Njɔyn 17:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Mə tè fo pomsê ekayntəze sê ghò ə chi, mə mɨ̂sè fɨ̂aʼ kɛ ò tè fo nə M nəyn.

Njɔyn 17:4 ပူးပေါင်းရင်းမြစ်များ

Tom èchùŋ kè kə Lûk tè nyaʼ 22:37

M piə se ghàyn nə, zɛ e kyi sə nyi kɨ kə ə nyi mə nyaʼ ə Ŋwàʼlè ə Fèzhə̀ nə zɛ kyi se kyàyn se mi ə tè nyàʼ nə, ‘ə taŋ vəyn kə wùə èmɔ̀ʼ əfètə̂ ə ghɨghe ə ghɨ kəm saʼe.’ Ze nyi nyî kûmə̀ nə naʼapi ghè vɛ ə nyi mə nyaʼ kûmə̀ mi ze kyi se kyàyn.”

Njɔyn 12:28

Pɛ̂! tyə̀yn pomsêzè sê zə zɛze.” Kè nyi, kyə̀ ə fɨ ekwùtwəyn ə pìə nə, “M se nyi mə mə tyə̀n pomsê zɨmze, nyi se fɨnə tyə̀ynə kwəynsê.”

Njɔyn 14:13

M nə̀ nə̂ nâʼàpî èghɛ èkè zɛ ə ghàyn pfɨf ə Mi ezə, kə Pɨ̀a tyəyn pomsê ə vəynze tɔynə̂ ə Vayn.

Njɔyn 14:31

pîza ghɨ mbiə e kyi sə̂ ke nə m kɔ̂ŋɔ̀ ndò Pɨ̀a, nə̂ kə èghɛ zɛ ə è pì nə mə nə̂. Ghàyn pəyn ə ghâsènì ndo fa elùʼ.”

Njɔyn 15:10

Ə ghàyn ndə̀mə̀ lwɔ̂ŋ vɨmve, M mə pa kɔ̂ŋɔ̀ kə ndò ghàyn. E nyi kepî èghɨ kə M ndəmə̀ lwɔ̂ŋ ə Pɨ̀a vɨ̂mvè, è pa kɔ̂ŋɔ̀ kə ndò Mi.

Njɔyn 19:28

Epàm ətəyn, Njisə̀s ə fe nə ghɛ ghəkɨ̂m ə mì kə ə tè nyaʼ. Kèpî se lwiynse eghɛ zɛ ə tè nyàʼ ə Ŋwàʼlè ə̀ Fèzhə̀. È və ke pì nə, “Chɨ̀ŋə̀ m̀mò nyîə zafə Mi.”

Njɔyn 19:30

Njisə̀s ə mɨə mlɨ̂ me ngwaŋə̂m mə̂təynm ə pìə nə, “Zə mì. Kè sə ashìŋə̀, e və ngɨmsə̂ àtu ə Vəynke ə kwuə.”

Njɔyn 4:34

Njisə̀s ə pìə sê ghənə nə, “Fɨazhiə vɨmve nyi se nə̀yn efɨaʼ ə Vɛ ə È tom Mi nə M nəyn è kɨsè se mɨsè efɨ̂aʼ zɛ ə È tom nə M pəyn nəyn.

Njɔyn 5:36

Pîza, M kyi ndô tsɛ̀ èsaʼ è tsɨ̂ə tsɛ vɛ Njɔyn tè kyi. Fɨ̂aʼ tɛ M nə̂, mə nyi tefɨaʼ tɛ ə Pɨ̀a Vɨ̂mvè tè fo nə Mə nə̂, fɨ̂aʼ tə təynte wâmnə̀ ndò ə Mì azhəm chwîtə̀ nə ə̀ Mi tè tom Pɨ̀a.

Njɔyn 9:3

Njisə̀s ə pə̀ynsə̀ nə, “Fôf ə vəynze kyi va ghɛ zhîze se nə̀yn è pisə vəynse, pî zə pɨa, pî zə nyì. Zɨnə kyayn kə tyaʼa Fezhə̀kè fɨ̂aʼ tɔynə̂ ə vəyn ewìyn.

Ətefɨ̂aʼ 20:24

Pîza m njiə pi va ndam zɨme nâʼà sə eghɛ zhîze, kè ezhoghɛ m mɨsè nyɨŋ nə zɨ̂yn, ə mɨ̂sə̀ àfɨaʼ kɛ ə Pɛ̂pɛ Njisə̀s nyi mə è və fo se Mi, mə ə̀ nyì se ndàʼà ə tom èchùŋ kûmə̀ àfùʼ kɛ ə Zhə̀fè kyi sê ghɨghe.

2 Timotì 4:7

Mə fɨ̂aʼ ke nâʼà àchûŋ. Mə fɨ̂aʼ tayn shîŋə̀ kɛ ə kyiŋə, mə fɛtê ndəm kyî epomə̂zè.