Njɔyn 16:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Pîza, shîŋə̀ kɛ ə Zuʼsə səmɔʼse nə̀ pə̂, ə se chise ghàyn, ə ghàyn ə ke ə̀ghɛ əkɨ̂m ghɛ ə ghe nyi səmɔʼ. È pə̀ va sə̂ wàmnə̀ èghɛ vəyn zə ngɨŋe; è pə̀ se tsâ kə əghɛ mə ə pì ndô sê vəyn, ndàʼà ə̀ghɛ, ghe pa nyi se tə kyàyn.

Njɔyn 16:13 ပူးပေါင်းရင်းမြစ်များ

Njɔyn 12:49

Zɨnə nyì səmɔʼ kûmə̀ nə M tè paʼà wàmnè ə Mì atyaʼ pîza Pɨ̀a vɛ ə È tom Mi nyîə tsâ èghɛ zɛ M kyi se pì.

Njɔyn 14:17

Tsàmtè nə vɨ̂yn nyi Sezuʼ sɛ ə se tyə̂nə̀ paynsə səmɔʼ kûmə̀ Fèzhə̀. Ghɨ mbiə vayn kàʼa fi Tsàmtè nə vɨ̂yn kûmə̀ nə ghənə fe va vəyn, ke va vəyn. Sê ghàyn, ghàyn ke ndô vəyn kûmə̀ nə è ndamə ghâynghə̀ ghənə, nyi se nə̀yn sə̂ nyi ə ghàyn ewìyn.

Njɔyn 14:26

Tsàmtè zɛ ə Pɨ̀a nə̀ tomə ə mi ezə, mə za nyi Sezuʼ se Ŋwaʼase, nə̀ zaʼlə̂ ghàyn è ghɛghe əkɨ̂m, ə è fɨyn nəyn ə ghàyn pɨəyte nâʼàpî ghè vɛ ə m nyi mə mə tsàyn sê ghàyn.

Njɔyn 14:6

Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.

Njɔyn 15:26

Tsàmtè nə̀ ndô pə̂ se Pɨ̀a. È nyi Sezuʼ sɛ ə se nə̀ nə̂ nə ghɨghe ə ke səmɔʼ. Kə M nə nə mə nyi ghâsè Pɨ̀a, M nə tomə vəyn sê ghàyn, ə nyi vəyn vɛ è nə tsâ ghɛ sê ghàyn kûmə̀ Mi.

Njɔyn 16:12

M nyîə pa kyi ə̀ghɛ se pì sê ghàyn ghe tsɨ̀ə kə nyi, pîza mə ghàyn zɨ zôyn, ə ghə tsɨə tsɛ̂ ghàyn.

Njɔyn 3:32

È tsâ èghɛ zɛ ə È fe ə zɨə, pîza wùə vîvè pomə̂ va Vəyn.

Njɔyn 8:38

M tsâ kə èghɛ zɛ ə Pɨ̀a Vɨm tyə̀yn sê Mi, ghàyn nə̂ kə zɛ ə pɨ̀a vâyn tsàyn sê ghàyn.”

Ətefɨ̂aʼ 11:28

Zhizè e nyi ə ghənə əfètəyn, zə vəynze e nyi Àngapùs. È və ndwìə tyəmə̂, tyaʼa Sezuʼ e Ŋwaʼake ə nə̀ nə è tsayn nə, “Chɨ̀ŋ e kayntə tə ko mbi èkɨ̂m.” Zɨnə mə tè kyayn ə shɨŋ zɛ ə Klondiyùs tè nyi fɔ̀yn èghaʼâ.

Ətefɨ̂aʼ 20:23

M ke ke nə nâʼà pî endaʼ èkè, Zuʼse Ŋwaʼase nyi mə sə fo fɨ̀as se mi nə ndɛ ə̀ chaʼ è tsôstè lɨmtə̂ mi.

Ətefɨ̂aʼ 27:24

Tsɨ̀ ə̀təyn ə pìə sê mi nə, ‘Pɔ̂l, kə ò fayn. Ò kyi se tyə̂m ə Kaysà əshi. Fe ə ndə̀m kèpi nə nâʼà wùə nə̀ kwu va əfètəyn ə̀ghɨ ghɨ̀yn ə ghâynghə̀ ghənə kwîə əmɔʼ nyi, kûmə̀ ətəm əchûŋ ghɛ ə fe kyi sê ghò.’

2 Tèsàlonikà 2:12

famə endom, è tə saʼa, ə è pi nə nâʼà ə̀ghɨ ə̀kɨ̂m ghɛ ə ghe tàʼa pomə tom ə̀ səmɔʼ, pîza pɨlə kɔ̂ŋə̀ kə pi ə pfɨ̀ saʼ.

2 Tèsàlonikà 2:3

Kə ghàyn za nə wùə vîvè lese ghàyn nâʼà endom vîve kûmə̀ nə tuʼ nə vɛ tə pə̂ va se zaʼâ mə ghɨ ə tsɨə pâʼà pfɨ̀ fɨ, ə wùə etəm epiə pfɨ̀ŋə̀ pəyn, ə vɛ ə è ndùə elùʼ ewùs.

Ipilù 1:1

Ə̀ tè nyi sə mɨ, Zhə̀fè e wàmnə̀ sê ghə̀pɨ̀a ghasènìghe tɔynə̂ ə sèfɨ̀aʼtè. Fe tè wàmnə̀ kə ə tendom ə tendom, kə teshìŋə̀ teshìŋə̀.

1 Njɔyn 2:20

Pîza, vɛ ə Zhə̀fè kɨmne ndə̂m, è və fo Zuʼse Ŋwaʼase sê ghàyn, se ə pə̂ nâʼà sê ghàyn ə̀kɨ̂m nə ghàyn ə ke eghɛ zɛ ə ze nyi səmɔʼ.

1 Njɔyn 2:27

Pîza, ghàyn nyi mə ə kyî Zuʼse Ŋwaʼase, se ndamə ə ghàyn ə fètəyn, kûmə̀ zɨnə mə, ghàyn fɨnə kyiŋə va nə wùə zaʼle ghàyn èghɛ zɛ ə ze nyi səmɔʼ. Kûmə̀ nə Zuʼse zaʼlə̂ ghàyn è nâʼàpî ghè vɛ ə ghàyn nyì se kê, mə ghɛ zɛ ə Zuʼse zaʼlə nyi səmɔʼ, ə̀ vachi àkaŋ. Zamə, ghàyn faŋ ke sə afɨa àmɔ̀ʼ ghâyn ghə̀ Klâys kə ə Zuʼse zaʼlə.

1 Njɔyn 4:6

Pîza, ghâsènì nyi əghɨ ə Fezhə̀ghè. Nâʼàpî ndè vɛ ə è ke Zhə̀fè zɨtə̂ ndò se ghâsènì, nâʼàpî ndè vɛ ə è ke va Zhə̀fè zɨtə̂ va se ghâsènì. Ə̀ vɨnə nyi endom vɛ ə ghâsènì kàʼa ke sə nɨŋ ə̀ fètə̂ Sèzuʼ sɛ ə se nyi səmɔʼ è sɛ ə̀ nyì sə akaŋse.

1 Njɔyn 5:6

Ə̀ nyi Njisə̀s Klâys nə vɨ̂yn ə è ndò ekwùtwəyn ə pə̀ ə chi, ə fiə m̀mo ə fɨnə kwuə ə tsosə̂ m̀ndəm mə Və̂ynmè. È tè pâʼà fi ke môm, è və tè kwu kepî ə sɨsə m̀ndəm mə Və̂ynmè. Ə̀ nyi Sèzuʼ se Ŋwaʼase ə se tyəm tsɛ̀ èsaʼ sê ghɛ nə ghɨyn kûmə̀ nə Zuʼse Ŋwaʼase wamə va kaŋke.

Etyə̂yn ə paynsêzè 1:1

Ə̀ fâ ŋwàʼlè nyi əghɛ ghɛ ə Njisə̀s Klâys tè tyə̀yn paynsê se Njɔyn. Zhə̀fè tè fo əghɛ ə tyə̂nə̀ paynsə̂ nə ghɨnə̀ sê vəyn nə è tyəyn sê ghɨ ə fɨaʼa vəynghe kə ghənə nə ke ə̀ghɛ ghɛ ə ghe nyi se nə kwùʼə kyàyn. Ə̀ tè nyi kə è kyiŋə nə ə ke ə̀ghɛ nə ghɨ̂nə̀, è və tomə tsì ə̀ vəyn sê Njɔyn, ə̀ nyi kepî wùə è fɨ̀aʼa ə vəyn vîvè.

Etyə̂yn ə paynsêzè 1:19

Nyiəmə, nyàʼ ghɛ ghɛ ə ò fe, əghɛ ə ghe nyi se kyàyn zôyn è ghɛ ə ghe nyi se tə wə̂ kyàyn ndò.