Njɔyn 17:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ Mə tom ndzɨsê ghənə ə mbi, kè èghɨ kə ò tè tom ndzɨsê mi ə mbi.

Njɔyn 17:18 ပူးပေါင်းရင်းမြစ်များ

Matyò 10:5

Ə̀ tè tom fɨsê Njisə̀s è chùmtè èpàm sɨ̂nə̀ njò sepɛ̀ ə fo ghənə è lwɔ̂ŋvè nə, “Kə ghàyn ndu sê wùə endaʼ àtum; kə ghàyn ndu sê wùə ə̀ tɔ̂ŋ ə Sàmalìtâyn nâʼà èmɔ̀ʼ.

Matyò 23:34

M pîə sê ghàyn nə, m tə tomə sèfɨ̀aʼtè è ghɨ tɔfə è tyə̀ynsèsè sê ghàyn. Ghàyn tə zhwitə̂ yîghe, ə paynte yîghe awâmnè, ə pus yîghe ə sendɛ sə atsɨ̀yntese ə fɨnə chumə̀ fɨsə̂ yîghe ə setɔ̂ŋ ə setɔ̂ŋ.

Njɔyn 17:21

M tsə̂mə̀ nə ghənə ə tsɨ̂yntè nyi ke sə eghɛ èmɔ̀ʼ, kèpî èghɨ kə Ghò ə Pɨa Vɨm nyi ə Mì ewìyn, M nyi ə Ghò ewìyn. Nə ə ghənə faŋ sê ghasè Ghò kə ghɨ mbi ghɨnə pomə nə ə̀ tom Ghò Mi.

Njɔyn 17:23

M nyi ə ghənə mwìyn, Ò nyi ə Mì ewìyn kə ghənə tsɨynte pəyn ə lote nyi ke sə eghɛ emɔ̀ʼ endom kə mbi ke nə ə̀ tom Ghô Mi, è kɨsè nə Ò nyîə kɔ̂ŋɔ̀ ghənə kè eghɨ kə Ò kɔ̀ŋɔ̀ Mi.

Njɔyn 17:25

Pɨ̀a Vɨ̂m ve èchùŋ vɛ ə ò nyi chichi! Mbi ke va Gho, pîza M ke Ghò, ghənə è ke nə ə̀ tom Ghô Mi.

Njɔyn 17:3

Mə ndam zɛ ə ze tə mîə va nyi se kê ə gho Zhə̀ fɛ ə Fe nyi səmɔʼ è kɨsè Njisə̀s Klâys vɛ ə ò tom.

Njɔyn 17:8

Mə fo tom zɛ ə Ò tè fo sê Mi sê ghənə, ghənə ə fiə zə̂ynzè ə pomə, ghənə nyîə ke nə ze nyi səmɔʼ nə M tè ndò sê ghò, ghənə pomə̂ kepî nə ə̀ tè tom ghô Mi.

Njɔyn 20:21

Njisə̀s ə pìə kwəynsə̂ sê ghənə nə, “Ə pɔ̂ynè ə nyi sê ghàyn! M tomə ghàyn kèpî kə Pɨ̀a Vɨ̂mvè tè tom Mi.”

Njɔyn 3:17

Zhə̀fè tè paʼà tom Vâ vəyn ə mbi nə è pəyn saʼ ə̀ghɨ. Pîza È tè tom Vəyn nə È pəyn Sɔza ə̀ghɨ.

Njɔyn 4:38

Mə tom ghàyn nə ghàyn səʼ kwi efɨaezhiəve afùʼ ndɔ̀ʼɔ ghàyn zho. Ghɨ ndô fə̀ fumə, pîza ghàyn è zhiə ə ghənə efɨ̀aʼ.”

2 Kolìŋ 5:20

Ə̀ za nyi endom vɛ, ə ghàs njìə luʼ ə Klaysvè, kəpiə Zhə̀fè tɔŋə ghàyn nə ghàyn kɛse pəyn sê vəyn tɔynə̂ ə ghàs. Ghàs chyatə̂ ghàyn ə Klâys ezə nə ghàyn kɛse pəyn sê Zhə̀fè.

Ɛfesùs 3:7

M tè zhə̀te efɨ̂aʼ ə tom èchùŋ nə zɨ̂nə̀ mə ə̀ fo Fezhə̀ tyaʼa vəynke nə mə nə̂. Ə tè fo vəyn tyaʼa nə ke fɨ̂aʼ ə mì ətəm ə ke tsamte kə mə nə̂ èfɨ̂aʼ ətəyn. Zhə̀fè tè nəyn nyi kûmə̀ ə̀təm əchûŋ ə vəynghe.