Njɔyn 17:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ M nə̀ fɨnə faŋə va ə mbi pîza ghənə pa nyi ə mbi, M pə se ghò zôyn. Pɨ̀a vɨ̂mve èŋwaʼa tɔ̀ʼne è ghənə è tyaʼ Kɛke zəke, ezə zɛ ə ò tè fo sê Mi, kə ghənə nyi sə eghɛ èmɔ̀ʼ kè kə ghâsè ghò nyì sə eghɛ èmɔ̀ʼ.

Njɔyn 17:11 ပူးပေါင်းရင်းမြစ်များ

Matyò 10:16

Ghàyn zɨte! M tomə fɨsə̂ ghàyn nyi, ghàyn e ndûə sə̂ nyi kə sendzè əfètə̂ sènyàm se pɨase. Ghàyn kyi sə̂ tɔfə kə kə sembam, kyi sə̂ kyi èngɨmnê kə ekwɨ̀l.

Matyò 5:48

Ghàyn kyi sə̂ nyi chichi kè kə pɨ̀a vâyn ve ekwùtwəyn nyi chichi.

Matyò 6:9

Ə̀ vɨnə nyi endom vɛ kə ghàyn ə tsə̂mə̀ ətəyn: Zhə̀fè, Pɨ̀a vâs vɛ ə è nyi ekwùtwəyn: Ə kɔʼsêzè ə nyi èzə zɛze,

Njɔyn 13:1

Ə̀ tè faŋ fetuʼ kə ə zhi Zaʼatsɛze, mə Njisə̀s se ke ndò nə shîŋə̀kè ə kwəyn kə È ndo fâ mbi ə È ndu sê Pɨ̀a Vəyn. È tè nyîə kɔ̂ŋɔ̀ ə̀ghɨ ə mbi ghɛ ə ghe tè pomə sê Vəyn, È və tyə̀ynə̀ èkɔ̂ŋ ə vəyn sê ghənə se nduə fɨ ə kwùŋse.

Njɔyn 13:3

Njisə̀s tè nyîə ke nə Pɨ̀a ə fo tyaʼke sê zhi etûə èfɨa èkɨ̂m. È ve ke kepî nə zhi ndo pə̂yn se Zhə̀fè, kɛsə̂ ndûə se Zhə̀fè.

Njɔyn 14:20

Shìŋə̀ kɛ ə tuʼfə təynfe tə pə̂, ə ghàyn ke nə M nyi ə Pɨ̀a vɨ̂mvè ewìyn, è kɨsè nə ghàyn nyi ə Mì ewìyn kè eghɨ kə M nyi ə ghàyn ewìyn.

Njɔyn 16:28

M tè ndò sê Pɨ̀a Vɨ̂m ə pə̀ ə mbi, zôyn M zâ mbi kɛsə̂ ndûə se Pɨ̀a Vɨm.”

Njɔyn 16:33

M tsayn əghɛ nə ghɨ̂yn sê ghàyn nyi kə ghàyn faŋ sê Mi, ə kyi pɔ̂ynè. Mbi tə nə̂ ə ghàyn zɨ ngəʼ, pîza ghàyn kol təmə, Mə tɛ ghaʼ mbi.”

Njɔyn 17:23

M nyi ə ghənə mwìyn, Ò nyi ə Mì ewìyn kə ghənə tsɨynte pəyn ə lote nyi ke sə eghɛ emɔ̀ʼ endom kə mbi ke nə ə̀ tom Ghô Mi, è kɨsè nə Ò nyîə kɔ̂ŋɔ̀ ghənə kè eghɨ kə Ò kɔ̀ŋɔ̀ Mi.

Njɔyn 17:25

Pɨ̀a Vɨ̂m ve èchùŋ vɛ ə ò nyi chichi! Mbi ke va Gho, pîza M ke Ghò, ghənə è ke nə ə̀ tom Ghô Mi.

Njɔyn 17:6

Mə nə̀yn nə ghɨ ghɛ ə ò tè fo sê mi ə mbi ə ke ghô. Ə̀ tè nyi əghɨ ghɛ; O fo sê Mi, ghənə ə nə̀yn ghɛ zɛ ə tom Zɛ̂zè pìə.

Njɔyn 7:33

Njisə̀s ə pìə sê ghənə nə, “M pa nyi ghâsènì kè sə fendiŋə̀ fə ashìŋə̀fè nyi, ə M kɛse ndu se vɛ ə è tom Mi.

Ətefɨ̂aʼ 3:21

È kyi ke se faŋ ekwùtwəyn se zaʼâ kə shîŋə̀kè kwəyn, ə nâʼà pi ghè pəyn sə fe, mə za nyi ashìŋə̀ kɛ ə Zhə̀fè tè wàmne etuʼ əshi tɔynə̂ ə fɨ̀aʼtè sə Vəynse echo.

Ŋwàʼlè ə̀ Pɔ̂l sê ghɨə Lûmghè 12:5

Kèpî èghɨ famə endom, pî kə ghâsènì tsɨ̀ə, ghâsènì nyi wiynve mɔ̀ʼ ghasènìəghə̀ Klâys, wùə vîvè e va sə və ngɨŋ.

Ŋwàʼlè ə̀ Pɔ̂l sê ghɨə Lûmghè 9:17

Ə nyàʼ ə ŋwàʼlè ə̀ Fèzhə̀ nə Zhə̀fè tè pì sê fɔ̀yn Felò nə, “M tè ndəm ghô sə fɔ̀yn, kə m kaʼa m nji ghô ə m tyəyn tyaʼ kɨmke ətəyn è kɨsè nə zə zɨme kwi nga mbi èkɨ̂m.”

1 Kɔlìŋ 1:10

M chyatə̂ ghàyn ə ghɔnyì ghɨmə e zə Pɛ̂pɛ ə ghâsènì Njisə̀s Klâys nə ghàyn ə tyəm ke echo emɔ̀ʼ əghɛ ghɛ ə ghàyn pîə kə châsè zə va ə ghàyn ə fètəyn. Ghàyn kyi sə̂ pɨl nyi ke kə wùə èmɔ̀ʼ, è kɨsè endom vɛ ə ghàyn fe ghɛghe ətəyn.

Ngàleshyà 3:28

Nyiəmə, sə nɨŋ fɨyn va sê wùə ə Njû yî vɛ ə è va wùə Njû. Sə nɨŋ e fɨyn va sê wùə vɛ ə è va akɔ̂s yî wùə vɛ ə è nyi akɔ̂s, va sê wùə endômə̀ yî wùzhɔyn kûmə̀ nə ghàyn əkɨ̂m nyi sə àfɨa àmɔ̀ʼ kûmə̀ nə ghanə tsɨ̀yntè ghâynghə̀ Klâys Njisə̀s.

Ɛfesùs 4:4

Ghàyn nyi epɨ̂as ə əfètəyn ewìyn emɔ̀ʼ, Zuʼsə Fezhə̀ sɛ ə se fɨaʼà ewìyn nə vɛ e nyi ke səmɔʼ, kè eghɨ kə Zhə̀fè tè tɔŋɔ fɨse ghàyn ə mbi ə nə̀ ghàyn e ke ke èghɛ èmɔ̀ʼ nə, ghàyn tə sɔ̂ fɨə.

Filìpây 2:9

Zama, Zhə̀fè ə fo Vəyn è luʼve, ve ə nə̀ nə È və kɔʼɔ ndûə elùʼ engaŋtəve, ə fo Vəyn è zəze ze tsɛ̂ nâʼàpi èzə èkè.

Ipilù 1:3

Va vəyn nə vɨ̂yn panə kə epomsê ə Fezhə̀zè, nyi ke èghɨ kə Fèzhə̀. Tɔynə̂ ə vəyn ewàmnè zɛ ə ze nyi, è və nə̀yn nə ghɛ ghɛ ə ghe nyi ə nyi ndu kendò. Ə̀ tè nyì kə è nə̀yn nə ə lɛse fo sèpi sə ghɨ̀sè, è və tsɨsə̂ ə Zhə̀fè ekɔyn etwɔve ekwùtwəyn, ə fɛ ə fe kyi kàyntè àtyaʼ.

Ipilù 9:24

Klâys tè paʼà nji ə Elùʼ Eŋwaʼve mə ə̀ pɛ əghɨ msɔ̀ŋghe, eluʼ mə tè nyi afusè elùʼ ə kə semɔʼke. Klâys tè ndù ke nâʼà ekwùtwəyn ə Zhə̀fè ə ngùŋ, è zo chyatə̂ fəynfe ə ghâsènì azhəm.

Njə̂m 4:4

Ghàyn ghɨ ghɨ̀nə̀ ə nyi mə ə zà Zhə̀fè nyi! Ghàyn ke va nə ə ghàyn nyi sesoyn sê mbi, ə ghàyn ə nyi sèpàyn se Zhə̀fè ə? m pîə kwəynsə̂ nə ə ghàyn kyiŋə sə̂ nyi èsoynve sê mbi, ə ghàyn nəyn ngɨŋ saynse sə̂ nyi sèpàyn se Zhə̀fè.

1 Pità 1:5

Ghaʼ nə zɨnə nyì sê ghàyn ghɛ ə Zhə̀fè tɔ̀ʼnə̀ è tyaʼ ə vəynke tɔynə̂ ekyî epomə̂ zɛ ə ghàyn kyi, ghàyn e nyi se tə kyi esɔ̂za zɛ ə fe pɨaʼte se fo sê ghàyn ə fetuʼ fe kwuŋsəfe.

1 Njɔyn 3:12

Ghâsènì kyi va sə̂ nyi kə Kên. È tè nyi wùə ə̀ ndə̂plè, ə zhwiə ànyìə vəyn. È tè zhwi vəyn kûmə̀ ghè? Kûmə̀ nə Kên tè nyiə ndamə nə̂ ə̀ghɛ ə pighe, ànyìə vəyn e nə̂ ghɛ ə ghe tè nyi chichi ə Zhə̀fè ə shi.

1 Njɔyn 5:19

Ghâsènì nyiə ke nə ghâsènì nyi əghɔ Fezhə̀, ke kepî nə wùə èpi nyi wùə vɛ ə è kyi ghɨ ghɛ ə ghe ke va Zhə̀fè.

Njût 1:1

Ə̀ nyâʼà mi Njût ŋwàʼlè zɨ̀yn sê ghàyn. M nyi ànyìə Njə̂m, nyi wùə èfɨ̀aʼa ə̀ Njisə̀s Klâys. M nyâʼà zɨ̂ynzè sê ghàyn əkɨ̂m ghɛ ə Zhə̀ fɛ ə fe nyi Pɨ̀a nyi mə fe ə tɔŋə̂. Fe nyîə kɔ̂ŋə̀ ghàyn ə ndə̀mə̀ ghàyn nə Njisə̀s Klâys ə tɔ̂ʼnə̀ è ghàyn.

Njût 1:24

Sê Vəyn vɛ ə è kàʼa è ndəm ghàyn nə kə ghàyn pfɨ, è kɨsè se pə̀yn ghàyn è saŋnê eghaʼâzè mə ghàyn kyi va ləʼke ə və shi, ə̀ nyi eluʼ epomsəve.

Etyə̂yn ə paynsêzè 15:4

Ə̀ tə fânə̀ va nde ghô ə Pɛ̂, ə̀ tə faŋə ndè se pomsê ezə zɛ zə? Ə̀ nyi ke ghò, ghô nɨŋ ə ò nyi eŋwaʼze. Ghɨə mə fɨ ndaʼ tekɨ̂m tə pə̂ ngɨmnə̂ ghò, kûmə̀ nə o chwìtè sê nâʼàpî ndè nə ò saʼa ə̀ghɨ ə̀kɨ̂m chichi.”

Etyə̂yn ə paynsêzè 19:12

Shi ə vəynghe tè nyi kə andəm ewûske, è ve nyi mə è və sò fɔ ə tefɔ̀yn etsɨəve ə və atu. È tè nyîə kyi èzə kə ə nyâʼ ə vəyn wìyn, nâʼà wùə vîvè e ke va ghɛ zɛ ə ze tyə̂nə̀, ə̀ tsɛ̂ kə va vəyn.

Etyə̂yn ə paynsêzè 4:8

Fɨa endamə nə vɨnə tè nyi, nâʼàpî kɨ̂yn e kyi tèghɛ tètufə, kyi ə̀shi wiynve ekɨ̂m, nâʼàpî ə ghənə etîə tèghɛ̀. Ve tè zhəmə senjàŋ shîŋə̀ tekɨ̂m, zhəmə èchwì zhəmə etuʼve pìə nə, “È nyi Èŋwaʼe, È nyi Èŋwaʼe, È nyi Èŋwaʼe, Pɛ̂ mə nyi Fezhə̀ pɛ̀ àtyaʼ akɨ̂m. È tè nyiə nyi, è nyì ndô zôyn fɨyn nyi se tə pə̀yn!”