Njɔyn 18:37 - Ŋwàʼlè ə̀ Fèzhə̀ Mkâyn Mə̂ Fèm

³⁷ Paylɛ̀t ə pfɨfə sê Vəyn nə, “Piə e za tyə̀nə̀ nə ò nyi fɔ̀yn ə?” Njisə̀s ə pə̀ynsə̀ nə, “Ə̀ pì ghô nə M nyi fɔ̀yn. Ə tè piə Mi nə M pəyn ə mbi, kə Mə nyi tsɛ̀ èsaʼ səmɔʼ. Naʼapî ndè vɛ ə è nyi wùə ə̀ səmɔʼ nyîə zɨə sê Mi.”

Njɔyn 18:37 ပူးပေါင်းရင်းမြစ်များ

Matyò 26:64

Njisə̀s ə pə̀ynsə̀ vəyn nə, “Kè kə ò pì, pîza m tsâ sê ghàyn əkɨ̂m nə, se zhə̀tə ndù zôyn se ndù əshi, ghàyn tə fe Vâ Wùə ə è və tsɨs ə ekɔyn etwɔ ə pɛ̀ ètwɔʼ ekɨ̂mvè. Ə ghàyn fe ə è və tsɨs tso pə̂ etûə sèmbàʼ se kwùtwəynse.”

Matyò 27:11

Fumə ashìŋə̀ Njisə̀s ə tyəmə̂ echi ə saʼze ə Paylɛ̀t əshi vɛ ə è tè saʼa pâs endaʼa Njòndyâkè. Paylɛ̀t ə pfɨfə se vəyn nə, “Ə nyì ghô è fɔ̀yn sê ghɨ Njûsghè ə?” Njisə̀s ə pə̀ynsə̀ nə, “E nyi ke za kə ò pì.”

Ŋwàʼlè ə̀ Mâk 14:62

Njisə̀s ə pə̀ynsə̀ ə pìə nə, “Ə̀ nyi ke nâʼà mi. Ghàyn tə fe Va Wùə, è ve tsɨs ekɔyntwɔ ə Pɛ̀-Atyaʼ-Akɨ̂mkè. Ghàyn tə fe Vəyn ə è Və tso pə̀ əfètə̂ sèmbàʼ ekwùtwəyn.”

Ŋwàʼlè ə̀ Mâk 15:2

Paylɛ̀t ə pfɨfə sê vəyn nə, “Ò nyi fɔ̀yn sê ghɨ Njûs ghə̂?” Njisə̀s ə pə̀ynsə̀ nə, “E nyi ke kə ò pì.”

Tom èchùŋ kè kə Lûk tè nyaʼ 22:70

Ghənə ə tsɨ̀yntè pfɨfə kə ə kɨm nə, “Piə e za nyi nə ghò nyi va Fèzhə̀ ə?” È və pə̀ynsə̀ nə, “E nyi ke za kə ghàyn pi.”

Tom èchùŋ kè kə Lûk tè nyaʼ 23:3

Nyi, Paylɛ̀t ə pfɨfə sè vəyn nə, “Ò nyi fɔ̀yn se ghɨə Njûs ə?” Njisə̀s ə pə̀ynsə̀ piə nə, “E nyi kə za kə ghò pi.”

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Njɔyn 1:17

Zhə̀fè tè fo alâŋ tɔynə̂ ə Mosîs, pîza fùʼkè è səmɔʼ ə pə̀ tɔynə̂ ə Njisə̀s Klâys.

Njɔyn 14:6

Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.

Njɔyn 3:32

È tsâ èghɛ zɛ ə È fe ə zɨə, pîza wùə vîvè pomə̂ va Vəyn.

Njɔyn 7:17

Ə̂ nyì pîndè èpɨaʼtêzè se nə̀yn eghɛ zɛ ə Zhə̀fè kyiŋə, ə è və ke nə ghɛ zɛ M zaʼlə ndo se Zhə̀fè mə sè Mìə, mə M wamnə̀ sə Mì atyaʼa?

Njɔyn 8:14

Njisə̀s ə pìə sê ghənə nə, “Ngaŋ. Pî kə m wâmnə̀ kûmə̀ ngɨŋ Zɨ̂mzè, ghɛ zɛ ə M pîə nyi ke nâʼà səmɔʼ, kûmə̀ nə M ke ndô luʼ vɛ ə M ndô ətəyn, ke eluʼ vɛ ə M ndùə ətəyn. Ghàyn ke va luʼ vɛ M ndô ətəyn kɨ̀sə eluʼ vɛ M ndûə ətəyn.

Njɔyn 8:45

Pîza kûmə̀ nə M wâmnə̀ kə səmɔʼ sê ghàyn, ə̀ za nyi eghɛ zɛ ə ghàyn kɔ̀ŋɔ̀ va se pomə̂ sê Mi.

Njɔyn 8:46

Ə̀ nyi nde ə ghàyn ə fètəyn ə è kàʼa è tyəyn nə Mə nə̀yn pi ə? Ə M tsâ səmɔʼ sê ghàyn, kûmə̀ ghè ə ghàyn pomə va sê Mi ə?

Njɔyn 8:47

Nâʼàpî ndè vɛ ə è ndò sê Zhə̀fè, zɨə ndò wâmnè ə Fezhə̀zè. Ghɛ zɛ ə ze nə̂ nə kə ghàyn ə zɨə nyi kûmə̀ nə ghàyn va əghɔ Fezhə̀.”

1 Timotì 6:13

Ə Zhə̀fè əshi fɛ ə fe fo ndame sê fɨave ekɨ̂m, è kɨsè ə Klâys Njisə̀s əshi vɛ ə È tè tyəm ə Pontus Paylɛ̀t ə shi ə wàmnə̀ səmɔʼ, se tyə̀yn ekyî epomə̂ ə Vəynze, m tsɛsə̀ àlâŋ se ghò nə:

1 Pità 1:22

Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.

1 Njɔyn 2:21

M nyâʼà va ghɛ ghɨynə̀ sê ghàyn kûmə̀ nə ghàyn ke va ghɛ zɛ ə ze nyi səmɔʼ, pîza m pɨlə nyâʼà kûmə̀ nə ghàyn nyi ə̀ ke ghəynghe, ke kepî nə kaŋke vayn kàʼa ə ke fɨ pəyn ə tə̂ səmɔʼ.

1 Njɔyn 3:14

Ghâsènì ke ndô nə ghâsènì ə tɛ tsɛ tyaʼa ekwuke, kyi èndam zɛ ə ze tə mîə va, kûmə̀ èkɔ̂ŋ zɛ ə ghâsènì kyi sê ghɔnyì ə ghasènìghe. Wùə vɛ ə è kɔ̀ŋɔ̀ va ghɔnyiə vəynghe pa nyi ke etyə̂ àtyaʼ ə ekwuke.

1 Njɔyn 3:19

Ə̀ nyi endom nə vɨ̂yn ə ghâsènì kê nə ghâsènì nyi ə ghɨə səmɔʼghe. Ə̀ nyi nyiəmə kə ghâsènì tə nə̂ ə kyi va fâynzè se tyəm ə Zhə̀fè ə shi.

1 Njɔyn 4:6

Pîza, ghâsènì nyi əghɨ ə Fezhə̀ghè. Nâʼàpî ndè vɛ ə è ke Zhə̀fè zɨtə̂ ndò se ghâsènì, nâʼàpî ndè vɛ ə è ke va Zhə̀fè zɨtə̂ va se ghâsènì. Ə̀ vɨnə nyi endom vɛ ə ghâsènì kàʼa ke sə nɨŋ ə̀ fètə̂ Sèzuʼ sɛ ə se nyi səmɔʼ è sɛ ə̀ nyì sə akaŋse.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.

Etyə̂yn ə paynsêzè 1:4

Ŋwàʼlè zɨ̀nə ndò sê mi Njɔyn mə è ndùə sê ndɛ sə Fezhə̀sè esɛ̀mbɛ sɛ ə se nyi ə Esiyà. Ə Zhə̀fè tyəyn fùʼ ə vəynke sê ghàyn ə è nəyn ə ghàyn ə ndamə è pɔ̂ynè. Ə̀ nyi fəynfe ə fe nyi, mə fe tè nyiə nyi, pa nyi se tə pə̀yn. Fùʼkè è pɔ̂ynè nə zɨnə ndò pəyn kepî sezuʼ sɛ esɛ̀mbɛ ə se tyəm ə vəyn ashi ə fekyə̀ fə tefɔ̀ynfè,

Etyə̂yn ə paynsêzè 3:14

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Làndisyà nə: ‘Ə̀ zɨ̀nə nyi tom mə è ndò sê vɛ ə tɔŋtə nə, Àmə̀yn. È fɨ̀aʼà è təm ə vəynghe əkɨ̂m, fɨnə pìə səmɔʼ kûmə̀ Fèzhə̀. Zhə̀fè tè fɛte nâʼàpî ghè ə mbi tɔynə̂ ə vəyn.