Njɔyn 17:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə pə̀ kə Njisə̀s wàmnè mɨ̂sè ghɛ nə ghɨ̂yn ə naynə̂ kɔʼsə̂ è kwùtwəyn ə tsə̀mə̀ nə, “Pɛ̂, shîŋə̀kè ə kwəyn zôyn. Fo pomsê ekayntəze sê Vayn vɛ, kə Vayn vɛ̂vè fo pomsê ekayntəze sê Ghò,

Njɔyn 17:1 ပူးပေါင်းရင်းမြစ်များ

Ŋwàʼlè ə̀ Mâk 14:41

Kə è kɛse pə̀yn, nə ə̀ nyi tèshiŋə̀ tèta, È və pìə sê ghənə nə, “Ghàyn pa pɨənə kə ndò, zɨ̂tə̀ ə? zə kwəyn. Shîŋə̀kè ə kwəyn. Ghayn fe kə, ə nə̀ pəʼlə̂ Va wùə sê ghɨ piə.

Tom èchùŋ kè kə Lûk tè nyaʼ 18:13

Wùə vɛ ə è tè tənə tâksè za ə piə è tsə̀mə̀ ndò ə tyəmə kə sə aghaf ə tàʼa kɔ̀ŋ naʼapi se naynə̂ kɔʼsə̂ ekwùtwəyn pîza ə ndəmə àgho ə vəyn angàŋtè se maʼlə̀ ewiyn piə nə, ‘Zhə̀fè, kose səyn sê mi, m nyi wùə əghɛ piə!’

Tom èchùŋ kè kə Lûk tè nyaʼ 22:53

Piə ma zɨsə kə ghâsènì tuʼ mə m̀kɨ̂m ə Ndɛ Ètsə̀mə, ghàyn kyiə va mə? Naʼapi sə kàyn, ə kwəyn ashìŋə̀ kaynke, mə nyi ashìŋə̀ kɛ ə Pɛ̀ atyaʼa lɨma saʼa ətəyn.”

Njɔyn 11:4

Pîza kə Njisə̀s zɨ tom ə̀təyn ə pìə nə, “È zafə pi za, va se nə kwu. Zaf ətəynze pə̂yn kê nə Zhə̀fè tyəyn pomsê ə vəynze, è kɨsè nə Va Fèzhə̀ kyi pomsêzè.”

Njɔyn 11:41

Ghənə ə njìə tsɨ̀sə̀ èchi ətəynze. Njisə̀s ə naynə̂ kɔʼsə è Kwùtwəyn ə pìə nə, “M fo àzɔ̀ŋnè kɛke ə Pɛ̂ kûmə̀ nə ò ndamə zɨə ndò tsə̂m zɨmze,

Njɔyn 12:23

Njisə̀s ə pìə sê ghənə nə, “Shîŋə̀kè ə kwəyn zôyn kə Zhə̀fè ndwise kɔyn ə Vâ Wûəkè ekwùtwəyn.

Njɔyn 13:1

Ə̀ tè faŋ fetuʼ kə ə zhi Zaʼatsɛze, mə Njisə̀s se ke ndò nə shîŋə̀kè ə kwəyn kə È ndo fâ mbi ə È ndu sê Pɨ̀a Vəyn. È tè nyîə kɔ̂ŋɔ̀ ə̀ghɨ ə mbi ghɛ ə ghe tè pomə sê Vəyn, È və tyə̀ynə̀ èkɔ̂ŋ ə vəyn sê ghənə se nduə fɨ ə kwùŋse.

Njɔyn 16:32

Shîŋə̀kè pə̀ ndò, mə kâynè nyi zôyn, mə ghàyn əkɨ̂m tə chyasə̀, ə nâʼàpî ndè ə ndûə kə və ndɛ, ə za Mi Mî nɨŋ. Pîza M lote vachi Mi nɨŋ kûmə̀ nə Pɨ̀a nyì ghâsè Vəyn.

Njɔyn 7:30

Ghənə e sè kyiŋə se kyîə Vəyn, pîza wùə vîvè ə tàʼa mɔ̀mə Vəyn è ghoke kûmə̀ nə shîŋə̀ Vəynke tè nyi mə ke paʼà nyìəm kwəyn.

Njɔyn 7:39

Njisə̀s tè wàmnə kûmə̀ Sezuʼ se Ŋwaʼa sɛ ə tè nyi se fo sê ghɨ ghɛ ə ghe pomə sê Vəyn. Ə̀ tè nyi zâ, Zhə̀fè nyi ndɔʼɔ fe nyiəm fo Sèzuʼ se Ŋwaʼase sê Vəyn kûmə̀ nə è tè pa nyi ndɔ̀ʼɔ È ndwise kɔyn ə Njisə̀s vè ekwùtwəyn se fo epomsê sê Vəyn.

Njɔyn 8:20

Njisə̀s tè piə əghɛ nə ghɨ̂yn ə̀kɨ̂m mə è zaʼlə̂ ə Ndɛ Ètsə̀mə, etipì elùʼ vɛ ə tè ndə̀mə kɛve ətəyn. Nâʼà wùə vîvè ə tàʼa ko Vəyn kûmə̀ nə shîŋə̀ Vəynke tè nyi ndɔ̀ʼɔ ke kwəyn.

Ətefɨ̂aʼ 3:13

Zhə̀ fɛ ə Aplàghâmfè, è Azɨ̀k è Njàkɔ̂p kɔʼsə, mə za nyi Fezhə̀ fə pɨ̀a ghâsènì ghəshiə ə tyə̀yn pomsê ə wùə èfɨ̀aʼa ə Vəyn Njisə̀s. Ghàyn tè fo Vəyn əghɨ ghayn ghə sesaʼghə gho, ghàyn ə kwiynsə̂ Vəyn ə Paylɛ̀t əshi. Ə pə̀ pi kə Paylɛ̀t tè kyiŋə se zà ə Vəyn ghàyn ə kwiynsə̂ Vəyn

1 Pità 1:21

Ə̀ nyi kûmə̀ Klâys nə vɨ̂yn ə ghàyn pomə sê Zhə̀ fɛ ə fe tè zômsè vəyn, ə ndə̀mə̀ vəyn elùʼ engaŋtəve, ghɛ ətəynze e nə̂, ghàyn e kyi èkyî epomə̂zè, è kɨsè kwaʼtè elɨmtəze sê Zhə̀fè.