Njɔyn 17:3 - Ŋwàʼlè ə̀ Fèzhə̀ Mkâyn Mə̂ Fèm

³ Mə ndam zɛ ə ze tə mîə va nyi se kê ə gho Zhə̀ fɛ ə Fe nyi səmɔʼ è kɨsè Njisə̀s Klâys vɛ ə ò tom.

Njɔyn 17:3 ပူးပေါင်းရင်းမြစ်များ

Ŋwàʼlè ə̀ Mâk 9:37

“Ə̀ tɔ̀ʼnè pîndè è vâyn nyiə kə vɨ̀nə kûmə̀ mi, ə nyi mə è və tɔ̀ʼnə̀ èmi, ə vɛ ə è tɔ̀ʼnə̀ mi ə ke nə è tɔ̀ʼnə̀ e vɛ ə è tom mi.”

Tom èchùŋ kè kə Lûk tè nyaʼ 9:48

ə piə sê ghənə nə, “Ə̂ tɔ̀ʼnə̀ pi ndè è vayn nyiə kə vɨ̀nə kûmə̀ mi, ə nyi mə è tɔ̀ʼnə̀ è mi. Ə vɛ ə è tɔ̀ʼnè è mi ə ke nə è və tɔ̀ʼnè è vɛ ə è tom mi. Ghàyn ke nə wùə vɛ ə è tətə kwûŋsə̀ ə ghàyn əfètəyn əkɨ̂m nyi vəyn vɛ ə è ngaŋte tsɛ̂.”

Njɔyn 10:36

Kè sê Mi, Pɨ̀a ə chɔʼ Mi ə tomə ndzɨsə̂ ə mbi. E se kwî zàyn nə ghàyn ə pîə nə M sôylə̀ Fezhə̀, kûmə̀ nə M pi nə M nyi Vâ ə̀ Fèzhə̀?

Njɔyn 11:42

M ke ndô nə Ò ndamə zɨə ndò tsə̂m zɨme. Pîza m wàmnə̀ zôyn sə chùŋ ə̀ghɨ ghɨ̀yn ə ghe tyəm fâyn, kə ghənə pomə nə ə̀ tom ghô è Mi.”

Njɔyn 14:26

Tsàmtè zɛ ə Pɨ̀a nə̀ tomə ə mi ezə, mə za nyi Sezuʼ se Ŋwaʼase, nə̀ zaʼlə̂ ghàyn è ghɛghe əkɨ̂m, ə è fɨyn nəyn ə ghàyn pɨəyte nâʼàpî ghè vɛ ə m nyi mə mə tsàyn sê ghàyn.

Njɔyn 17:18

Mə tom ndzɨsê ghənə ə mbi, kè èghɨ kə ò tè tom ndzɨsê mi ə mbi.

Njɔyn 17:21

M tsə̂mə̀ nə ghənə ə tsɨ̂yntè nyi ke sə eghɛ èmɔ̀ʼ, kèpî èghɨ kə Ghò ə Pɨa Vɨm nyi ə Mì ewìyn, M nyi ə Ghò ewìyn. Nə ə ghənə faŋ sê ghasè Ghò kə ghɨ mbi ghɨnə pomə nə ə̀ tom Ghò Mi.

Njɔyn 17:23

M nyi ə ghənə mwìyn, Ò nyi ə Mì ewìyn kə ghənə tsɨynte pəyn ə lote nyi ke sə eghɛ emɔ̀ʼ endom kə mbi ke nə ə̀ tom Ghô Mi, è kɨsè nə Ò nyîə kɔ̂ŋɔ̀ ghənə kè eghɨ kə Ò kɔ̀ŋɔ̀ Mi.

Njɔyn 17:25

Pɨ̀a Vɨ̂m ve èchùŋ vɛ ə ò nyi chichi! Mbi ke va Gho, pîza M ke Ghò, ghənə è ke nə ə̀ tom Ghô Mi.

Njɔyn 17:8

Mə fo tom zɛ ə Ò tè fo sê Mi sê ghənə, ghənə ə fiə zə̂ynzè ə pomə, ghənə nyîə ke nə ze nyi səmɔʼ nə M tè ndò sê ghò, ghənə pomə̂ kepî nə ə̀ tè tom ghô Mi.

Njɔyn 3:17

Zhə̀fè tè paʼà tom Vâ vəyn ə mbi nə è pəyn saʼ ə̀ghɨ. Pîza È tè tom Vəyn nə È pəyn Sɔza ə̀ghɨ.

Njɔyn 3:34

Vɛ ə Zhə̀fè tom wâmnə̀ èwâmnè ə Fezhə̀zè, kûmə̀ nə Zhə̀fè ə fo vəyn è Zuʼsə Vəynse mə sə lwiyn.

Njɔyn 5:44

Ghàyn kɔ̂ŋɔ̀ sə̂ fiə ètsîtè sê ngɨŋ saynse, pîza kɔŋə̀ va se fiə etsîtè sê Vɛ È nyì və̂yn mɔ̀ʼ, nyi Fèzhə̀, ə ghàyn ə nyi kàʼa pomə zayn sê Mi ə?

Njɔyn 6:57

Pɨ̀a vɛ È nə̀yn nə ghɨghə nyi ètwɔ ə tom mi, kûmə̀ vəyn, m pɔŋə ndamə. Kèpî kə nâʼàpî ndè vɛ ə è zhi wiyn Vɨm, M tə nə̂ vəyn nə è və nyi ètwɔ.

Njɔyn 7:29

Pîza M ke vəyn, kûmə̀ nə M ndo pə̂yn se Vəyn, ə̀ nyi Vəyn vɛ ə È tom Mi.”

Njɔyn 8:19

Ghɨ ə Falàsî ghə ke pfɨf sê Vəyn nə, “Pɨ̀a Vɛ̂ vàyn?” Njisə̀s ə pə̀ynsə̀ sê ghənə nə, “Ghàyn ke va Mi, ke va Pɨ̀a vɨm. Ə ghàyn fe ke Mi, mə ghàyn ke kepî ndò Pɨ̀a vɨ̂mè.”

1 Kɔlìŋ 15:34

Ghàyn kɛse pəyn ə ghàyn ə tetɔf ə kəmne ə ghàyn ə tendom tə pite. M pîə nyi kə ghàyn ghomə kûmə̀ nə ghàyn yîghe keva Zhə̀fè.

1 Kɔlìŋ 8:4

E za nyi nə se pì eghɛ kûmə̀ èfɨazhiə vɛ ə màʼtə̀ kə eshyə̂ sê fɨ̂aʼsèvè, ghâsènì ke ndô nə fɨ̂aʼsèvè vachi ndɨŋndɨŋ àfɨa kyîke fa mbi. Ghâsènì ke kepî ndô nə Zhə̀fè nyì ke fèmɔ̀ʼ.

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

Filìpây 3:10

M kɔ̂ŋə̀ se kê ə Klâys, kyiŋə se kyî atyaʼ kɛ ə è tè kyi kə è tè zòmə. M kyiŋə sə̂ pa zɨə kə ngəʼ eghɨ kə è tè zɨə. M kɔ̂ŋə̀ se kyiə kəpì etsôs vɛ ə è tè kyi, se zaʼâ kə ə zhwi kepî mi kə tè zhwi Vəyn.

Filìpây 3:8

Ə̀ va ke zɛ mə, m fe nâʼà pîghè nə ə̀ nyi kàyntè ènjìsè, ghɛ zhîze e va zɛ ə ze ghaʼa tsɛ̂ se ke Njisə̀s Klâys kə Pɛ̂pɛ. Kûmə̀ vəyn, mə màʼà ghɛghe əkɨ̂m, fe ghəynghe kə eliŋ kə m kaʼa m ke Njisə̀s Klâys.

1 Tèsàlonikà 1:9

Ghàs ə zɨ wâmnè zɛ ə ghənə wâmnə̀ kûmə̀ èndom echûŋ vɛ ə ghàyn tè fi ndzɨsê ghàs ətəyn kə ghàs mòtè pə̂yn ghàyn, è kɨsè kə ghàyn tè kwiyne sə chûmtə̀ èfɨaʼsè, sè chûmtə̀ Fezhə̀, ə Fezhə̀ fɛ ə Fe fo ndamze, fɨyn nyi səmɔʼ.

2 Tèsàlonikà 1:8

Ə̀ tə pə̂ nyi kə è tso pə̂ yî tsì sə vəyn nə sɛ, ə wûsmə pɛ̂, ə è fɨ̂aʼ è wus nə vɨnə̀ se fo ètsôs sê ghɨ ghɛ ə ghənə tè tə Zhə̀fè, nə̂ va ghɛ zɛ ə tom èchùŋ kûmə̀ Pɛ̂pɛ ə̀ ghâsènì Njisə̀s Klâys pìə.

Ipilù 3:1

E za nyi nə ghàyn kyi se fɛtə̂ ndə̀mə ekwâʼtè zaynze sê Njisə̀s ə ghɔnyìə ghɨm ghe Ŋwaʼa ghɛ ə Zhə̀fè pɔŋ tɔŋɔ nə ghàyn ə nyi ə̀ghɨ vəynghe. Ə̀ nyi vəyn vɛ ə ghâsènì njì kə wùətom ə̀ ghâsènì è wùə èkɔʼsə nə èshyə̀ èngaŋtə kwəynə.

2 Pità 1:2

Ə fùʼ ə Fezhə̀kè è pɔ̂ynè ə nyi sê ghàyn nâʼà sə ŋaŋ kûmə̀ nə ghàyn ke ndô vəyn, fɨyn ke Pɛ̂pɛ ə̀ ghâsènì Njisə̀s.

2 Pità 1:3

Zhə̀fè ə fo nâʼàpî ghè vɛ ə ghâsènì kyi sə̂ kyi kə ghâsènì ə ndamə èndam e zo zɛ ə ze kwəynə. Fe fo efɨa nə vɨ̂yn tɔynə̂ atyaʼ kɛ ə è kyi kə Fezhə̀, è kɨsè kûmə̀ nə ghâsènì nyîə ke vəyn. È tè tɔŋə ghâsènì tɔynə̂ ə vəyn epomsê è chùŋ ə̀ vəyn.

2 Pità 1:8

Ə ghàyn nə̀ ghɛ nə ghɨ̂yn, nə̂ ndûə kə eshike, ghɛ zɛ ə ghàyn nə̀ ke kûmə̀ Pɛ̂pɛ ə̀ ghâsènì Njisə̀s Klâys ndəmə, ə twɔm echûŋvè mu ə ghàyn endam.

1 Njɔyn 1:2

Tom nə zɨ̂yn ə è fo ndam zɛ e tə mîə va nyî, tè tyəyn ngɨŋ ə vəyn, ghàsə fe sè tyəm kə setsɛ̀ èsaʼ sê Vəyn. Ghàs wàmnə̀ sê ghàyn kûmə̀ tom nə zɨ̂yn kə è tè nyì yî Pɨ̀a, ə nə̀ nə ghàs ə ke Vəyn.

1 Njɔyn 1:3

Ghàs tsà ə̀ghɛ ghɨ̀nə̀ sê ghàyn, ə ghɛ ə ghàs nyi mə ə fe ə fɨnə zɨə, kə ə ghâsènì tsɨynte faŋ ke sə afɨa àmɔ̀ʼ ə ghâsènì è Pɨ̀a yî Va Vəyn Njisə̀s Klâys.

1 Njɔyn 2:23

Ə̂ kwiynse pîndè Vayn, ə nyi mə è və kwiynsê kepî Pɨ̀a. Pîza ə̂ pomə pîndè Vayn, ə nyi mə è və pomə kepî Pɨ̀a.

1 Njɔyn 4:6

Pîza, ghâsènì nyi əghɨ ə Fezhə̀ghè. Nâʼàpî ndè vɛ ə è ke Zhə̀fè zɨtə̂ ndò se ghâsènì, nâʼàpî ndè vɛ ə è ke va Zhə̀fè zɨtə̂ va se ghâsènì. Ə̀ vɨnə nyi endom vɛ ə ghâsènì kàʼa ke sə nɨŋ ə̀ fètə̂ Sèzuʼ sɛ ə se nyi səmɔʼ è sɛ ə̀ nyì sə akaŋse.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.