Njɔyn 17:2 - Ŋwàʼlè ə̀ Fèzhə̀ Mkâyn Mə̂ Fèm

² kè kə Ò nyi mə O fo tyaʼa sê Vəyn e tùə ghɨ ə̀kɨ̂m kə È nəyn, ə ghɨ ghɛ ə O fo sê Vəyn kyi ndam zɛ ə ze tə mîə va.

Njɔyn 17:2 ပူးပေါင်းရင်းမြစ်များ

Matyò 11:27

Pɨ̀a vɨ̂m və fo fɨave ekɨ̂m sê mi. Wùə vîvè fɛte keva Vayn ə tsɛ̂ kəva Zhə̀fè Pɨ̀a, wùə e fɛte ke va Pɨ̀a ə̀ tsɛ̂ kəva Vayn è ghɨ ghɛ Vayn chɔʼ se tyə̀nə paynsê ə Pɨ̀a sê ghənə.

Matyò 25:46

Ghɨnə mə, ə fɔ̀yn ke tom elùʼ etsəfsə vɛ ə wusve pɛ ndɨmə̂ va, pîza əghɨ chichighe ndu elùʼ vɛ ə ghənə tə ndamə faŋə.”

Matyò 28:18

Njisə̀s ə kɨŋtə̂ paʼsə̂ ndûə sê ghənə ə pìə nə, “Zhə̀fè ə fo tyaʼke akɨ̂m sê mi ekwùtwəyn è kɨsè ə chi.

Njɔyn 17:24

Pɨa Vɨm! M kyiŋə nə ghɨ ghɛ ə Ò fo sê Mi tə nəyn ə nyi ghasè ghənə elùʼ vɛ ə M nyi ətəyn, kə ə fe pomsê ekayntə zɨme, ə zɛ ə Ò tè fo sê Mi kûmə̀ nə Ò tè kɔ̀ŋɔ Mi, tsɔ̀fə kə pom mbi.

Njɔyn 17:6

Mə nə̀yn nə ghɨ ghɛ ə ò tè fo sê mi ə mbi ə ke ghô. Ə̀ tè nyi əghɨ ghɛ; O fo sê Mi, ghənə ə nə̀yn ghɛ zɛ ə tom Zɛ̂zè pìə.

Njɔyn 17:9

M tsə̀mə̀ se ghənə. M tsə̂mə̀ chiva se ghɨə mbiə, pîza se ghɨ ghɛ ə Ò fo sê Mi, kûmə̀ nə ə̀ nyi əghɨ ghɛghe.

Njɔyn 3:35

Ə pɨ̀a vayn kɔ̂ŋɔ̀ vayn, è və ndə̀mə̀ ə̀ghɛ ə̀kɨ̂m ə vəyn əgho.

Njɔyn 4:14

Pîza, ghɨ ghɛ ə mɨ mô mɛ m nə̀ fo sê ghənə tə fɨnə kyîə va pfɨ̀ŋ ə̀ m̀mò. Mo mɛ M nə̀ fo sê ghənə nə̀ nə̂ mə nyi ə ghənə ə fètəyn kə tɔŋ m̀mò zɛ ə è zomə tsɛ̂ va. Mo mə təynmè nə̀ fo ghənə èndam zɛ ə ze tə mîə va.”

Njɔyn 6:27

Kə ghàyn nə fɨaʼa sê fɨazhiə vɛ ə ve pofə, ghàyn è pɨlə fɨaʼà sê fɨazhiə vɛ ə ve kyi ndam zɛ ə ze tə mîə va. Ə̀ vɨnə nyi efɨazhiə vɛ ə Vâ Wùə tə fo sê ghàyn kûmə̀ nə Zhə̀fè, mə za nyi Pɨ̀a, nyi mə È və ndə̀m chwìə èfɨ̀aʼa ə Vəyn wìyn.”

Njɔyn 6:37

Nâʼàpî ndè vɛ ə Pɨ̀a Vɨ̂m fo sê Mi nə̀ pə̂ se Mi. M vayn kaʼa M tə chum kɛsê nâʼàpî ndè vɛ ə è pə̀yn sê Mi.

Njɔyn 6:39

Ə̀ nyi èkɔ̂ŋ ə vɛ È tom Mi nə, kə M njise nâʼà èmɔ̀ʼ əfètə̂ ghɛ ə È fo sê Mi əkɨ̂m, pîza nə M zomse ghənə əkɨ̂m endam ə fetuʼfe kwuŋsəfe.

Ŋwàʼlè ə̀ Pɔ̂l sê ghɨə Lûmghè 6:23

Ghàyn ke ndô nə ndâʼ zɛ əghɛ ə pighe pə̂yn è zəynze nyi ekwu. Pîza maʼte vɛ ə Zhə̀fè fo sê ghɨghe səndô nyi endam zɛ ə ze tə mîə va. Ghâsènì ə kyî zəynze kə ghâsènì nyi ghasènìghə̀ Njisə̀s Klâys Pɛ̂pɛ ə̀ ghâsènì.

1 Kɔlìŋ 15:25

Klâys kyi ke sə saʼa se zaʼâ kə È tɛ tsɛ sèpàyn sèkɨ̂m se ndə̀mə ghənə ə Vəyn etyə̂ ə̀ghòl.

Ɛfesùs 1:20

se nə̀yn nə Klâys kɛse zômə̀. Klâys ə zòmə̀ za, è və ndə̀mə̀ vəyn ə Vəyn ekɔyn twɔve ekwùtwəyn.

Filìpây 2:10

Zhə̀fè tè nəyn zɨnə mə kə nâʼàpî àshîŋə̀ àkè ə tɔŋte zə ə Njisə̀s nə zɨ̂yn, nâʼàpî àkè kɛ ke nyi, kɨ̀sə ke nyi ekwùtwəyn kɨ̀sə ke nyi ə chi kɨ̀sə ke nyi nâʼàpî etyə̂ àchi ə ngwûʼə̂ ə chi ngɨmnə̂ Njisə̀s,

1 Timotì 1:16

Pîza Zhə̀fè tè tyəyn esəyn ekoze sê mi nâʼà sə ŋaŋ endom kə Klâys Njisə̀s tyəyn mɨ̂sè èwəynsê ewìyn ə Vəynze, endom vɛ ə è lɛ̀sè fo mi, vɛ m nyi fɔ̀yn ə̀ghɛ ə pighe. Zɨnə mə tè nyi se tyə̀yn ə chwìə sê ghɨ ghɛ ə ghe tə̂ pə̂ pomə se Klâys epàm, kə ghɨ nə ghɨnə̀ ə nyi kàʼa kyi ndam zɛ ə ze tə mîə va.

Ipilù 1:2

Pîza, e sè nyi ə mtuʼ me kwùŋsə̂ mɨ̀yn mə Fə wàmnè sê ghâsènì tɔynə̂ ə Va vəyn. Zhə̀fè tè se nyi mə fə ndə̀m nə fe tə fo nâʼàpî ghè ə mbi sê Va vəyn, mə fe tè pom mbi è nâʼàpî è ghè ətəyn tɔynə̂ kə ə Va ə̀ vəyn nə vɨ̂yn.

1 Pità 3:22

È və zòmə̀ ə kɛsə kɔʼɔ ekwùtwəyn, sè tsɨs zôyn ə Zhə̀fè ekɔyntwɔve, saʼa sètsì sèkɨ̂m, fɨnə saʼa sèzuʼ sèkɨ̂m sɛ ə se kyi twɔʼve.

1 Njɔyn 1:2

Tom nə zɨ̂yn ə è fo ndam zɛ e tə mîə va nyî, tè tyəyn ngɨŋ ə vəyn, ghàsə fe sè tyəm kə setsɛ̀ èsaʼ sê Vəyn. Ghàs wàmnə̀ sê ghàyn kûmə̀ tom nə zɨ̂yn kə è tè nyì yî Pɨ̀a, ə nə̀ nə ghàs ə ke Vəyn.

1 Njɔyn 2:25

Famə afɨa àmɔ̀ʼ, ə ghâsènì kyi ndam zɛ ə ze tə mîə va mə za nyi vɛ ə Zhə̀fè kɨmne ndə̂m tè tsɨ̀ne se ghâsènì.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.

Njût 1:21

Ghàyn ndu ke èshike sə̂ ndamə èndam zaynze endom vɛ ə ghɨ ghɛ ə kɔ̂ŋə̀ Zhə̀fè kyi sə̂ ndamə kə ghàyn lɨmtə nə Pɛ̂pɛ ə̀ ghâsènì Njisə̀s Klâys pəyn tyəyn ekosê esəyn sê ghâsènì tɔynə̂ endam zɛ ə è tə fo sê ghâsènì mə ze tə mìə va.