Njɔyn 17:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Mə fo tom zɛ ə Ò tè fo sê Mi sê ghənə, ghənə ə fiə zə̂ynzè ə pomə, ghənə nyîə ke nə ze nyi səmɔʼ nə M tè ndò sê ghò, ghənə pomə̂ kepî nə ə̀ tè tom ghô Mi.

Njɔyn 17:8 ပူးပေါင်းရင်းမြစ်များ

Matyò 13:11

Njisə̀s ə pìə sê ghənə nə, “Zhə̀fè fo ghàyn ètyaʼa nə ghànə ke ə̀ghɛ e ndətə efɔ̀yn ekwùtwəynə, pîza ə tàʼa fo atyaʼ nə kɨ̂yn se ghɨ mɔ̀ʼɔ.

Njɔyn 12:49

Zɨnə nyì səmɔʼ kûmə̀ nə M tè paʼà wàmnè ə Mì atyaʼ pîza Pɨ̀a vɛ ə È tom Mi nyîə tsâ èghɛ zɛ M kyi se pì.

Njɔyn 14:10

Ò pomə va ə Filìp nə M nyi ə̂ Pɨ̀a vɨ̂mvè ewìyn, Pɨ̀a vɨ̂mvè e nyi ə Mì ewìyn ə? Njisə̀s ə pìə sê chùmtè èpàm sə vəynse nə, ghɛ ghɛ ə m pîə sê ghàyn va ə ghɛ ghɨmghə ngɨŋə̂. Pîza ə̀ nyi Pɨ̀a vɨ̂m vɛ ə è nyi ə Mi èwiyn ə È nə̀ fɨaʼa Vəynze.

Njɔyn 15:15

M fɨnə tɔŋtə̂ va ghàyn zôyn nə ghɨ efɨaʼaghe kûmə̀ nə wùə èfɨ̀aʼa ke va ghɛ zɛ ə Pɛ̀ èfɨaʼ ə vəyn nə̂. M pɨlə tɔŋtə̂ ghàyn zôyn nə soyn sɨmse kûmə̀ nə mə tsàyn ghɛ ghɛ Pɨ̀a vɨ̂m tsàyn sê Mi nâʼà ə̀kɨ̂m sê ghàyn.

Njɔyn 16:27

kûmə̀ nə Pɨ̀a Vɨ̂m è ngɨŋə̂ Vəyn nyîə kɔ̂ŋɔ̀ ghàyn. È kɔ̀ŋɔ̀ ghàyn kûmə̀ nə ghàyn nyîə kɔ̂ŋə̀ Mi, pomə̂ nə M tè ndò pə̂yn se Zhə̀fè.

Njɔyn 16:30

Ghàs ke ndô zôyn nə Ò nyîə ke ə̀ghɛ əkɨ̂m, mə Ò fɨnə kyiŋə va nə wùə pfɨf ndô ghɛze se ghò. Zɨnə mə nə̂ nə ghàs pomə nə ò ndò sê Zhə̀fè.”

Njɔyn 17:14

Mə tə tsàyn tom Zɛ sê ghənə, ghɨ ə mbighe e sè panə̀ ghənə kûmə̀ nə ghənə va kə ghɨ mbiə, kèpî eghɨ kə M va kə wùə mbi.

Njɔyn 17:18

Mə tom ndzɨsê ghənə ə mbi, kè èghɨ kə ò tè tom ndzɨsê mi ə mbi.

Njɔyn 17:21

M tsə̂mə̀ nə ghənə ə tsɨ̂yntè nyi ke sə eghɛ èmɔ̀ʼ, kèpî èghɨ kə Ghò ə Pɨa Vɨm nyi ə Mì ewìyn, M nyi ə Ghò ewìyn. Nə ə ghənə faŋ sê ghasè Ghò kə ghɨ mbi ghɨnə pomə nə ə̀ tom Ghò Mi.

Njɔyn 17:23

M nyi ə ghənə mwìyn, Ò nyi ə Mì ewìyn kə ghənə tsɨynte pəyn ə lote nyi ke sə eghɛ emɔ̀ʼ endom kə mbi ke nə ə̀ tom Ghô Mi, è kɨsè nə Ò nyîə kɔ̂ŋɔ̀ ghənə kè eghɨ kə Ò kɔ̀ŋɔ̀ Mi.

Njɔyn 17:3

Mə ndam zɛ ə ze tə mîə va nyi se kê ə gho Zhə̀ fɛ ə Fe nyi səmɔʼ è kɨsè Njisə̀s Klâys vɛ ə ò tom.

Njɔyn 3:17

Zhə̀fè tè paʼà tom Vâ vəyn ə mbi nə è pəyn saʼ ə̀ghɨ. Pîza È tè tom Vəyn nə È pəyn Sɔza ə̀ghɨ.

Njɔyn 3:33

Pîza pîndè vɛ ə è fi tom ə̀ Vəyn lotə̂ pîə ndò nə Zhə̀fè nyì səmɔʼ.

Njɔyn 6:68

Shimuyn Pità ə pə̀ynsə̀ nə, “Se fɨnə ndù sê ndè ə Pɛ̂? Ò nyiə kyi èwâmnè zɛ ə ze nə̂ nə wùə ə kyi èndam zɛ ə ze tə mîə va.

Njɔyn 8:42

Njisə̀s ə pìə sê ghənə nə, “Ə Zhə̀fè tè lote nyi Pɨ̀a vâyn, mə ghàyn kɔ̂ŋɔ̀ ndò Mi kûmə̀ nə M ndo pə̂yn se Zhə̀fè nyi zôyn fàyn. M tè paʼà pə̀yn chi sə Mì ə ngɨŋ pîza È tè tom ndô Mi.

1 Kɔlìŋ 11:23

Ghɛ zɛ m zaʼlə se ghàyn nyi zɛ ə m tè zɨ sê Pɛ̂pɛ, ze nyi nə, ə̀ tè nyi ètuʼve əfetuʼ fɛ ə tè pəʼle Pɛ̂pɛ Njisə̀s ətəyn, È və njìə àpayn ə kwaŋke,

1 Kɔlìŋ 15:1

M kyiŋə zôyn ə ghɔnyì ghɨmə se pyə̀ytè ə tom èchûŋ zɛ m tè tsàyn sê ghàyn, gha zɨə ə pomə sè tyəm kə təyn.

1 Tèsàlonikà 2:13

Ghàs fo kəpî àzɔ̀ŋnè sê Zhə̀fè shîŋə̀ tekɨ̂m kûmə̀ nə kə ghàyn tè zɨte tom ə̀ Fèzhə̀ zɛ ə ghàs tè pə̀yn tsayn sê ghàyn, ghànə pomə̂ nə tom ə̀təyn ndo pə̂yn sê Zhə̀fè, ə̀ vachi sê wùə m̀sɔ̀ŋ. Tom nə zɨnə fɨ̂aʼà ndò ə ghàyn ə fètəyn ə ghɨ poməghe.

1 Tèsàlonikà 4:1

Se mɨsè ə ghɔnyiə, ghàyn tè zaʼle sê ghàs ndom vɛ ə kaʼa ndamə ətəyn se nə̀yn nə Zhə̀fè ə saŋnə̂. Səmɔʼ ə̀ vɨnə mə nyi ke nâʼà èndom vɛ ə ghàyn ndamə ətəyn. Ghàs chyatə̂ ghàyn zôyn nâʼà sə ŋaŋ, ezə ə Pɛ̂pɛ Njisə̀szè nə ghàyn fɨyn nəyn tsɛ za.

1 Njɔyn 4:14

Ghâsènì ə fe, tsâ ndûə se ghɨə mɔ̀ʼɔ nə Pɨ̀a ə tə tom Va vəyn nə è və nyi sɔ̀zà ə̀ mbi.

Etyə̂yn ə paynsêzè 1:1

Ə̀ fâ ŋwàʼlè nyi əghɛ ghɛ ə Njisə̀s Klâys tè tyə̀yn paynsê se Njɔyn. Zhə̀fè tè fo əghɛ ə tyə̂nə̀ paynsə̂ nə ghɨnə̀ sê vəyn nə è tyəyn sê ghɨ ə fɨaʼa vəynghe kə ghənə nə ke ə̀ghɛ ghɛ ə ghe nyi se nə kwùʼə kyàyn. Ə̀ tè nyi kə è kyiŋə nə ə ke ə̀ghɛ nə ghɨ̂nə̀, è və tomə tsì ə̀ vəyn sê Njɔyn, ə̀ nyi kepî wùə è fɨ̀aʼa ə vəyn vîvè.