə pìə nə:

Ətefɨ̂aʼ 26:14

Ə pə̀ kə ghàs pfɨ̀ə əchi ə̀kɨ̂m, mə zɨə kə kyə̀ pì sê mi ewàmnè ə Ipilòzè nə, ‹Sɔ̂l, Sɔ̂l, ò tsə̀fsə̀ mi nyiə kûmə̀ ghè? Ò fɨmsə̂ mi kə vayn vɛ ə è ndomə gho kɛ ə ke tè pfɨte vəyn.›

Ipilù 13:12

E za nyi kepî èghɨ kə Njisə̀s tè fe tsôsvè ə kwuə etipì ə tɔ̂ŋ èghaʼâ ə̀ Njèlusalɛ̀m, kə è shu zosê sèpi sə ghɨ̀sè è ndə̂m mə Və̂ynmè.

Etyə̂yn ə paynsêzè 16:16

Zuʼse pi sɛ ə zùŋtə̀ tèfɔ̂yn nə tɨ̂nə̀ elùʼ vîvè, e tɔŋtə̂ ewàmnè ə Ipilòzè nə Àmangendòn.

Etyə̂yn ə paynsêzè 9:11

Pɨynse ətəynse tè nyiə kyi fɔ̀yn vɛ ə è saʼa səynse, ə̀ nyi tsì zɛ ə è tɔ̀ʼnə̀ è pə zɛ ə ze lɔŋɔ tso ndùə kə ndô za, zə ə tsì ətəynze e nyi ewàmnè ə Ipilòzè nə Apandòn, nyi ewàmnè ə Nglêkè nə, Apolìyòn, ze tyə̂nə̀ nə, “Wùə è pəfsə.”