Njɔyn 16:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Pîza, m pîə sê ghàyn səmɔʼ nə, ə̀ nyi chùŋ sê ghàyn kə m ndô. Ə M taʼa ndò, Tsàmtè vayn pə̀yn sê ghàyn. Pîza mə m ndô, ə m ndu tom vəyn sê ghàyn.

Njɔyn 16:7 ပူးပေါင်းရင်းမြစ်များ

Tom èchùŋ kè kə Lûk tè nyaʼ 24:49

Ghàyn ə kɛ nə, m nyi tom efe zɛ Pɨ̀a vɨm te tsɨ̀ne sê ghàyn. Pîza ghàyn tsɨsə kə fayn endaʼ sè zaʼâ kə tyaʼ nə ke ndo ekwùtwəyn, ə ke tso ə ghàyn ə tu.”

Tom èchùŋ kè kə Lûk tè nyaʼ 4:25

Ghàyn ke səmɔʼ nə, e nyi kepî eghɨ kə e tè nyi Èlanjà etuʼ, zhwiə kwu tè tsɨ̂ə kə nyi ə Isìlây, Zhə̀fè ə nə̀ gholze ə tàʼa tso sə sepìŋ sè ta è pɨaʼa, chɨ̀ŋ è pi ə ko kə endaʼ èkɨ̂m.

Tom èchùŋ kè kə Lûk tè nyaʼ 9:27

M tsâ sê ghàyn səmɔʼ nə, ghɨə mɔʼɔ tyəm ke nâʼà fayn zôyn, va se tə kwu nâʼà səkɔs se zaʼâ kə ghənə fe fɔ̂yn ə Fezhə̀e.”

Njɔyn 14:26

Tsàmtè zɛ ə Pɨ̀a nə̀ tomə ə mi ezə, mə za nyi Sezuʼ se Ŋwaʼase, nə̀ zaʼlə̂ ghàyn è ghɛghe əkɨ̂m, ə è fɨyn nəyn ə ghàyn pɨəyte nâʼàpî ghè vɛ ə m nyi mə mə tsàyn sê ghàyn.

Njɔyn 14:28

Ghàyn ə zɨ kə m pî nə, ‘M ndô zâ ghàyn ə m ndu kɛse pəyn sê ghàyn.’ Ə ghàyn kɔ̀ŋɔ̀ Mi, ə ghàyn ə nyi èsaŋnêzè nə m ndùə se Pɨ̀a kûmə̀ nə Pɨ̀a nyîə ngaŋtə̂ tsɛ̂ Mi.

Njɔyn 14:3

Mə ə M ndû fɛte mɨ̂sè, ə m kɛse pəyn nji ghàyn, kə ghàyn pəyn ə nyi ghâsènì elùʼ vɛ ə m nyi ətəyn.

Njɔyn 15:26

Tsàmtè nə̀ ndô pə̂ se Pɨ̀a. È nyi Sezuʼ sɛ ə se nə̀ nə̂ nə ghɨghe ə ke səmɔʼ. Kə M nə nə mə nyi ghâsè Pɨ̀a, M nə tomə vəyn sê ghàyn, ə nyi vəyn vɛ è nə tsâ ghɛ sê ghàyn kûmə̀ Mi.

Njɔyn 16:8

Shîŋə̀ kɛ ə È nə̀ pə̂, ə Vəyn è ngɨŋə̂ Vəyn, tyəyn nə kwâʼtè tɛ ə ghɨ mbiə kyi kûmə̀ ə̀ghɛ ə piə, vachi za, ə è tyə̀yn ndom tə chichite, ə è fɨyn tyəyn èndom vɛ ə Zhə̀fè tə saʼa ghɨghe ətəyn.

Njɔyn 7:39

Njisə̀s tè wàmnə kûmə̀ Sezuʼ se Ŋwaʼa sɛ ə tè nyi se fo sê ghɨ ghɛ ə ghe pomə sê Vəyn. Ə̀ tè nyi zâ, Zhə̀fè nyi ndɔʼɔ fe nyiəm fo Sèzuʼ se Ŋwaʼase sê Vəyn kûmə̀ nə è tè pa nyi ndɔ̀ʼɔ È ndwise kɔyn ə Njisə̀s vè ekwùtwəyn se fo epomsê sê Vəyn.

Ətefɨ̂aʼ 10:34

Pità ə pìə nə, “Ə̀ nyì zôyn kə kê səmɔʼ nə Zhə̀fè njìə ə̀ghɨ ə̀kɨ̂m eghɨ.

Ətefɨ̂aʼ 2:33

Zhə̀fè ə njì Vəyn elùʼ ekɔʼnəve, ə Vəyn ekɔyntwɔve. È və fo Vəyn è Zuʼse Ŋwaʼa sɛ ə È tè tsɨ̀ne nə È tə fo sê vəyn. Njisə̀s ə pɔŋ fo Zuʼse Ŋwaʼa nə sɛ se ghàs, ə̀ nyi səynse ə se nə̂ ghàyn e fe fɨnə zɨə nâʼàpî èghɛ èkè zɛ ə ze kyânə̀ ndâyn.

Ŋwàʼlè ə̀ Pɔ̂l sê ghɨə Lûmghè 8:28

Ghâsènì kendô nə nâʼà pi èghɛ èkè zɛ ə ze kyâynə̀, Zhə̀fè nə̀ zəynze sə chùŋ ə̀ghɨ̀ ghɛ ə kɔ̂ŋə̀ Fəynfe. Ə ghənə ghɛ è nyi mə È və tɔŋɔ nə ə nəyn kə È kyiŋə.

2 Kolìŋ 4:17

Tsôs etətə̂ vɨnə̀ ə ghâsènì fe zôyn fa fendiŋə̀ fə ashìŋə̀fè tə pə̂ ghâsènì è pomsê eghaʼazè mə ze tə mìə va, mə ə vayn kaʼa fɨaʼne zɨnə mə è tsôs vɛ ə ghâsènì fe.