Njɔyn 18:28 - Ŋwàʼlè ə̀ Fèzhə̀ Mkâyn Mə̂ Fèm

²⁸ Nâʼà pɨsə̀pɨsə̀, ə njîə Njisə̀s ə Kayfàs apɨəyn, ə ndùə è Vəyn ə tu apàs endaʼke ə tɔʼ. Ghɨ Njûs ə ghaʼâghè ə tàʼa nji fumə tɔʼ, kûmə̀ nə ghənə tè kyiŋə se lotə ndə̀mə sengɨŋ sə ghənə̂sè nə sə nyi èzoze ə Zhə̀fè əshi kè kə ndam endaʼze tyə̂nə̀, endom sə nyi èpɨaʼtêzè se zhi ezaʼa tsɛze.

Njɔyn 18:28 ပူးပေါင်းရင်းမြစ်များ

Matyò 27:27

Sokə̀ʼse ə Paylɛ̀tsè ə ke njiə nji è Njisə̀s əfètə̂ tɔʼ, nâʼà sokə̀ʼ sekɨ̂m ə pə̀ zûŋtə̀ ka ə Njisə̀s ə ngwùŋ.

Ŋwàʼlè ə̀ Mâk 15:16

Sokə̀ʼse ə njìə Njisə̀s ə njiə è vəyn ezhɔyn ə tɔʼve, ə tɔŋnə̂ zûŋtə̀ sèsokə̀ʼ nâʼà sèkɨ̂m.

Tom èchùŋ kè kə Lûk tè nyaʼ 22:66

Tuʼ və zo pə̂, chəʼse endaʼse e ghɨkɔʼsə nə eshyə̀ ndɛ Fèzhə̀ e ghaʼâghè è tyə̀ynsè sə alàŋsè ə kyiə atsɨ̀ynte, ə pə̀ e Njisə̀s fu atsɨ̀ynte,

Njɔyn 11:55

Tuʼ mə̂ Èzaʼa tsɛ̂ mə ghɨə Njûsə̀m ə paʼsə, ghɨghe e kɔʼɔ ə Njèlusalɛ̀m, tsɨ̀ə kə nyi, se shùə se ngɨŋ sə ghənə̂sè endom vɛ lâŋ ə Mosîskè tè chwìtə, se pɨaʼtê se tuʼ fe zaʼâ tsɛfe.

Njɔyn 18:13

Ghənə ə njiə ndûə è Vəyn sê Anàs sə shi. Anàs tè nyi pɛ̀ zhwi ə̀ Kayfàs vɛ ə è tè nyi wùə èkɔʼsə nə èshyə̀ èngaŋtə kwəynə ə pîŋ nə zɛ.

Njɔyn 18:15

Ə kyîə Njisə̀s zâ, ə pì ə ndûə ndò, Shimùyn Pità è chùmtè èpàm ə̀mɔ̀ʼɔ̂ e sè ndûə ə Njisə̀s epàm. Wùə kɔʼsə nə èshyə̀ è ngaŋtə kwəynə tè nyîə fɛte ke chùmtè èpàm nə vɛ, chùmtè èpàm ə̀təyn ə njiə ə wùə kɔʼsə nə èshyə̀ è ngaŋtə kwəynə vɛ apɨəyn elùʼ vɛ ə tè nji è Njisə̀s ətəyn,

Njɔyn 18:33

Paylɛ̀t ə kɛsə̂ njiə ə tɔʼ ə pfɨfə sê Njisə̀s nə, “Ə̀ nyì Ghô fɔ̀yn ə̀ ghɨə Njûsghè ə?”

Njɔyn 18:39

Pîza ə̀ nyi alâŋ kaynke ndaʼke nə za fɨsê wùə èmɔ̀ʼ ə chaʼ se ghàyn ashìŋə̀ Ezaʼa tsɛke. Ə m fɨse fo fɔ̀yn ə̀ghɨ Njûsə̀ sê ghàyn va?”

Njɔyn 19:11

Njisə̀s ə pə̀ynsə̀ nə, “Ò kyi va tyaʼ kyîke ə Mì ə tu ə̀ tsɛ̂ kə va mə ə̀ fo Fezhə̀ kəynke sê ghò. Wùə vɛ ə è fo tsɛsè Mi se ghò ə nə̀yn kàyntè ə̀ pi.”

Njɔyn 19:14

Ə̀ tè se kâynè nyi ə tɛ ə̀chwì etuʼ vɛ ə tè pɨaʼtə se zhiə mtuʼ me zaʼatsɛ̂mè ətəyn. Paylɛ̀t ə pìə se ghɨə ə təynghe nə, “Ə̀ nyi fɔ̀yn vâyn nyi!”

Njɔyn 19:9

È və kɛsə̂ njîə njiə è Njisə̀s ə tɔʼ ə pfɨfə sê Vəyn nə, “Ò ndò nâʼà ghayn?” Njisə̀s ə tàʼa pì eghɛ.

Ətefɨ̂aʼ 10:28

È və pîə sê ghənə nə, “Ghàyn ke ndô nə saʼ əghɨ̀ ə Njûszè pomə̂ va nə ghàs ə mô ètum ə ghənə sendɛ, pomə̂ va nə ghàs ə kwîə ghasè tum ə təynve. Pîza Zhə̀fè ə tyə̀yn sê mi nə, m kyi va se pì nə wùə zo kwəynə̂ va kɨ̀sə nə è nyîə fɨ̂mə̀ ə Zhə̀fè shi.

Ətefɨ̂aʼ 10:32

Tiynse wùə ə Njopà, ə ghənə ndu tɔŋɔ wùə fu, zə vəyn ze nyi Shimùyn mə ə tɔŋtə̂ vəyn nə Pità. È nyi wùə èmòtə pə ə wùə ə ndɛ mə è nə̀ efɨaʼ è pfɨ̀ sə nyâmsè e tɔŋtə̂ vəyn nə Shimùyn. Shimùyn ə̀təyn ndamə paʼsə̂ etipìə ènjwì ə fengwaŋve.’

Ətefɨ̂aʼ 11:3

“Kûmə̀ ghe ə ò ndùə sê ghɨ ghɛ ə vachi ə̀ghɨ Njûsghè, ə̀ghɨ ndɔ̀ʼɔ se nam ə ghənə̂ghè, ghâynghə̀ ghənə e zhiə paʼsə̂ kə nâʼà luʼve emɔ̀ʼ ə?”

Ətefɨ̂aʼ 3:13

Zhə̀ fɛ ə Aplàghâmfè, è Azɨ̀k è Njàkɔ̂p kɔʼsə, mə za nyi Fezhə̀ fə pɨ̀a ghâsènì ghəshiə ə tyə̀yn pomsê ə wùə èfɨ̀aʼa ə Vəyn Njisə̀s. Ghàyn tè fo Vəyn əghɨ ghayn ghə sesaʼghə gho, ghàyn ə kwiynsə̂ Vəyn ə Paylɛ̀t əshi. Ə pə̀ pi kə Paylɛ̀t tè kyiŋə se zà ə Vəyn ghàyn ə kwiynsə̂ Vəyn

Ətefɨ̂aʼ 4:27

Ə̀ za nyi eghɛ zɛ ə ze tè kyayn. Fɔ̀yn Ɛlɔ̀t yî Pontus Paylɛ̀t, è ghɨ atum əmɔ̀ʼɔ yî ghɨə chisə Isìlâyghè ə zùŋtə̀ ə pɨaʼtə se tam ə Njisə̀s, ə wùə èfɨ̀aʼa vê vɛ ə è nyi èŋwaʼe, ə vɛ ə Ò tè chɔʼ.