Se zhə̀tè fumə ashìŋə̀ se ndù əshi, Njisə̀s ə zhə̀tə̀ se tsàyn sê chùmtè èpàm sə vəynse nə, “M kyi se ndù ə Njèlusalɛ̀m. Ə̀ nyì fumə kə m nə̀ zɨə ngəʼ ètsɨə ə chəʼse əgho, è ghɨ kɔʼsə nə eshyə̀ engaŋtə, è tyə̀ynsè sə alàŋsè. È və pìə nə ə nə̀ zhwiə Mi, epàm mə̂ m̀tuʼ mta, ə m kɛse zômə̀.”
Epam ətəyn, è və piə sê ghənə nə, “Ghɛ ghɨnə ə ghàyn fe nyi ə nyi əghɛ ghɨm ghɛ ə m tè tsàyn sê ghàyn kə ghâsènì te pa nyi əmɔʼ nə, naʼapi ghè kə nyi mə nyaʼ kûmə̀ mi ə ŋwàʼlè esaʼ ə Mosîsè e ŋwàʼlè sə fɨ̀aʼtè sè ghaʼasè e ŋwàʼlè se Njàŋ kyi sè nə kwəyn nâʼà ə kɨm.”
Ə̀ tè faŋ fetuʼ kə ə zhi Zaʼatsɛze, mə Njisə̀s se ke ndò nə shîŋə̀kè ə kwəyn kə È ndo fâ mbi ə È ndu sê Pɨ̀a Vəyn. È tè nyîə kɔ̂ŋɔ̀ ə̀ghɨ ə mbi ghɛ ə ghe tè pomə sê Vəyn, È və tyə̀ynə̀ èkɔ̂ŋ ə vəyn sê ghənə se nduə fɨ ə kwùŋse.
Kə ghâsènì kàyne ke nə Njisə̀s Klâys ə tə fe ngəʼ achaʼ ewìynke, ghàyn pɔŋ tɛsê àtyaʼ è èkyì ekwâʼtè zɛ ə è tè kyi, kûmə̀ nə nâʼàpî ndè vɛ ə è fe ngəʼ ə vəyn ə njà èwìyn fɨnə nə̂ va pi.