Njɔyn 19:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Njisə̀s ə pə̀ynsə̀ nə, “Ò kyi va tyaʼ kyîke ə Mì ə tu ə̀ tsɛ̂ kə va mə ə̀ fo Fezhə̀ kəynke sê ghò. Wùə vɛ ə è fo tsɛsè Mi se ghò ə nə̀yn kàyntè ə̀ pi.”

Njɔyn 19:11 ပူးပေါင်းရင်းမြစ်များ

Matyò 26:65

Zɨnə̀ ə nə̀ wùə èkɔʼsə nə̂ èshyə̀ èngaŋtə kwəynə ə pàsə̀ sèndzɨs se chwìte nə è nyîə zafsə̂ èndwɔ̂ ə tsà sê ghɨ ndɛ èsaʼa nə, “È sôylə̀ Fèzhə̀! Ghàs fɨnə kyiŋə va tsɛ̀ sə saʼ shîse! Ghàyn ə zɨ kə è sòylə̀ Zhə̀fè!”

Matyò 27:2

Ghənə ə ndzɨsə vəyn ə sechaʼ, ə pàʼlə̀ ndûə fo tsɛsə̀ vəyn ə Paylɛ̀t əgho ə wùə vɛ ə wùə eghaʼâ endaʼa Lûmzè tè ndəm nə è və chisə̂ ə̀ghɨ apàs endaʼa Njòndyâkè fumə ashìŋə̀.

Matyò 6:13

Kə ò zâ nə ghàs pfɨə nji emɔ̀m pîza kɨ̀ŋte ghàs sê satàyn.

Ŋwàʼlè ə̀ Mâk 14:44

Njondàs vɛ ə è tè nyì se pəʼlə Njisə̀s tè nyi mə è və fo chwìə sê nɔ̂yn əghɨ̀ ətəynke ə pìə nə, “Ə m maŋne pî ndè, ghànə kê nə ə̀ nyi wùə vɛ ə ghàyn kyiŋə. Ghayn ko vəyn, ə fɛte kyî, ə nji ndo è vəyn.”

Tom èchùŋ kè kə Lûk tè nyaʼ 22:53

Piə ma zɨsə kə ghâsènì tuʼ mə m̀kɨ̂m ə Ndɛ Ètsə̀mə, ghàyn kyiə va mə? Naʼapi sə kàyn, ə kwəyn ashìŋə̀ kaynke, mə nyi ashìŋə̀ kɛ ə Pɛ̀ atyaʼa lɨma saʼa ətəyn.”

Njɔyn 18:13

Ghənə ə njiə ndûə è Vəyn sê Anàs sə shi. Anàs tè nyi pɛ̀ zhwi ə̀ Kayfàs vɛ ə è tè nyi wùə èkɔʼsə nə èshyə̀ èngaŋtə kwəynə ə pîŋ nə zɛ.

Njɔyn 18:3

Njondàs ə ndùə fumə afùʼ mə è və njì nɔ̂yn ə sesokə̀ʼ ə Lûmkè, è ghɨə tsɨ̂ŋnə nə Ndɛ Ètsə̀mə əmɔ̀ʼɔ mə tom əghɨə kɔʼsə nə eshyə̀ ə ngaŋtəghe è ghɨə Falàsîə. Ghənə tè nyi mə ə pɨ̀aʼtè lâmsè, keytə̂ m̀wus ə njìə efɨa eghɔ̀ŋve.

Njɔyn 19:10

Paylɛ̀t ə pfɨfə sê Vəyn nə, “Ò pə̀ynsə̀ va mi ə? Ò ke va nə m kyi ndô tyaʼa se pì nə ə za ghò è kɨ̀sə se pì nə ə paynte ghò ə awâmnè ə?”

Njɔyn 3:27

Njɔyn ə pə̀ynsə̀ sê ghənə nə, “Wùə vîvè vayn kyi afɨa mə ə̀ paʼà fo Zhə̀fè.

Njɔyn 7:30

Ghənə e sè kyiŋə se kyîə Vəyn, pîza wùə vîvè ə tàʼa mɔ̀mə Vəyn è ghoke kûmə̀ nə shîŋə̀ Vəynke tè nyi mə ke paʼà nyìəm kwəyn.

Njɔyn 9:41

Njisə̀s ə pə̀ynsə̀ sê ghənə nə, “Ə ghàyn fè pomə̂ nə ghàyn fe va, mə pi saynse fɨyn va ə ghàyn ətu. Pîza, zôyn kə ghàyn sè ndə̂mə̀ kə nə ghàyn fe ndò, pi saynse ə faŋ ke ndò.”

Ətefɨ̂aʼ 2:23

Ə fo Njisə̀s nə vɨ̂yn ə gho se pàynghè, ghənə ə payntə̂ Vəyn awâmnè, kè eghɨ kə Zhə̀fè tè pɨaʼte ndəm.

Ətefɨ̂aʼ 3:13

Zhə̀ fɛ ə Aplàghâmfè, è Azɨ̀k è Njàkɔ̂p kɔʼsə, mə za nyi Fezhə̀ fə pɨ̀a ghâsènì ghəshiə ə tyə̀yn pomsê ə wùə èfɨ̀aʼa ə Vəyn Njisə̀s. Ghàyn tè fo Vəyn əghɨ ghayn ghə sesaʼghə gho, ghàyn ə kwiynsə̂ Vəyn ə Paylɛ̀t əshi. Ə pə̀ pi kə Paylɛ̀t tè kyiŋə se zà ə Vəyn ghàyn ə kwiynsə̂ Vəyn

Ətefɨ̂aʼ 4:28

Ghənə tè zùŋtè ə nə̀ kə èghɛ zɛ ə Ò se nyi mə Ò tə pɨaʼte ndəm kè ə ghò atyaʼ nə e tə kyânə̀.

Ŋwàʼlè ə̀ Pɔ̂l sê ghɨə Lûmghè 11:36

Ə̀ fɛtə̂ Fèzhə̀ fɨave e kɨ̂m, fɨa ətəyn ve nyi kûmə̀ nə Fe kɔ̂ŋɔ̀ nə ve ə nyi, ə̀ kyi vəyn è fɨa ətəynve ekɨ̂m. Pomsêzè nyì se Zhə̀fè sə teshìŋə̀ tèkɨ̂m. Ə ze ə nyi ke zamə.

Ŋwàʼlè ə̀ Pɔ̂l sê ghɨə Lûmghè 13:1

Nâʼà ghàyn ə̀kɨ̂m kyi sə̂ zɨə se tu endaʼve kûmə̀ nə tu endaʼ kyîke va mə ə̀ paʼà zàmaʼà Zhə̀fè. Tu endaʼve nyi mə ə̀ ndəm Fezhə̀ è ghənə ə fekyə̀.

Njə̂m 1:17

Nâʼàpî èfo echûŋ èkè, è nâʼàpî èghɛ èkè zɛ ə ze kyi va ləʼke ndò pə̂ ekwùtwəyn sê Zhə̀fè, ə fɛ ə fe tè fɛte payn tekɨ̂m tɛ ə te nyi awulə. È kwiynə̂ tsɛ̂ va kə anyɨ̂ŋsè kɛ ə ke kɨŋtə tsɛ̂ kəndò.

Njə̂m 4:17

Nyiəm, ə̀ ke pi ndè ghɛ echûŋ zɛ ə è kyi se nə̀yn ə tàʼa nə̀yn, ə ze ə nyi nə è və nə̀yn pi.