Njɔyn 17:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Mə nə̀yn nə ghɨ ghɛ ə ò tè fo sê mi ə mbi ə ke ghô. Ə̀ tè nyi əghɨ ghɛ; O fo sê Mi, ghənə ə nə̀yn ghɛ zɛ ə tom Zɛ̂zè pìə.

Njɔyn 17:6 ပူးပေါင်းရင်းမြစ်များ

Njɔyn 1:18

Wùə pâʼà tyəm fe Zhə̀fè. Ə̀ nyì ke Vayn emɔ̀ʼ vɛ ə è tè nyi kepî kə Fezhə̀, mə È nyi ə Pɨ̀a etipì. Ə̀ nyì ke Vəyn vɛ ə è nyi mə è və fe Zhə̀fè. È və nə̀yn nə ə ke Fèzhə̀.

Njɔyn 12:28

Pɛ̂! tyə̀yn pomsêzè sê zə zɛze.” Kè nyi, kyə̀ ə fɨ ekwùtwəyn ə pìə nə, “M se nyi mə mə tyə̀n pomsê zɨmze, nyi se fɨnə tyə̀ynə kwəynsê.”

Njɔyn 15:19

Ə ghàyn fè nyi kə əghɨ mbiə mə ghənə kɔ̂ŋɔ̀ ndò ghàyn kə ghɨə ghənə̂ghè. Ə̀ zo se nyi mə mə tə chitê fɨse ghàyn ə mbi, ghàyn e sè fɨyn va ə̀ghɨə mbiə. Ə̀ za nyi eghɛ zɛ ə ghɨ mbiə panə̀ ghàyn sətəyn.

Njɔyn 15:3

Ghàyn kàyne nyi ndò ezoze kûmə̀ èzaʼlê zɛ ə m zaʼlə sê ghàyn.

Njɔyn 15:7

Ə ghàyn faŋ ke ə mi ewìyn, ə zaʼlê zɨmze ə pɔŋ nyi sê ghàyn, ghàyn ə pfɨfə pî ghè, ə ghàyn kyi.

Njɔyn 17:12

Kə M tè pa nyi ghasè ghənə, M tè nyîə tɔ̂ʼnə̀ è ghənə atyaʼ ezə kɛ Ò tè fo sê Mi. Mə tə tɔ̀ʼnè è ghənə nâʼà wùə èmɔ̀ʼ ə ghənə fètəyn ə tàʼa njìsè ə̀ tsɛ̂ kə va vɛ ə è tè kyi ke se njìsè kə ghɛ zɛ ə tè nyàʼ ə ŋwàʼlè Fèzhə̀ pəyn səmɔʼ.

Njɔyn 17:14

Mə tə tsàyn tom Zɛ sê ghənə, ghɨ ə mbighe e sè panə̀ ghənə kûmə̀ nə ghənə va kə ghɨ mbiə, kèpî eghɨ kə M va kə wùə mbi.

Njɔyn 17:16

Ghənə vachi ə̀ghɨ mbiə, kèpi eghɨ kə M vachi wùə mbi.

Njɔyn 17:2

kè kə Ò nyi mə O fo tyaʼa sê Vəyn e tùə ghɨ ə̀kɨ̂m kə È nəyn, ə ghɨ ghɛ ə O fo sê Vəyn kyi ndam zɛ ə ze tə mîə va.

Njɔyn 17:24

Pɨa Vɨm! M kyiŋə nə ghɨ ghɛ ə Ò fo sê Mi tə nəyn ə nyi ghasè ghənə elùʼ vɛ ə M nyi ətəyn, kə ə fe pomsê ekayntə zɨme, ə zɛ ə Ò tè fo sê Mi kûmə̀ nə Ò tè kɔ̀ŋɔ Mi, tsɔ̀fə kə pom mbi.

Njɔyn 17:26

Mə nə̀yn kə ghənə ke èzə Zɛze, mə M nə̀ ndûə kə shi sə̂ nə̂ nyiə mə endom kə kɔ̂ŋ zɛ ə Ò kyi sê Mi ə nyi se ghənə, kə Mi è ngɨŋ Zɨ̂mzè ə pɔŋ nyi ghasè ghənə.”

Njɔyn 17:7

Mə zôyn, ghənə ə kê nə nâʼàpî ghè vɛ ə Ò tè fo se Mi ndo sê Ghò.

Njɔyn 18:9

È və pìə nyi kə ghɛ zɛ ə È tè pì sê Pɨ̀a Vəyn kwəyn nə, “Pɛ̂, M tè pâʼà njìsè maʼà nâʼà wùə èmɔ̀ʼ əfètə̂ ə̀ghɨ̀ ghɛ ə Ô tè fo sê Mi.”

Njɔyn 6:37

Nâʼàpî ndè vɛ ə Pɨ̀a Vɨ̂m fo sê Mi nə̀ pə̂ se Mi. M vayn kaʼa M tə chum kɛsê nâʼàpî ndè vɛ ə è pə̀yn sê Mi.

Njɔyn 6:39

Ə̀ nyi èkɔ̂ŋ ə vɛ È tom Mi nə, kə M njise nâʼà èmɔ̀ʼ əfètə̂ ghɛ ə È fo sê Mi əkɨ̂m, pîza nə M zomse ghənə əkɨ̂m endam ə fetuʼfe kwuŋsəfe.

Njɔyn 8:51

M pîə sê ghàyn səmɔʼ nə, nâʼàpî ndè vɛ ə è nə̀ ghɛ zɛ M zaʼlə, kwuə va.”

Njɔyn 8:52

Ghɨ Njûs nə ghɛ ə pìə sê Vəyn nə, “Zôyn ghàs lote ke ndò nə ò nyiə kyi èpamə̂ ə satàynzè! Aplàghâm ə tè kwu, fɨ̀aʼtèsè ə kwuə, pîza Ò pîə nə nâʼàpî ndè vɛ ə è nə̀ ghɛ zɛ ə Ò zaʼlə, ə è tə taʼa kwu.

Ətefɨ̂aʼ 13:48

Kə ghɨ ghɛ ə̀ tè vachi ə̀ghɨ ə Njûsghè zɨ ghɛ ətəynze, saŋnə̂ nâʼà sə ŋaŋ, tsîtə̀ tom ə̀ Fèzhə̀. Ghɨ etsɨəghe ə pomə sê Pɛ̂pɛ Njisə̀s, ə̀ nyi ghɛ ə Zhə̀fè chitê nə ghənə kyi ndam zɛ ə ze tə mîə va.

Ŋwàʼlè ə̀ Pɔ̂l sê ghɨə Lûmghè 11:2

Zhə̀fè tè pâʼà tə ghɨ ə vəyn ghɛ ə è tè chitê ə zhə̀te. Ghàyn keva ghɛ zɛ ə ŋwàʼlè ə̀ Fèzhə̀ pì kûmə̀ Èlanjà kə è tè chyatə Zhə̀fè, tsâ ə̀ghɛ ghɛ ə ghɨ Isìlâyghè tè nə̂ sê vəyn.

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

Kòlosè 3:16

Ghàyn za nə tom ə̀ Klâys ə nyi ə ghàyn ətəm shîŋə̀ tekɨ̂m. Ghàyn nji tom nə zɛ mə, ə ghàyn fɨ̂aʼ è zə̂yn è tɔf eghaʼâ zaynze ekɨ̂m se teftê, è kɨsè se zaʼlə sengɨŋ saynse. Ghàyn zhəm njàŋsè se Zhə̀fè, mə se fɨ ə ŋwàʼlè ə̀ Fèzhə̀. Ghàyn zhəm njàŋsè se Zhə̀fè se tsitə vəyn è kɨsè Klâys, è naʼapi sènjàŋ sè kè sɛ ə se pə̂yn ə ghàyn ekwâʼtè se tsìtə Fezhə̀. Ghàyn zhəm se fəynfe se fo àzɔ̀ŋnè se fəynfe è təm ghaynghe əkɨ̂m.

2 Timotì 1:13

Fɛte kyi ghɛ ə səmɔʼ ghɨnə̀ m zaʼlə sê ghò kə chwìə kə ò chumte, ə faŋə ekyî epomə̂zè, è kɔ̂ŋ zɛ ə ghâsènì kyi kaʼke amɔ̀ʼ è Klâys Njisə̀s.

Ipilù 2:12

È pìə se Zhə̀fè nə, “M kyiŋə se wàmnè kûmə̀ ghò sê ghɔnyì ghɨmə, ghɨ ghɨmghe tə zûŋtə̀, ə m tyəm ə ghənə əfètəyn m tsite ghô.”

Ipilù 3:6

Pîza, sê Klâys, è fɨ̂aʼà kə è təm ə vəynghe əkɨ̂m kə Va Fèzhə̀, nâʼàpî ghè ə pɨ̀a vəyn ə ndɛ nyi ke ə və gho. Ghâsènì nyi ndɛ ə̀ vəyn, ə ghâsènì kyi ndu kendò təm ə tɛghe è samsêzè, əfètə̂ èkwàʼtè elɨmtə zɛ ə ghâsènì kyi.

1 Pità 1:1

Ə̀ nyaʼ mi Pità ŋwàʼlè zɨ̀nə̀, ə wùətom ə̀ Njisə̀s Klâys sê ghàyn ghɨə Fezhə̀ ghɛ ə fe chɔʼte, mə ə sàŋ fɨse ghàyn, ghàyn ghɛ ə waŋ nga ndaʼ ə Lûm, epɨ̂as endaʼ ə Pontùsvè, è Ngàleshyà, è Kàpàndoshyà, è Esiyà, è Pìtinyà.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.

Etyə̂yn ə paynsêzè 2:13

M nyiə ke eluʼ vɛ ə ò ndamə ətəyn. Ò ndamə elùʼ Satàyn e saʼa efɔ̂yn ə vəyn fu. O tə fɛte tyə̂m àchuŋ ə gho ekyî epomə̂zè sê mi ə tàʼa ə mɛnê ezə zɨmze nâʼàpî etuʼ vɛ ə tè zhwi Antipàs ətəyn vɛ ə è tè ndàʼa tom kûmə̀ mi è təm ə vəynghe əkɨ̂m. Ə tè zhwi vəyn elùʼ vɛ ə satàyn ndamə.

Etyə̂yn ə paynsêzè 3:10

Kûmə̀ nə o zɨ lâŋ kɨmke mə ke nyi nə ò kol təmə ə fètə̂ ètsòs, M tə sɔzâ kəpi ghò ashìŋə̀ kɛ kə tsôsè pə̀yn ə mbi ekɨ̂m se mɔ̀m əghɨ ghɛ ə ghe ndamə ə chi.

Etyə̂yn ə paynsêzè 3:8

M ke ndô ghɛ ghɛ ə ò nyi mə o nə̀yn. Fekə, mə chwì za cho ə ndɛ sê ghò, mə nâʼà wùə vayn kaʼa è fɨyn kyiŋ. M nyiə ke nə o tɔ̀ʼ kyi va tyaʼa, pîza mə o chùmtè zaʼlê zɨmze ə tàʼa mɛnê ezə zɨmze.