Njɔyn 17:22 - Ŋwàʼlè ə̀ Fèzhə̀ Mkâyn Mə̂ Fèm

²² Mə fo pomsê ekayntəze sê ghənə, ə nyi zɛ ə Ò tè fo sê Mi, kə ghənə tsɨyntè nyi ke sə wûə èmɔ̀ʼ, eghɨ kə ghasè ghò nyi ke se eghɛ èmɔ̀ʼ.

Njɔyn 17:22 ပူးပေါင်းရင်းမြစ်များ

Ŋwàʼlè ə̀ Mâk 6:7

È və tɔŋɔ chùmtè èpàm sə vəynse njòse pɛ̀ ə tomə ghənə, kè ə pɛ̀ ə pɛ̀, ə fɨnə fo àtyaʼ sê ghənə nə ghənə ə chumə̀ fɨsə̂ sèzuʼ sepise ə ghɨghə mwìyn.

Tom èchùŋ kè kə Lûk tè nyaʼ 22:30

kə ghàyn nə zhi ə fɨyn mɨ ə mi elùʼ e zhiə etuʼ vɛ m saʼa fɔ̂yn ə vɨm. Ghàyn tə nə̂ ə tsɨs kepî ə mkyə̀ mə tèfɔ̀ynə̀m njò sepɛ̀, saʼa tètâŋ tə Isìlây tɨ̂nə̀ njò sepɛ̀.” (Matyò 26.31-35; Mâk 14.27-31; Njɔyn 13.36-38.)

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Njɔyn 1:16

Ə Vəyn afùʼ kɛ ə ke nyi mə kə lwiyn kwəyn, È və pɔsê ghâsènì əkɨ̂m, ə fo ghâsènì è pɔsê əte kyì əte kyì.

Njɔyn 14:20

Shìŋə̀ kɛ ə tuʼfə təynfe tə pə̂, ə ghàyn ke nə M nyi ə Pɨ̀a vɨ̂mvè ewìyn, è kɨsè nə ghàyn nyi ə Mì ewìyn kè eghɨ kə M nyi ə ghàyn ewìyn.

Njɔyn 17:24

Pɨa Vɨm! M kyiŋə nə ghɨ ghɛ ə Ò fo sê Mi tə nəyn ə nyi ghasè ghənə elùʼ vɛ ə M nyi ətəyn, kə ə fe pomsê ekayntə zɨme, ə zɛ ə Ò tè fo sê Mi kûmə̀ nə Ò tè kɔ̀ŋɔ Mi, tsɔ̀fə kə pom mbi.

Ətefɨ̂aʼ 5:41

Ghɨətom ə Njisə̀sghè ə ndò elùʼ nə vɛ, saŋnə kə nyi kûmə̀ nə Zhə̀fè ə fe nə ghənə ə kwəyn se kyîə eghomə̂ kûmə̀ ezə Njisə̀szè.

Ŋwàʼlè ə̀ Pɔ̂l sê ghɨə Lûmghè 8:30

Nyiəmə, ghɨ ghɛ Zhə̀fè tè nyi mə fe ə kàynè chitê ndəm, È və tə tɔŋɔ ghənə nə ə nyi ə̀ghɨ ə vəynghe. Ghɛ ə È nyi mə È və tɔŋɔ, È pi nə ə̀ nyi ghɛ ə ghe nyi chichi ə zhi shi. È və fo pomsê ə vəynze sê ghɛ ə ghe nyi chichi ə və shi.

2 Kolìŋ 3:18

Ghâsènì əkɨ̂m nyîə kyi èpomsê ə Fezhə̀zè shîŋə̀ kɛ ə kyaʼ tə ghasènìte nyi ndɔ̀ʼɔ kɨyte, ə kyì epomsê nə zɛ mə, ə ze pə̂ se Pɛ̂pɛ, mə è nyi Sezuʼ, se kwiynə̂ ghâsènì nə ə nyi ke kə vəyn kə ghâsènì ə kyi èpomsê zɛ ə ze nyanə nduə kə èshike.

2 Kolìŋ 5:20

Ə̀ za nyi endom vɛ, ə ghàs njìə luʼ ə Klaysvè, kəpiə Zhə̀fè tɔŋə ghàyn nə ghàyn kɛse pəyn sê vəyn tɔynə̂ ə ghàs. Ghàs chyatə̂ ghàyn ə Klâys ezə nə ghàyn kɛse pəyn sê Zhə̀fè.

2 Kolìŋ 6:1

Ghàs fɨ̂aʼà ghasè ghə̀ Zhə̀fè əmɔʼ chyatə ghàyn ghɛ ə kyi fùʼ ə Fezhə̀kè nə kə ghàyn zàmaʼà nə ke njise sə ndô.

Ɛfesùs 2:20

Ghàyn nyi ndɛ mə ə ndɔm achiə ətəynke è zaʼlê zɛ ə ghɨətom ə Njisə̀sghè è fɨ̀aʼtèsè tè zaʼlə kûmə̀, èchi epòlə̀ ə ndɛ nə zɨ̂yn nyi ke nâʼà Klâys Njisə̀s è ngɨŋ ə̂ vəyn.

Filìpây 1:29

M pîə nyî kûmə̀ nə Zhə̀fè ə tyə̀yn təm əchûŋə̀ sê ghàyn ə nə̀ nə ghàyn pomə Klâys ə fɨyn fe ètsôs kûmə̀ vəyn.

Kòlosè 1:24

M saŋnə̂ ndò zôyn kə m zɨə ngəʼ kûmə̀ ghàyn. Kə m zɨə ngəʼ nə zɨnə mə, mə mɨ̀sè zɨə ngəʼ ə Njisə̀s zɛ ə ze tè kyi sə̂ nyi ə vəyn ewìyn vɛ, ə ve nyi əghɨ̀ ghɛ ə ghe pomə sê vəyn.

1 Njɔyn 1:3

Ghàs tsà ə̀ghɛ ghɨ̀nə̀ sê ghàyn, ə ghɛ ə ghàs nyi mə ə fe ə fɨnə zɨə, kə ə ghâsènì tsɨynte faŋ ke sə afɨa àmɔ̀ʼ ə ghâsènì è Pɨ̀a yî Va Vəyn Njisə̀s Klâys.

1 Njɔyn 3:24

Ghɨ ghɛ ə ndə̂mə̀ lwɔ̀ŋ ə vəynve nyì yî Vəyn sə afɨa àmɔ̀ʼ, è ve nyi kepî sə afɨa àmɔ̀ʼ yî ghə̀ ghənə. Ghâsènì nyîə ke nə ghâsènì nyì sə afɨa àmɔ̀ʼ tɔynə̂ ə sezuʼ sɛ ə è fo sê ghâsènì.

1 Njɔyn 4:17

Kûmə̀ nə ghâsènì nyì sə afɨa àmɔ̀ʼ ghasènyìə ghə̀ Zhə̀fè, kɔ̀ŋ zɛ ə ghâsènì kyi ə ghâsènì ə təm ndəmə̂ ndûə ndò se lwiyn ə kwəyn. Nyiəmə, ghâsènì tə nə̂ ə fânə̀ va ə fetuʼ fə saʼfe pîza ghâsènì tə nə̂ ə kyi ə̀təm ə tɛ se tyəmə̂ ə Zhə̀fè əshi, kûmə̀ nə ghâsènì ndamə kə kə̂ Klâys fa mbi.

Etyə̂yn ə paynsêzè 21:14

Mbàyn ə̀ tɔ̂ŋ èghaʼâ ə̀təyn tè nyi mə ə pɛ etûə ə̀chi ə ghaʼlə̂ echi ə ndɛve njò sepɛ̀. Zə əghɨ̀ ə tom ə Vâ Ndzèghè tè nyi mə ə nyàʼ etûə ə̀chi nə ghɛ, nâʼàpî èchi èkè è kyi ezə emɔ̀ʼ.