Njɔyn 16:4 - Ŋwàʼlè ə̀ Fèzhə̀ Mkâyn Mə̂ Fèm

⁴ M tsâ ə̀ghɛ nə ghɨ̂yn sê ghàyn kə ə ghe tə kyâyn, ə ghàyn kwaʼte nə mə tè tsàyn sê ghàyn. M tè paʼà tsàyn ghɛ ghɨ̀nə se ghàyn ə zhə̀te, kûmə̀ nə M tè nyì ghâsènì.

Njɔyn 16:4 ပူးပေါင်းရင်းမြစ်များ

Matyò 10:7

Ghàyn ndu, ke kə ghàyn ndùə, ghàyn è ndaʼà nə, ‘Fɔ̂yn ə Fezhə̀vè ə paʼsê’

Matyò 24:25

Ghàyn tɔʼ zɨtê! Mə kàynè tsayn ghɛ nə ghɨ̂yn sê ghàyn tsɔ̀fə ə ghe tə kyayn.

Matyò 9:15

Njisə̀s ə pə̀ynsə̀ ghənə è ngàyn nə, “Ghɨ ghɛ ghe pə̂yn elùʼ ezhiə nə malə̂vè kàʼa ghə chîə zàyn ndom ə̀ wùzhɔyn e pa nyi yî ghə̀ ghənə? Ze vayn kyàyn! Tuʼve tə pə̂, ə nji tsɨ̂sè ndom ə̀ wùzhɔyn ə̂ ghənə əfètəyn. Ə̀ tə nə̂ ə nyi fumə fetuʼ kə ghənə pam choe.”

Ŋwàʼlè ə̀ Mâk 13:23

E nyi nə ghàyn ə tɔ̂ʼnə̀. M tsâ ndə̂mə̀ ə̀ghɛ nə ghɨ̂yn sê ghàyn, tsɔ̀fə kə shîŋə̀ ətəynke kwəyn.

Ŋwàʼlè ə̀ Mâk 2:19

Njisə̀s ə fɨ̀sə̀ ghənə è ngàyn nə, “Ghɨ vayn kàʼa səʼ malə̂ ə nə̂ nə ə pamə ècho, ndom ə̀ wùzhɔyn pa nyi yî ghə̀ ghənə. Ə è pa nyi ke yî ghə̀ ghənə, ghənə vayn pam echo.

Tom èchùŋ kè kə Lûk tè nyaʼ 1:2

Ghənə nyaʼ əghɛ mə ghâsènì əkɨ̂m əzɨ sê ghɨ ghɛ ə tè fe ghɛ tə kè se zhə̀tè kə ghe tè kyànə tsɔ̀fə kə ghənə faŋ ə tsâ.

Njɔyn 13:19

M tsâ ə̀ghɛ nə ghɨ̂yn sê ghàyn zôyn, ze pa tsɨs se kyàyn, kə e nə̂ kyayn, ə ghàyn pomə nə, ‘M Nyi Wùə Vɛ M Nyi Vəyn.’

Njɔyn 14:29

Mə tsàyn ghɛ nə ghɨ̂yn sê ghàyn zôyn, ghe pa nyi ndɔ̀ʼɔ ghe kyayn kə ghe nə̂ piə ghe kyàynə̀ ndò, ə ghàyn pomə.

Ətefɨ̂aʼ 9:16

Mə nâʼà Mi è ngɨŋ zɨ̂m nə̀ tyə̂nə̀ se vəyn kyì ə ngəʼ zɛ ə è kyi se zɨ kûmə̀ Mi.”

2 Tèsàlonikà 2:5

M ke nə ghàyn pa kwâʼtə̀ ndò kə m tè pi ghɛ nə ghɨnə sê ghàyn kə ghâsènì pa nyi əmɔʼ

2 Pità 1:14

M pîə nyî kûmə̀ nə Pɛ̂pɛ ə̀ ghâsènì Njisə̀s Klâys nyi mə è və tyə̀yn paynsê sê mi nə ghaf kɨmke fɨnə tyâfə̀ va fà chi.