Njɔyn 16:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ Njisə̀s tè nyîə ke nə ghənə kyiŋə se pfɨf eghɛ se Vəyn, È və pìə se ghənə nə, “M pi nə sə fendîŋə̀ fə ashìŋə̀fè ə ghâ fɨnə fe va Mi, ə mote tso ke nyi, ə ghàyn fɨyn fe Mi. Ə̀ zɨnə nyi eghɛ zɛ ə ghàyn pfɨfə sê ngɨŋ saynse ə?

Njɔyn 16:19 ပူးပေါင်းရင်းမြစ်များ

Matyò 6:8

Kə ghàyn ə nyi kə ghənə kûmə̀ nə Zhə̀fè Pɨ̀a vâyn nyîə kâynè ke àfɨa kɛ ə ghàyn kyiŋə tsɔ̀fə ə ghàyn pfɨf.

Matyò 9:4

Njisə̀s ə kê èghɛ zɛ ə ghənə kwâʼtə̀, ə pìə sê ghənə nə, “Kûmə̀ ghè ə ghàyn kwàʼtə̀ ghɛ epiə nyiə.?

Ŋwàʼlè ə̀ Mâk 9:32

Pîza ghənə ə tàʼa zɨə kê eghɛ nə zɨ̂nə̀ sè fânə̀ ghaʼə se pfɨf.

Njɔyn 13:33

Ghɔnyì ghɨmə, M fɨyn va sə̂ nyi ghâsènì sə aghaf. Ghàyn nə̀ kyiŋə mi mɔŋ, pîza M tsâ sê ghàyn zôyn, kè eghɨ kə m se nyi mə mə tsàyn sê ghɨ atyaʼa Njûsə̀, ə̀ nyì kepî za kə M tsâ sê ghàyn nə ghàyn vayn kaʼa ndu elùʼ vɛ ə M ndûə ətəyn

Njɔyn 14:19

Ə môtə̀ kə nyi, ə mbi ə fɨnə fe va Mi, pîza ə ghànə fe Mi. Kûmə̀ kə m tə ndamə, ghàyn tə pɔŋɔ ndamə ndò.

Njɔyn 16:16

“Ghàyn mòtə̀ kə nyi, ə tàʼa fɨnə fe Mi, ə mote sə fendîŋə̀ nyi ə fɨyn fe Mi.”

Njɔyn 16:18

Ghɛ zɨ̀nə nə, “Sə fendiŋə̀ fə ashìŋə̀fè tyə̀ynə̀ nə ghe? Ghâsènì ke va nə È wàmnə̀ nə ghe ə.”

Njɔyn 16:23

Shîŋə̀ kɛ ə tuʼfə təynfe tə pə̂, ə ghàyn tàʼa pfɨf afɨa kyîke sê Mi. M tsâ se ghàyn nâʼà səmɔʼ nə, Pɨ̀a Vɨ̂m tə fo nâʼàpî ghè vɛ ə ghàyn pfɨf sê Vəyn ə Mì ezə.

Njɔyn 16:26

Shɨ̂ŋə̀ kɛ ə tuʼfə təynfe tə pə̂, ə ghàyn pfɨf sê Vəyn ə Mì ezə. Ə̀ tə pfɨfə va Mi se Vəyn ə ghàyn elùʼ,

Njɔyn 16:30

Ghàs ke ndô zôyn nə Ò nyîə ke ə̀ghɛ əkɨ̂m, mə Ò fɨnə kyiŋə va nə wùə pfɨf ndô ghɛze se ghò. Zɨnə mə nə̂ nə ghàs pomə nə ò ndò sê Zhə̀fè.”

Njɔyn 21:17

Njisə̀s ə fɨnə tɔŋtə̂ vəyn, nə ə sè nyi tèshiŋə̀ tèta, ə pìə nə, “Shimùyn, Va Njɔyn, ò kɔ̀ŋɔ̀ ndò Mi ə?” Ghɛ ətəynze e sè fo ngəʼ sê Pità kə Njisə̀s pfɨf nə ndu shîŋə̀ teta nə, “Ò kɔ̀ŋɔ̀ ndò mi ə?” È və ke pì sê Njisə̀s nə, “Ò nyîə ke ə̀ghɛ ə̀kɨ̂m ə Pɛ̂. Ò ke ndô nə m nyîə kɔ̂ŋɔ̀ ghò.” Njisə̀s ə pìə sê vəyn nə, “O tɔ̂ʼnə̀ è ndzè sɨmse.

Njɔyn 6:61

Mə wùə paʼà tsàyn pî ghɛze sê Vəyn, Njisə̀s ə kê nə ghənə tè nyîə tɨmnə̂ zɔ kûmə̀ zɨnə mə, ə ke pì se ghənə nə, “Zaʼle nə zɨ̂nə nə̀ ndò nə ghàyn za pomə̂ zaynzə ə?

Njɔyn 7:33

Njisə̀s ə pìə sê ghənə nə, “M pa nyi ghâsènì kè sə fendiŋə̀ fə ashìŋə̀fè nyi, ə M kɛse ndu se vɛ ə è tom Mi.

Ipilù 4:13

Nâʼàpî ghè vɛ Zhə̀fè fɛte nyîə panə kə ə ndayn sê vəyn. Fɨa kyîke va ə ke ndə̂tə̀ sê vəyn, ghâsènì e nyi se tə tyə̂m ə və shi se taŋə ə njo ə ghâsènì kûmə̀ nâʼà pî ghè kə tè nə̂.

Etyə̂yn ə paynsêzè 2:23

M nə̀ zhwiə kəpî əghɔ vəynghe, ə ndɛ sə Fezhə̀ sekɨ̂m ke nə m nyi wùə vɛ ə m ke kwâʼtè tə ghɨ̀ tekɨ̂m è kɨsè ghɛ zɛ ə ghənə kyiŋə. M nə̀ ndaʼà nâʼàpî ndè kè eghɨ endom vɛ ə è tè fɨ̀aʼa.