Njɔyn 19:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ È və pɨ̀aʼà awâmnè ə Vəynke sə və ngɨŋ fumə endaʼ ə njiə ndûə è kəynke elùʼ vɛ ə tè tɔŋtə nə, “Ewɔf-Atuve” tɔŋtə̂ eluʼ ətəynve ewàmnè ə Ipilòzè nə, (Ngolngotà.)

Njɔyn 19:17 ပူးပေါင်းရင်းမြစ်များ

Matyò 10:38

Ə̀ faŋ pîndè se pɨàʼà awâmnè ə vəynke se chùmtè ə mi, ə è və kwənə va sə̂ nyi chùmtè èpàm zɨ̂mè.

Matyò 16:24

Njisə̀s ə ke pì sê chùmtè èpàm sə vəynse nə, “Ə nâʼà pîndè ə ghàyn ə fètəyn kyiŋə se chùmtə Mi, ə è və kyi se lɛ̀sè ə ngɨŋə̂ vəyn, ə è pɨ̀aʼà wâmnè ə vəynke ə è chùmtè Mi.

Matyò 27:37

Ghənə ə nyàʼtə̀ èghɛ zɛ ə pî nə è pofse ndô, ə payntə̂ ə vəyn etûə àwâmnè ze nyi nə, ‘Ə̀ VƗ̀NƏ NYI NJISƏ̀S, FƆ̀YN Ə̀GHƗ Ə NJÛSGHÈ.’

Ŋwàʼlè ə̀ Mâk 10:21

Njisə̀s ə naynə̂ vəyn nyi, sè kɔ̀ŋɔ̀ vəyn ə ke pì sê vəyn nə, Ghɛze nyîə nyi emɔ̀ʼ ə ò pa kyi se nə̀yn. Nduə pəʼle fɨa vɛ ə ò kyi nâʼà èkɨ̂m ə fo èkɛ ətəyn sê ghɨ afɨfə, kə ò kyi ghaʼ ekwùtwəynze. Ə ò nə̂yn nyî, o pə̀ chûmtə̀ mi.”

Ŋwàʼlè ə̀ Mâk 15:26

Ə nyàʼà èghɛ zɛ ə tè pi nə è pofse ndô apàŋ afɨake, ə payntə̂ ə vəyn etûə awâmnè nə, “Fɔ̀ əghɨ Njûsə̀.”

Ŋwàʼlè ə̀ Mâk 15:32

Ghâsènì fe vɛ Zhə̀fè chɔʼ, ə fɔ̀yn ə̀ghɨ̀ Isìlâyghè, ə è tso pəyn awâmnè zôyn, ə ghâsènì sê pomə Vəyn.” Ghɨ echɔŋə ghɛ ə tè paynte awâmnè ə Njisə̀s etipì e pɔŋɔ sôylə̀ kəpî Vəyn.

Ŋwàʼlè ə̀ Mâk 8:34

Njisə̀s ə tɔŋɔ ànɔ̂yn ə ghɨ̀ kɛ è chùmtè èpàm sə vəynse ə pìə sê ghənə nə, “Ə̀ kɔ̀ŋɔ pindè se chùmtə̀ mi, è və màʼà ngɨŋ ə vəyn ə pɨàʼà awâmnè ə vəynke ə chùmtə̀ mi.

Tom èchùŋ kè kə Lûk tè nyaʼ 14:27

Ə̂ faŋ naʼapi ndè se pɨàʼà awâmnè ə vəynke se chùmtè ə mi, è vâyn kàʼa ə è və nyi chùmtè zɨ̂m.

Tom èchùŋ kè kə Lûk tè nyaʼ 23:26

Ə njìə ndò è vəyn ə piə ndùə ndò ə kwənə e Shimùyn viu endom, ə nyi wùə Silên, mə e ndò ə mfùʼ se kɛsə̂ kwɨlə̂ pə. Ə kyiə vəyn ə fo awâmnè ə Njisə̀skè sè vəyn, ə kàynə̀ nə e pɨaʼa ə è chumte Njisə̀s.

Tom èchùŋ kè kə Lûk tè nyaʼ 23:33

Ə tè nyi kə ə ndû tâyn elùʼ vɛ ə tè tɔŋtə nə ewɔf ə atue, ə payntə̂ vəyn awâmnè fumə ə fɨnə paynte ə ghɨghe ə ghe tè kyim saʼte zâ, ə payntə̂ emɔ̀ʼ awâmnè ə ekɔynzhiəe, ə payntə̂ vəmɔ̀ʼɔ ə ekɔynkôe.

Tom èchùŋ kè kə Lûk tè nyaʼ 23:38

Ə nyaʼâ kəpi eghɛ apàŋ afɨa ke ə paynte ə və etûə awâmnè nə, “Ə vɨ̂nə nyi Fɔ̀yn əghɨ ə Njûsə̀.”

Tom èchùŋ kè kə Lûk tè nyaʼ 9:23

Njisə̀s ə wàmnə̀ za ə se pi sê nɔ̂yn ə ghɨ kɛ ə ke pə̀yn nə, “Ə̂ kɔ̀ŋɔ̀ pìə ndè se chùmtè ə mi, è və màʼà ngɨŋ ə vəyn, ə è pɨ̀aʼà awâmnè ə vəynke kè tuʼ mè m̀kɨ̂m chûmtə̀ mi.

Njɔyn 19:13

Kə Paylɛ̀t tè zɨ zɨnə mə, ə njiə fɨə pə̀ è Njisə̀s ə tsɨsə ə fèkyə̂ fə tesaʼfe. Luʼ vɛ ə è tè tsɨs ətəyn, ə tè tɔŋtə nə, Apɨəyn kɛ ə tè pom Èchiə. (Ə tè tɔŋtə ewàmnè ə Ipilòzè nə, Ngapatà)

Njɔyn 5:2

Etipìə echondɛ ə mbàyn ə̀ sèpfɨ ə Njèlusalɛ̀m, ndɨla tè nyîə nyi fumə è luʼte kwiə tsɛ te tâyn. Ewàmnè ə Ipilòzè, e tɔŋtə̂ nə Pɛtzatà.

Ətefɨ̂aʼ 7:58

Ghənə ə shinə̀ fɨə è vəyn fu ə tə̀ʼ ə zhə̀tə̀ se tɨmnə̂ vəyn è chighe. Ə̀ tè nyi za mə ghɨ ghɛ ə ghe tè tyəm kə setsɛ̀ èsaʼ ə chɔʼte ndzɨsə ghənə̂sè ə ndə̀mə̀ sê kwuŋ vîve, zə vəynze e nyi Sɔ̂l.