Njɔyn 17:26 - Ŋwàʼlè ə̀ Fèzhə̀ Mkâyn Mə̂ Fèm

²⁶ Mə nə̀yn kə ghənə ke èzə Zɛze, mə M nə̀ ndûə kə shi sə̂ nə̂ nyiə mə endom kə kɔ̂ŋ zɛ ə Ò kyi sê Mi ə nyi se ghənə, kə Mi è ngɨŋ Zɨ̂mzè ə pɔŋ nyi ghasè ghənə.”

Njɔyn 17:26 ပူးပေါင်းရင်းမြစ်များ

Njɔyn 14:20

Shìŋə̀ kɛ ə tuʼfə təynfe tə pə̂, ə ghàyn ke nə M nyi ə Pɨ̀a vɨ̂mvè ewìyn, è kɨsè nə ghàyn nyi ə Mì ewìyn kè eghɨ kə M nyi ə ghàyn ewìyn.

Njɔyn 14:23

Njisə̀s ə pə̀ynsə̀ sê vəyn nə, “Ghɨ ghɛ ə kɔ̂ŋɔ̀ Mi nə̀ ndə̂mə̀ tè zaʼlê tɨmte. Pɨ̀a vɨm tə kɔ̂ŋɔ̀ ghənə, ə Pɨ̀a vɨm è Mi tə pəyn se ghənə ə ndam ghasè ghənə.

Njɔyn 15:15

M fɨnə tɔŋtə̂ va ghàyn zôyn nə ghɨ efɨaʼaghe kûmə̀ nə wùə èfɨ̀aʼa ke va ghɛ zɛ ə Pɛ̀ èfɨaʼ ə vəyn nə̂. M pɨlə tɔŋtə̂ ghàyn zôyn nə soyn sɨmse kûmə̀ nə mə tsàyn ghɛ ghɛ Pɨ̀a vɨ̂m tsàyn sê Mi nâʼà ə̀kɨ̂m sê ghàyn.

Njɔyn 15:4

Ghàyn e nyi ke sê Mi, kə mə pɔŋ nyi ke sê ghàyn. Twɔmve vayn tsɨ̀ynə muə ngɔyn ə fèkàʼ sə vəyn və ngɨŋ, ve kaʼa ve nəyn ke zɨnə mə ezhoghɛ ve faŋ ə fekàʼ. Ngɔnə̀ fèkàʼ vayn mu etwɔm sə zə̂ynzè ə ngɨŋ ə̀ tsɛ̂ kə va mə è zə zùŋ ə nyìə fèkàʼ. E nyi kepî èghɨ nə ghàyn vayn mu etwɔm ə̀ tsɛ̂ kə va mə ghàyn zùŋ ə mì ewìyn.

Njɔyn 15:9

M nyiə kɔ̂ŋɔ̀ ghàyn kè eghɨ kə Pɨ̀a vɨm kɔ̀ŋɔ̀ Mi. E za nyi nə ghàyn kyi se faŋə kə sê Mi, kə mə pa kɔ̂ŋɔ̀ ghàyn.

Njɔyn 17:23

M nyi ə ghənə mwìyn, Ò nyi ə Mì ewìyn kə ghənə tsɨynte pəyn ə lote nyi ke sə eghɛ emɔ̀ʼ endom kə mbi ke nə ə̀ tom Ghô Mi, è kɨsè nə Ò nyîə kɔ̂ŋɔ̀ ghənə kè eghɨ kə Ò kɔ̀ŋɔ̀ Mi.

Njɔyn 17:6

Mə nə̀yn nə ghɨ ghɛ ə ò tè fo sê mi ə mbi ə ke ghô. Ə̀ tè nyi əghɨ ghɛ; O fo sê Mi, ghənə ə nə̀yn ghɛ zɛ ə tom Zɛ̂zè pìə.

Njɔyn 17:8

Mə fo tom zɛ ə Ò tè fo sê Mi sê ghənə, ghənə ə fiə zə̂ynzè ə pomə, ghənə nyîə ke nə ze nyi səmɔʼ nə M tè ndò sê ghò, ghənə pomə̂ kepî nə ə̀ tè tom ghô Mi.

Njɔyn 6:56

Ghɨ ghɛ ə zhi wiyn vɨm ə mɨə m̀ndəm mɨ̂m nyì ghâsè ghənə, M nyi ghasè ghə̀ ghənə.

Njɔyn 8:50

M kyiŋə va nə ə kɔʼsə̂ Mi. Pîza wùə e nyi kə è kyiŋə nə ə kɔʼsə̂ Mi, mə ə̀ nyi Vəyn vɛ ə È tsɛ̀sə̀ saʼze səmɔʼ.

Ŋwàʼlè ə̀ Pɔ̂l sê ghɨə Lûmghè 8:10

Pîza, ə Klâys nyi ə ghàyn ə fètəyn, ə ghàyn ə kyi èndam kûmə̀ nə Klâys ə nə̀yn ghàyn e nyi chichi ə Zhə̀fè əshi, pî kə wîyn mâynm̀ tə kwuə kûmə̀ ə̀ghɛ əpi ghɛ ə ghàyn nə̀yn.

1 Kɔlìŋ 1:30

Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.

1 Kɔlìŋ 12:12

Klâys nyì ke kə ewiyn emɔ̀ʼ ə ve kyi pɨ̂as etsɨəve; ə̀ pa nyi ke èwiyn emɔ̀ʼ pi kə ve kyi pɨ̂as etsɨəve.

Ngàleshyà 2:20

kə mə fɨnə ndamə va, pîza ə̀ nyi Klâys kə è ndamə ə mì ə fètəyn. Ndam zɛ ə m ndamə zôyn nyi kûmə̀ èkyî èpomə zɛ ə m kyi sê Va Fèzhə̀ vɛ ə è tè kɔ̂ŋ mi ə fo ngɨŋ ə vəyn ə kwu kûmə̀ mi.

Ɛfesùs 1:6

E za tyə̀nə̀ nə ghâsènì kyi sə̂ tsîtə̀ Fèzhə̀ kûmə̀ ètɔʼnè ekayntə zɛ ə è tyə̀yn sê ghâsènì tɔynə̂ ə vâyn èkɔ̀ŋ ə̀ vəyn. Ə̀ tè kɔ̀ŋ ke vəyn se nə̀yn nyî.

Ɛfesùs 3:17

kə kyî epomə̂ zaynze nəyn ə Klâys ə fɛtə ndamə kə nâʼà ndò ə ghàyn ə təm. M tsə̂mə̀ nə ghàyn ndəmə əfètəyn èkɔ̀ŋ, fɨnə tɛ,

Ɛfesùs 5:30

Ghâsènì nyi tsɨ̂yntè nyi èpɨ̂as ewìyn ə Klaysvè.

Ɛfesùs 5:32

Zaʼlə ekayntəze nyiə nyi eghɛ nə zɨ̂yn. Pîza, m wàmnə̀ elùʼ nə vɨ̂yn kûmə̀ Klâys yî ndɛ ə̀ Fèzhə̀,

Kòlosè 1:27

Pɨaʼtê ə Fezhə̀zè nyi nə è nəyn ə ghɨə vəynghe ke nə ghaʼa Klâyszè, è pomsê ə vəynze nyi kepî ndò se ghɨ ghɛ ə̀ vachi ə̀ghɨ ə Njûsghè. Ghɛ endətə zɛ ə ze nyi əfètə̂ ə̀təyn nyi nə, ghàyn ndəm ə ghàyn ətəm nə ghàyn tə kyîə ndò pomsê zɛ ə Zhə̀fè pì nə zhi tə fo ndò se ghɨə vəynghe.

Kòlosè 2:10

Nyiəmə, ghàyn ə kyî ndam efɨ̂plèzè kûmə̀ nə ghâyn ghə̀ Klâys nyi əmɔʼ, ə nyi vəyn vɛ ə twɔʼve ekɨ̂m, è tuə tendaʼàvè ekɨ̂m nyi ə vəyn etyə̀.

Kòlosè 3:11

nə sə nɨŋ zhîzè ə va se ghɨə ghɛ ə̀ vachi ə̀ghɨ ə Njûsghè, è ghɨə Njûsə̀, sə nɨŋ e va sê ghɨ ghɛ ə nyi mə ə se nam ə ghənə̂ghè, è ghɛ ə nyi ndɔ̀ʼɔ se. Sə nɨŋ e va se wùə àtum è wùə mbvɨyn, kɨ̀sə ə̀ nyi akɔ̂s, kɨ̀sə ə̀ nyi vɛ ə è va sə akɔ̂s, pîza ə̀ nyi Klâys se ghɛ ətəynghe əkɨ̂m, nyi ə ghənə əfètəyn ə̀kɨ̂m.

2 Tèsàlonikà 2:16

Ə Pɛ̂pɛ ə ghâsènì Njisə̀s Klâys nâʼà è ngɨŋ ə vəyn yî Zhə̀fè Pɨ̀a ghâsènì vɛ ə è tè kɔ̀ŋə ghâsènì ə fo ghâsènì è təmə tɛghe, è kwaʼtè elɨmtə zɛ ə ze tə mîə va tɔynə̂ ə vəyn afùʼ.

Ipilù 2:12

È pìə se Zhə̀fè nə, “M kyiŋə se wàmnè kûmə̀ ghò sê ghɔnyì ghɨmə, ghɨ ghɨmghe tə zûŋtə̀, ə m tyəm ə ghənə əfètəyn m tsite ghô.”

1 Njɔyn 3:24

Ghɨ ghɛ ə ndə̂mə̀ lwɔ̀ŋ ə vəynve nyì yî Vəyn sə afɨa àmɔ̀ʼ, è ve nyi kepî sə afɨa àmɔ̀ʼ yî ghə̀ ghənə. Ghâsènì nyîə ke nə ghâsènì nyì sə afɨa àmɔ̀ʼ tɔynə̂ ə sezuʼ sɛ ə è fo sê ghâsènì.