Njɔyn 18:33 - Ŋwàʼlè ə̀ Fèzhə̀ Mkâyn Mə̂ Fèm

³³ Paylɛ̀t ə kɛsə̂ njiə ə tɔʼ ə pfɨfə sê Njisə̀s nə, “Ə̀ nyì Ghô fɔ̀yn ə̀ ghɨə Njûsghè ə?”

Njɔyn 18:33 ပူးပေါင်းရင်းမြစ်များ

Matyò 27:11

Fumə ashìŋə̀ Njisə̀s ə tyəmə̂ echi ə saʼze ə Paylɛ̀t əshi vɛ ə è tè saʼa pâs endaʼa Njòndyâkè. Paylɛ̀t ə pfɨfə se vəyn nə, “Ə nyì ghô è fɔ̀yn sê ghɨ Njûsghè ə?” Njisə̀s ə pə̀ynsə̀ nə, “E nyi ke za kə ò pì.”

Matyò 27:27

Sokə̀ʼse ə Paylɛ̀tsè ə ke njiə nji è Njisə̀s əfètə̂ tɔʼ, nâʼà sokə̀ʼ sekɨ̂m ə pə̀ zûŋtə̀ ka ə Njisə̀s ə ngwùŋ.

Ŋwàʼlè ə̀ Mâk 15:2

Paylɛ̀t ə pfɨfə sê vəyn nə, “Ò nyi fɔ̀yn sê ghɨ Njûs ghə̂?” Njisə̀s ə pə̀ynsə̀ nə, “E nyi ke kə ò pì.”

Tom èchùŋ kè kə Lûk tè nyaʼ 23:2

ə zhə̀tə̀ se kwânə̀ vəyn piə nə, “Ghàs ə ko wùə ə vɨ̂yn, e kwîə lesə̂ ə̀ghɨ ghâsènì ghe ndaʼa pîə nə, kə̂ ghənə nə maʼà ŋwàʼlè sê fɔ̀yn e ghaʼa ə Lûm, fɨyn nyi nə ə nyi ke nâʼà zhi vɛ ə chɔʼ ndəm, nə zhi ə nyi fɔ̀yn.”

Njɔyn 1:49

Nàtanyèl ə pə̀ynsə̀ nə, “Tyə̀ynsè Ò nyì ke nâʼà Vâ ə̀ Fèzhə̀! Ò nyi fɔ̀yn ə̀ Isìlây!”

Njɔyn 12:13

ə kyəmtə̂ èchɔ̂ ə fɨə ndûə è vəynve se kotə vəyn endom, pɨa pîə ndûə nə, “Òsanà! Pɔsêzè nyì sê vɛ ə è pə̀ ə Pɛ̂pɛ ezə. Pɔsêzè nyì sê fɔ̀ynə̀ ghɨə Isìlâyghè!”

Njɔyn 12:15

“Kə ghàyn fayn ə ghɨ endaʼ ə Zayɔ̀nə̀. Fɔ̀yn vâyn vɨ̀yn ə è pə̀, kwîə etûə va njàkâs.”

Njɔyn 18:34

Njisə̀s ə pə̀ynsə̀ sê vəyn nə, “Pfɨf zɨ̀nə ndò sê ghò mə ghɨə mɔ̀ʼɔ tsayn ndô se ghò kûmə̀ Mi ə?”

Njɔyn 18:37

Paylɛ̀t ə pfɨfə sê Vəyn nə, “Piə e za tyə̀nə̀ nə ò nyi fɔ̀yn ə?” Njisə̀s ə pə̀ynsə̀ nə, “Ə̀ pì ghô nə M nyi fɔ̀yn. Ə tè piə Mi nə M pəyn ə mbi, kə Mə nyi tsɛ̀ èsaʼ səmɔʼ. Naʼapî ndè vɛ ə è nyi wùə ə̀ səmɔʼ nyîə zɨə sê Mi.”

Njɔyn 18:38

Paylɛ̀t ə pfɨfə sê vəyn nə, “Səmɔʼ nyi nə ghe?” Kə Paylɛ̀t pfɨf zâ, ə kɛsə̂ fɨə ndûə ə pɨəyn ə pìə sê ghɨ Njûs ghɛ nə, “M pâʼà fe ghɛ zhîze ə wùə vɨ̀nə nə̀yn pofse.

Njɔyn 19:12

Paylɛ̀t ə zɨə zâ, sè kyiŋə èndom se za Njisə̀s, pîza ghɨ Njûsə̀ ghə fɨnə pɨa pîə kə nə, “Ə ò zà wùə vɨ̂yn, è və ndò, ə nyi mə ò vachi so ə̀ Kaysà. Ə̀ pìə pi ndè nə e nyi fɔ̀yn, ə̀ nyi nə è vachi yî Kaysà.”

Njɔyn 19:3

môtə̀ kə nyî pə̀ tyəmə̂ ə̂ vəyn əshi, pîə nə, “Pɔmsêzè nyì se ghò ə fɔ̀yn ə̀ ghɨ̀ə Njûsə̀!” Ə pìə za, ə tɛ Vəyn è ghoke ekyàʼ.

Njɔyn 19:4

Paylɛ̀t ə fɨnə fɨə kwəynsə̂ pə̂ ə pìə sê ghɨ Njûsə̀ ghɛ nə, “M njiə fɨə pə̀ è Vəyn sê ghàyn kə ghàyn ə ke nə m pâʼà fe ghɛ zɛ ə è pofse.”

Njɔyn 19:9

È və kɛsə̂ njîə njiə è Njisə̀s ə tɔʼ ə pfɨfə sê Vəyn nə, “Ò ndò nâʼà ghayn?” Njisə̀s ə tàʼa pì eghɛ.

1 Timotì 6:13

Ə Zhə̀fè əshi fɛ ə fe fo ndame sê fɨave ekɨ̂m, è kɨsè ə Klâys Njisə̀s əshi vɛ ə È tè tyəm ə Pontus Paylɛ̀t ə shi ə wàmnə̀ səmɔʼ, se tyə̀yn ekyî epomə̂ ə Vəynze, m tsɛsə̀ àlâŋ se ghò nə: