Njɔyn 17:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ Kûmə̀ ghənə, Mə fo ngɨŋ zɨm sê Ghò kə ghənə pɔŋ fo sèngɨŋ sə ghənə̂sè sê Ghò səmɔʼ.

Njɔyn 17:19 ပူးပေါင်းရင်းမြစ်များ

Njɔyn 10:36

Kè sê Mi, Pɨ̀a ə chɔʼ Mi ə tomə ndzɨsə̂ ə mbi. E se kwî zàyn nə ghàyn ə pîə nə M sôylə̀ Fezhə̀, kûmə̀ nə M pi nə M nyi Vâ ə̀ Fèzhə̀?

Njɔyn 15:13

Kɔ̂ŋ engaŋtə zɛ ə ghàyn kàʼa kyi sê soyn saynse nyi nə ghàyn kwu ə ghənə elùʼ.

Njɔyn 15:3

Ghàyn kàyne nyi ndò ezoze kûmə̀ èzaʼlê zɛ ə m zaʼlə sê ghàyn.

Njɔyn 17:17

Nə̀yn nə ghənə zo kwəynə̂ tɔynə̂ səmɔʼ Zɛ̂zè. Kyə̀ Zɛze nyi səmɔʼ.

Njɔyn 17:20

M tsə̀mə̀ kə va sê ghənə. Pîza M tsə̂mə̀ kəpî ndò se ghɛ ə ghe tə pomə se Mi tɔynə̂ ə ghənə tom.

1 Kɔlìŋ 1:2

M nyâʼà sê nɔ̂yn ə ndɛ Fèzhə̀ kɛ ə̀ kyi Fezhə̀, ə ke nyi endaʼ ə Kolìnzè, è kɨsè sê ghɨghe əkɨ̂m ghɛ ə Zhə̀fè tɔŋə ə nə̀ nə ghənə nyi ə̀ghɨ ə vəynghe ŋwaʼaghe tɔynə̂ ə Klâys Njisə̀s. Fɨnə nyâʼà se ghɨghe əkɨ̂m nâʼà pi ghayn, mə nyi ghɛ ə ngɨmnə Pɛ̂pɛ ə̀ ghâsènì Njisə̀s Klâys. È nyi Pɛ̂pɛ ə̀ ghənə̂ kèpi kə è nyi Pɛ̂pɛ ə̀ ghâsènì əkɨ̂m.

2 Kolìŋ 4:15

Ghàs pomə̂ se fe etsòs nə vɨ̂yn sə ghàyn ə chùŋ kə Zhə̀fè nə tyən àfùʼ ə vəynke sê ghɨ se tsɨ̀ se tsɨ̀, ə ghɨ tsɨə fo zɔ̀ŋnèkè endom se fo epomsê eghaʼazè Zhə̀fè.

2 Kolìŋ 7:14

M tè nyîə pfɨnə̀ àngàŋtè kûmə̀ ghàyn sê vəyn, ghànə tàʼa ghomsə̂ mi. Ghàs ndamə wàmnə̀ kə səmɔʼ sê ghàyn. Naʼapi ghè vɛ ə ghàs tè pfɨyn ngàŋtèkè sê Taytùs kûmə̀ ghàyn tè fɨyn fɨ ke səmɔʼ.

2 Kolìŋ 8:9

Ghàyn kendô fùʼ kɛ ə Pɛ̂pɛ ə̀ ghâsènì Njisə̀s Klâys tè tyə̀yn sê ghâsènì. È tè nyi wùə èkɛ, ə kɛsə fɨfə kûmə̀ ghàyn, kə fɨfə Vəynke nəyn, kə ghàyn ə nyi ə̀ghɨ kɛghe ə Zhə̀fè shi.

Kòlosè 1:6

Tom èchùŋ nə zɨ̂yn pə̂ èpɔsêzè è kɨsè sə waŋə ndûə kə luʼte kɨ̂m ə mbi. Tuʼfə shi fɛ ə ghàyn tè zɨ, ghàyn ə tə zɨ kê nə Zhə̀fè ndɨŋ kyi ndò təm ə chûŋghè sê ghɨghe.

1 Tèsàlonikà 4:7

Kûmə̀ nə Zhə̀fè tè paʼà tɔŋə ghâsènì nə ə nə̂ ə̀ghɛ ə nyələghe è wiyn ə ghasènìve. Pîza Fe tè tɔŋɔ nə ghâsènì ə ndamə èndam eŋwaʼze.

2 Timotì 2:10

Ə̀ za nyi eghɛ zɛ m kolə təmə nâʼàpî ə tə ghè kè kûmə̀ ə̀ghɨ ghɛ ə Klâys nyi mə È və chɔʼtê, kə ghənə tə pɔŋ kyî èsɔza zɛ ə ze pə̂ tɔynə̂ ə Klâys Njisə̀s, pə̂ è pomsê zɛ ə ze tə mîə va.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Ipilù 10:29

Ə ze tè nyi zamə, ə ze tə pə̂ ə zə nyi nâʼà zàyn sê ghɨ ghɛ ə ghe nyaŋə màʼà Va Fèzhə̀ ə? Ze tə pə̂ ə ze ə nyi nâʼà zàyn sê wùə nə vɨ̂yn ə è tàʼa njiə mndəm mɛ ə Zhə̀fè zhi kâynmè ətəyn mə m̀ shùə tsɨsə̀ pi sə ghənə̂sè sə eghɛ ə? E za tə pə̂ ə ze ə nyi nâʼà zàyn sê wùə nə vɨ̂yn ə è sòylə̀ Zuʼsə ə Fezhə̀sè, ə nyi səynse ə se tyə̂nə̀ təm əchûŋ ə Fèzhə̀ghè ə? Lote kwàʼte tso kə pɔynsê zɛ ə ghənə kyi sə̂ kyi tə pə̂ ə ze ə tsɨ̂ə tâ.

Ipilù 2:11

Njisə̀s, kə è nə̀yn nə ghɨghə zo kə ghənə ə fɨyn kyi va pi, ə yî ghɨ nə ghɨnə̀ ə kyi ke pɨ̀a emɔ̀ʼ. Ə̀ za nyi eghɛ zɛ ə è tɔŋtə ghənə nə ghɔnyì yiə, ghomə va.

Ipilù 9:13

Ə̀ tè nyi sə shi, mə wùə zo va endom endam endaʼze, ə njìə mndəm mə pfɨm è mə nyàm ə̀mbɔ̀lɔʼmè e ndômə̀ ə fɨnə njìə àpfɨchia ə va nyàmkè kə ə nyɔ̂ʼɔ̀ ə wàŋtə̀ ə vəyn ewìyn. Ə ghənə nə̂yn nyi, ze ə shùə ghənə ə nə̀ nə wîyn mə ghənə̂ mè ə zo ə pɨəyn.

Ipilù 9:18

Ə̀ za nyi eghɛ zɛ ə tè nyi nâʼàpî mkàyn me mɨ̂mè, e kyi se tsosê mndəm nə ghɛ ə təynze ə kyi m̀kɔʼnè.

Ipilù 9:26

Ə ze tè nyi za, mə Klâys ə tə zɨ ngəʼ sə teshɨ̀ŋə̀ te tsɨəte se zhə̀tə pə̀yn ashìŋə̀ kɛ ə tè pom mbi. Pîza zôyn kə pìŋ sə ekwuŋsə sə mbi sɨynəse sè paʼsə pə̂, è və pə̀yn shîŋə̀ ze mɔ̀ʼ se nə̀yn nə ə lese fo sèpi sə ghɨ̀sè mə è fo ə ngɨŋə̂ vəyn sə efo.

1 Njɔyn 3:18

Ghɔyn ghɨmə, kə ghâsènì ə kɔ̀ŋɔ̀ kə è choze. Ghâsènì kyi sə̂ tyə̂nə̀ èkɔ̂ŋ əghɛ ghɛ ə ghâsènì nə̂, kɔ̀ŋɔ̀ kə nâʼà səmɔʼ.

1 Njɔyn 3:3

Ə ghɨghe əkɨ̂m ghɛ ə ghe ndə̂mə̀ təmə ghənə̂ghè se vəyn, ndəm ngɨŋ sə ghənə̂sè è ŋwâʼe kèpî kə è nyi è ŋwaʼze.