Njɔyn 15:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Ə ghàyn faŋ ke ə mi ewìyn, ə zaʼlê zɨmze ə pɔŋ nyi sê ghàyn, ghàyn ə pfɨfə pî ghè, ə ghàyn kyi.

Njɔyn 15:7 ပူးပေါင်းရင်းမြစ်များ

Matyò 7:7

Pfɨf sê Zhə̀fè, ə È nə̂ fo sê gho, kyɨŋ ə Zhə̀fè nə̂ nəyn ə ò fe, ngɔʼte, ə Zhə̀fè nə̂ chwie chondɛo sê ghò.

Njɔyn 14:13

M nə̀ nə̂ nâʼàpî èghɛ èkè zɛ ə ghàyn pfɨf ə Mi ezə, kə Pɨ̀a tyəyn pomsê ə vəynze tɔynə̂ ə Vayn.

Njɔyn 15:16

Ghàyn tè pâʼà chɔʼ Mi, ə̀ tè chɔʼ Mi ghàyn ə tomə ghàyn nə ghàyn nəyn ghɛ ghɛ ə ghe muə twɔm echûŋvè. Kyì tə ghɛ nə tɨnə mə ə ndam faŋ ke ndò. Ə ghàyn nə̀yn zamə, ə Pɨ̀a vɨm fo nâʼàpî ghè vɛ ə ghàyn pfɨfə sê vəyn tɔynə̂ ə mì ezə.

Njɔyn 16:23

Shîŋə̀ kɛ ə tuʼfə təynfe tə pə̂, ə ghàyn tàʼa pfɨf afɨa kyîke sê Mi. M tsâ se ghàyn nâʼà səmɔʼ nə, Pɨ̀a Vɨ̂m tə fo nâʼàpî ghè vɛ ə ghàyn pfɨf sê Vəyn ə Mì ezə.

Njɔyn 8:31

Njisə̀s ə pìə sê ghɨ ə Njûs ghɛ ə ghe tè pomə sê vəyn nə, “Ə ghàyn chùmtè zaʼlê zɨme, ə ghàyn ə lote nyi sèchùmtè èpàm Sɨmse.

Njɔyn 8:37

M ke ndò nə ghàyn nyi fe ghâŋfə Aplàghâmfè, pîza kyiŋə se zhwiə Mi kûmə̀ nə ghàyn kɔ̂ŋɔ̀ va se zɨə ezaʼlê Zɨme.

Ngàleshyà 4:2

Kè kə è pa tətə, ə kyi ə̀ghɨ sə tɔ̂ʼnə̀ è vəyn è kɨsè fɨa ə vəynve kə è tə ndəmə̂ kwəyn ashìŋə̀ kɛ ə pɨ̀a vəyn tè ndəm.

Ngàleshyà 5:16

M kyiŋə se pì sê ghàyn nə, ghàyn za Zuʼse Ŋwaʼase, ə sə chisə̂ ghàyn. Ə ghàyn nə̀yn nyi, ə ghàyn ə fɨnə nə̂ va ghɛghe ə njà èwìyn kyiŋə.

Kòlosè 3:16

Ghàyn za nə tom ə̀ Klâys ə nyi ə ghàyn ətəm shîŋə̀ tekɨ̂m. Ghàyn nji tom nə zɛ mə, ə ghàyn fɨ̂aʼ è zə̂yn è tɔf eghaʼâ zaynze ekɨ̂m se teftê, è kɨsè se zaʼlə sengɨŋ saynse. Ghàyn zhəm njàŋsè se Zhə̀fè, mə se fɨ ə ŋwàʼlè ə̀ Fèzhə̀. Ghàyn zhəm njàŋsè se Zhə̀fè se tsitə vəyn è kɨsè Klâys, è naʼapi sènjàŋ sè kè sɛ ə se pə̂yn ə ghàyn ekwâʼtè se tsìtə Fezhə̀. Ghàyn zhəm se fəynfe se fo àzɔ̀ŋnè se fəynfe è təm ghaynghe əkɨ̂m.

1 Njɔyn 2:14

M nyâʼà əghɛ nə ghɨyn sê ghàyn ə ghɔyn ghɨmə kûmə̀ nə ghàyn nyi mə ə kê Pɨ̀a. M nyâʼà se ghàyn ə pɨ̀aghe kûmə̀ nə ghayn nyi mə ə kê Vəyn vɛ ə è tè nyi ə zhə̀te. M nyâʼà əghɛ nə ghɨyn sê ghàyn ə ngwàʼ ə wùə kûmə̀ nə ghàyn nyîə tɛ, ghɛ ə Fezhə̀zè e nyi ə ghàyn ətəm, mə ghàyn ə tɛ tsɛ wùə èpi.

1 Njɔyn 2:27

Pîza, ghàyn nyi mə ə kyî Zuʼse Ŋwaʼase, se ndamə ə ghàyn ə fètəyn, kûmə̀ zɨnə mə, ghàyn fɨnə kyiŋə va nə wùə zaʼle ghàyn èghɛ zɛ ə ze nyi səmɔʼ. Kûmə̀ nə Zuʼse zaʼlə̂ ghàyn è nâʼàpî ghè vɛ ə ghàyn nyì se kê, mə ghɛ zɛ ə Zuʼse zaʼlə nyi səmɔʼ, ə̀ vachi àkaŋ. Zamə, ghàyn faŋ ke sə afɨa àmɔ̀ʼ ghâyn ghə̀ Klâys kə ə Zuʼse zaʼlə.

1 Njɔyn 3:22

Mə ghâsènì pfɨfə pi ghè sê vəyn ə è fo kûmə̀ nə ghâsènì nyîə ndə̂mə̀ èlwɔ̂ŋ ə Vəynve, fɨnə nə̂ ə̀ghɛ ghɛ ə è kɔ̂ŋɔ̀.

1 Njɔyn 5:14

Ə ghâsènì tyəm ə Zhə̀fè əshi ə pfɨfə nâʼàpî ghè endom vɛ ə è kyiŋə ə ghâsènì ə ke nə è nə̀ zɨə ndò sê ghâsènì.