Njɔyn 16:32 - Ŋwàʼlè ə̀ Fèzhə̀ Mkâyn Mə̂ Fèm

³² Shîŋə̀kè pə̀ ndò, mə kâynè nyi zôyn, mə ghàyn əkɨ̂m tə chyasə̀, ə nâʼàpî ndè ə ndûə kə və ndɛ, ə za Mi Mî nɨŋ. Pîza M lote vachi Mi nɨŋ kûmə̀ nə Pɨ̀a nyì ghâsè Vəyn.

Njɔyn 16:32 ပူးပေါင်းရင်းမြစ်များ

Matyò 26:31

Kə ghənə tè kɔʼ zaʼâ ə pfɨyn, Njisə̀s ə pìə sê chùmtè èpàmsə vəynse nə, “Ndâyn ètuʼve ghâyn əkɨ̂m nə̀ tə zâ Mi, ghàyn nə̀ tə kûmə̀ èghɛ zɛ ə ze nə̀ kyânə̀ sê mi. Ə nyi mə ə nyàʼ nə, ‘M tə zhwiə ngyəyn, ə pfɨ sə vəyn sekɨ̂m tə chyâsè.’

Matyò 26:56

Nâʼà Pîza, ghɛ nə ghɨyn kyi se kyàyn se lwiynse ə tom ə Fèzhə̀ zɛ ə fɨ̀aʼtèsè tè nyaʼ ə Ŋwàʼlè ə̀ Fèzhə̀.” Kè sə ashìŋə̀, chùmtè èpàm sə vəynse ə tə zâ vəyn nâʼà ə̀kɨ̂m.

Ŋwàʼlè ə̀ Mâk 14:27

Njisə̀s ə pìə sê ghənə nə, “Ghàyn əkɨ̂m nə̀ tə zâ mi, kûmə̀ nə ə nyàʼ ə ŋwàʼlè ə̀ Fèzhə̀ nə, ‘M nə̀ zhwiə ngyəyn, ə ndzè sə təyn sekɨ̂m chyase.”’

Ŋwàʼlè ə̀ Mâk 14:50

Chùmtè èpàm sə vəyn sekɨ̂m ə tə zâ vəyn.

Njɔyn 12:23

Njisə̀s ə pìə sê ghənə nə, “Shîŋə̀kè ə kwəyn zôyn kə Zhə̀fè ndwise kɔyn ə Vâ Wûəkè ekwùtwəyn.

Njɔyn 16:2

Ə tə chûmə̀ fɨsə ghàyn ə sendɛ sə atsɨ̀yntese, mə shîŋə̀kè tə pə̂ ə ghɨ ghɛ ə zhwitə ghàyn ə kwàʼtə̀ kə nə ghənə fɨaʼà sê Zhə̀fè.

Njɔyn 16:25

“M wâmnə̀ ə sengàyn se pì əghɛ ghɨ̀yn se ghàyn. Pîza shîŋə̀kè pə̀ ndò mə M tə nə̂ ə Mə wàmnə̀ va ə sengàyn, pîza M lote wâmnè ə ndayn sê ghàyn kûmə̀ Pɨ̀a Vɨ̂m.

Njɔyn 16:31

Njisə̀s ə pə̀ynsə̀ sê ghənə nə, “Ghàyn pomə̂ ndò zo?

Njɔyn 19:27

Ə fɨnə pîə sê chùmtè èpàm ə̀ Vəyn zɛ nə, “Ə̀ vɨ̀nə nyi nɛ̂.” Se zhə̀tə̀ fumə ashìŋə̀, chùmtè èpàm ə Njisə̀s nə zɛ ə njiə nyìə Njisə̀s, yî vəyn e ndamə ə vəyn apɨəyn.

Njɔyn 20:10

Chùmtè èpàm sə Njisə̀sè ə fe zâ, ə kɛsə̂ kwɨlə̂.

Njɔyn 4:21

Njisə̀s ə pìə sê vəyn nə, “Wùzhɔyn pomə ghɛ zɛ M tsâ sê ghò. Shîŋə̀kè tə pə̂ mə ghɨə tə ngɨmnə̂ va Pɨ̀a fa etûə pfɨ̀yn, pî ə Njèlusalɛ̀m.

Njɔyn 4:23

Pîza shîŋə̀kè pə̂ ndò, mə kə kâynè pəyn, mə ghɨ ghɛ ə ngɨmnə Zhə̀fè səmɔʼ tə ngɨmnə̂ Fèzhə̀ ə Sezuʼ è kɨsè səmɔʼ. Ə̀ ghɨnə nyi əghɨ ghɛ ə Pɨ̀a kyiŋə nə ə ngɨmnə̂ zhi səmɔʼ.

Njɔyn 5:25

M pîə sê ghàyn səmɔʼ nə shîŋə̀ kè pə̀ ndò, mə kə kàynè kwəyn, kə ghɨə ekwuəghe tə zɨə wâmnè ə Va Fèzhə̀zè, ə ghɨ ghɛ ə zɨ zəyn ə ndamə.

Njɔyn 5:28

Kə ghàyn ə nyi è kaynze kûmə̀ zɨ̂nə mə; shîŋə̀kè nyiə pə̂ mə ghɨ ekwuə nâʼà ə̀kɨ̂m tə zɨə èwâmnè ə Vəyn,

Njɔyn 8:16

Pîza, mə M nyi se saʼa wùə, M mə saʼa kə səmɔʼ kûmə̀ nə M saʼa va Mî nɨŋ. M saʼa ghasè Pɨ̀a Vɨm Vɛ ə È tom Mi.

Njɔyn 8:29

Vɛ ə È tom Mi nyi ghasè Vəyn, È paʼà zà Mi Mî nɨŋ kûmə̀ nə M zâŋsə̀ nə̂ kə èghɛ zɛ ə È kɔ̀ŋə̀.”

Ətefɨ̂aʼ 21:6

Ə pə̀ kə ghàs pì sê nâʼàpî ndè nə è faŋ ke achûŋ, ghàs ə njiə ə ngwùʼ èghaʼâ kwəynə se ndò, ghənə ə kɛsə̂ kwɨlə̂.

Ətefɨ̂aʼ 8:1

Ə tè nyàple è Shìtifɨ̀yn zâ, Sɔ̂l e nyi fu ə lotə̂ piə kə nâʼà vəyn nə ə zhwi vəyn. Se zhə̀tə pə̀yn fu fetuʼ, ghɨə ndɛ ə̀ Fèzhə̀ ghɛ ə ghe tè nyi Njèlusalɛ̀m ə zhə̀tə̀ se fe ngəʼ zhizè, è kwûəmə kə nyi. Ghɨə poməghe əkɨ̂m ə tə chyasə̀ ndûə epɨ̀as endaʼ ə Njòndyâvè è və Sàmalyàvè. Pîza ə̀ tè faŋ ke ə̀ghɨtomə Njisə̀sghè fu.