Njɔyn 16:3 - Ŋwàʼlè ə̀ Fèzhə̀ Mkâyn Mə̂ Fèm

³ Ghɨ tə nə̂ ə̀ghɛ nə ghɨyn sê ghàyn kûmə̀ nə ghənə paʼà kê Pɨ̀a Vɨ̂m ə tàʼa ke Mi.

Njɔyn 16:3 ပူးပေါင်းရင်းမြစ်များ

Tom èchùŋ kè kə Lûk tè nyaʼ 10:22

Kə è wàmnè zâ ə ke pi sê chùmtè epàm sə vəynse nə, “Pɨ̀a vɨm ə fo fɨave ekɨ̂m sê mi. Wùə fɛtə kê va wùə vɛ ə Vayn nyi vəyn, ə tsɛ̂ kəva Pɨ̀a. Wùə e fɛtê ke va wùə vɛ ə Pɨ̀a nyi vəyn ə tsɛ̂ kəva Vayn, è ghɨ ghɛ ə Vayn chɔʼ se tyə̀nə paynsê ə Pɨ̀a sê ghənə.”

Njɔyn 15:21

Ə nə nə̂ ə̀ghɛ nə ghɨ̂yn sê ghàyn nâʼà ə̀kɨ̂m ə Mì ezə, kûmə̀ nə ghənə ke va wùə vɛ ə è tom Mi.

Njɔyn 15:23

Ə̀ pànə̀ pîndè mi, ə è və panə̀ kəpî pɨ̀a vɨ̂mvè.

Njɔyn 17:25

Pɨ̀a Vɨ̂m ve èchùŋ vɛ ə ò nyi chichi! Mbi ke va Gho, pîza M ke Ghò, ghənə è ke nə ə̀ tom Ghô Mi.

Njɔyn 17:3

Mə ndam zɛ ə ze tə mîə va nyi se kê ə gho Zhə̀ fɛ ə Fe nyi səmɔʼ è kɨsè Njisə̀s Klâys vɛ ə ò tom.

Njɔyn 8:19

Ghɨ ə Falàsî ghə ke pfɨf sê Vəyn nə, “Pɨ̀a Vɛ̂ vàyn?” Njisə̀s ə pə̀ynsə̀ sê ghənə nə, “Ghàyn ke va Mi, ke va Pɨ̀a vɨm. Ə ghàyn fe ke Mi, mə ghàyn ke kepî ndò Pɨ̀a vɨ̂mè.”

Njɔyn 8:55

Pî kə ghàyn ke va Vəyn, pîza M ke Vəyn. Ə M pi nə M ke va Vəyn, ə Mə nyi kepî wùə àkaŋ kə ghàyn. Pîza M ke ndô Vəyn nə̂ ə̀ghɛ ghɛ ə È pìə.

Ətefɨ̂aʼ 3:17

M pîə sê ghàyn ə ghɔnyì ghɨmə nə, nâʼàpî èghɛ èkè zɛ ə ghâynghə̀ ghɨ ghayn ghe chisə tè nəyn sê Njisə̀s, tè kyàyn nyî kûmə̀ nə ghàyn tè keva ghɛ zɛ ə ghàyn tè nə̂.

1 Kɔlìŋ 2:8

Nâʼà wùə e saʼa emɔ̀ʼ fa mbi tè keva tɔf eghaʼâ nə zɨ̂nə̀. Ə tè nyi nə ghənə ke, mə ghənə tè paʼà paynte Pɛ̂pɛ vɛ ə è kyi pomsê ə Fezhə̀zè.

2 Tèsàlonikà 1:8

Ə̀ tə pə̂ nyi kə è tso pə̂ yî tsì sə vəyn nə sɛ, ə wûsmə pɛ̂, ə è fɨ̂aʼ è wus nə vɨnə̀ se fo ètsôs sê ghɨ ghɛ ə ghənə tè tə Zhə̀fè, nə̂ va ghɛ zɛ ə tom èchùŋ kûmə̀ Pɛ̂pɛ ə̀ ghâsènì Njisə̀s Klâys pìə.

1 Timotì 1:13

pi kə m tè nyi mə mə wàmnè ghɛ epighe sə mɨ kûmə̀ Vəyn, ə tsə̀fsə̀ Vəyn, ə fɨnə sôylə̀ Vəyn. Pîza Zhə̀fè tè nyîə kyi èkosê esəyn sê mi kûmə̀ nə m tè nyìəm kyi va kyî epomə̂zè, nyiəmə, nə̂ èghɛ nə zɨnə mə kepî va ghɛ zɛ m nə̂.

1 Njɔyn 2:23

Ə̂ kwiynse pîndè Vayn, ə nyi mə è və kwiynsê kepî Pɨ̀a. Pîza ə̂ pomə pîndè Vayn, ə nyi mə è və pomə kepî Pɨ̀a.

1 Njɔyn 3:1

Ghàyn fe kə Zhə̀fè kɔ̀ŋə̀ zaʼâ ghâsènì ə. Fe ə nə̀yn e tɔŋtə̂ ghâsènì nə ghɔ Fezhə̀ghè, mə ə̀ ndɨŋ nyi afɨa kɛ ə ghâsènì nyi kəynke. Pîza ghɨ ghɛ ə̀ nyi əghɨ ə mbighe fe kê va ghâsènì kə ghɔ Fezhə̀ghè kûmə̀ nə ghənə ke kepî va Zhə̀fè.

1 Njɔyn 4:8

Nâʼàpî ndè vɛ ə è kɔ̀ŋɔ̀ va ghɨə mɔ̀ʼɔ ke va Zhə̀fè kûmə̀ nə nâʼàpî èghɛ èkè zɛ ə Zhə̀fè nə̀ tyə̀nə̀ èkɔ̂ŋ zɛ ə È kyi sê ghɨghe.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.