Njɔyn 16:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ “Ghàyn mòtə̀ kə nyi, ə tàʼa fɨnə fe Mi, ə mote sə fendîŋə̀ nyi ə fɨyn fe Mi.”

Njɔyn 16:16 ပူးပေါင်းရင်းမြစ်များ

Ŋwàʼlè ə̀ Mâk 16:19

Ə pə̀ kə Pɛ̂pɛ Njisə̀s wàmnè mɨ̂sè sê chùmtè èpàm sə vəynse, Zhə̀fè ə nə̀ è və kɔʼɔ ekwùtwəyn, ə tsɨsə̂ ə Fəynfe ekɔyntwɔve.

Njɔyn 12:35

Njisə̀s ə pìə sê ghənə nə, “Ə ghàyn fe pa kyi epayn kè sə fendiŋə̀ fə ashìŋə̀fè nyî, ə ghànə kwîə, luʼte e pa panə, kə lɨma nə̂ ka ghàyn. Ə wùə kwìə alɨm, ə è və fe kê va nə e ndùə ghaynze ə?

Njɔyn 13:3

Njisə̀s tè nyîə ke nə Pɨ̀a ə fo tyaʼke sê zhi etûə èfɨa èkɨ̂m. È ve ke kepî nə zhi ndo pə̂yn se Zhə̀fè, kɛsə̂ ndûə se Zhə̀fè.

Njɔyn 13:33

Ghɔnyì ghɨmə, M fɨyn va sə̂ nyi ghâsènì sə aghaf. Ghàyn nə̀ kyiŋə mi mɔŋ, pîza M tsâ sê ghàyn zôyn, kè eghɨ kə m se nyi mə mə tsàyn sê ghɨ atyaʼa Njûsə̀, ə̀ nyì kepî za kə M tsâ sê ghàyn nə ghàyn vayn kaʼa ndu elùʼ vɛ ə M ndûə ətəyn

Njɔyn 16:10

Ə è tyəyn ndom tə chichite, kûmə̀ nə m sè ndùə ə Pɨ̀a vɨ̂mvè ə ngwùŋ, ə ghàyn tə tàʼa fɨnə fe mi nâʼà səkɔs.

Njɔyn 16:22

Ə̀ nyi zamə kə ze nyi sê ghàyn, zôyn ghàyn nyîə nyi èkosê esəyn, pîza M nə fe kwəynsə̂ ghàyn, ə təm ghaynghe ə nyi mə ghə lwiyn èsaŋnêzè, e kyì esaŋnê zɛ ə wùə vayn kàʼa e fi tsɨ̂sè se ghàyn.

Njɔyn 16:28

M tè ndò sê Pɨ̀a Vɨ̂m ə pə̀ ə mbi, zôyn M zâ mbi kɛsə̂ ndûə se Pɨ̀a Vɨm.”

Njɔyn 16:5

Pîza zôyn, M kɛsə ndûə se vɛ ə è tom Mi, pîza wùə se ghàyn e pfɨfə va sê Mi nə, ‘Ò ndûə ghayn zə?’

Njɔyn 17:13

M pə̂ se Ghò zôyn, pîza M pîə ə̀ghɛ ghɨ̀yn mə M pa nyi ə mbi, kə ghənə tə kyî èsaŋnê Zɨm zɛ ə ze nyi mə zə lwiyn ə ghənə ə fètə̂ ə̀təm.

Njɔyn 17:5

Pɛ̂! fo mi èpomsê ekayntəze zôyn, kèpî èpomsê ekayntə zɛ ə M tè kyi ghasè ghò tsɔ̀fə kə pom mbi.

Njɔyn 7:33

Njisə̀s ə pìə sê ghənə nə, “M pa nyi ghâsènì kè sə fendiŋə̀ fə ashìŋə̀fè nyi, ə M kɛse ndu se vɛ ə è tom Mi.

Ətefɨ̂aʼ 1:3

Ə̀ tè nyi kə Njisə̀s fe ngəʼ èghaʼâ ə kwuə ə kɛsə zômə̀, È və tyə̀ynə̀ ngɨŋə̂ Vəyn sê ghɨətom ə Vəynghe nə zhi ə zòmə̀ səmɔʼ. È və nə̀ nyi ə tendom ə tendom, sə teshìŋə̀ se tsɨ̀ əfètəyn m̀tuʼ m̀ghɨm m̀kyàʼ, ə fɨnə wâmnə̀ sê ghənə kûmə̀ èfɔ̂yn ə Fezhə̀vè.

Ipilù 12:2

Ə ghâsènì ə naynə̂ ndûə kə sê Njisə̀s. Ə̀ nyi vəyn vɛ ə è pùʼ ndom ekyî epomə̂ ə ghasènìze, ə fɨyn nyi ke vəyn ə è chisə pomə ətəynze se ndùə tânə̀ əkwùŋse. È və tə pomə̂ se kwu awâmnè ə tàʼa njì eghomə zɛ ə ze tè nyi e kyì ekwu nə zɨ̂nə̀ sə eghɛ kûmə̀ nə è tè nyiə ke nə ə̀ tə nyi epàm ətəyn, ə è və saŋnə̂. È nyi zôyn, tsɨs ekɔyn e twɔ ə fekyə̀ efɔ̀yn ə Fezhə̀vè.