Njɔyn 15:26 - Ŋwàʼlè ə̀ Fèzhə̀ Mkâyn Mə̂ Fèm

²⁶ Tsàmtè nə̀ ndô pə̂ se Pɨ̀a. È nyi Sezuʼ sɛ ə se nə̀ nə̂ nə ghɨghe ə ke səmɔʼ. Kə M nə nə mə nyi ghâsè Pɨ̀a, M nə tomə vəyn sê ghàyn, ə nyi vəyn vɛ è nə tsâ ghɛ sê ghàyn kûmə̀ Mi.

Njɔyn 15:26 ပူးပေါင်းရင်းမြစ်များ

Tom èchùŋ kè kə Lûk tè nyaʼ 24:49

Ghàyn ə kɛ nə, m nyi tom efe zɛ Pɨ̀a vɨm te tsɨ̀ne sê ghàyn. Pîza ghàyn tsɨsə kə fayn endaʼ sè zaʼâ kə tyaʼ nə ke ndo ekwùtwəyn, ə ke tso ə ghàyn ə tu.”

Njɔyn 14:26

Tsàmtè zɛ ə Pɨ̀a nə̀ tomə ə mi ezə, mə za nyi Sezuʼ se Ŋwaʼase, nə̀ zaʼlə̂ ghàyn è ghɛghe əkɨ̂m, ə è fɨyn nəyn ə ghàyn pɨəyte nâʼàpî ghè vɛ ə m nyi mə mə tsàyn sê ghàyn.

Njɔyn 16:7

Pîza, m pîə sê ghàyn səmɔʼ nə, ə̀ nyi chùŋ sê ghàyn kə m ndô. Ə M taʼa ndò, Tsàmtè vayn pə̀yn sê ghàyn. Pîza mə m ndô, ə m ndu tom vəyn sê ghàyn.

Njɔyn 8:42

Njisə̀s ə pìə sê ghənə nə, “Ə Zhə̀fè tè lote nyi Pɨ̀a vâyn, mə ghàyn kɔ̂ŋɔ̀ ndò Mi kûmə̀ nə M ndo pə̂yn se Zhə̀fè nyi zôyn fàyn. M tè paʼà pə̀yn chi sə Mì ə ngɨŋ pîza È tè tom ndô Mi.

Ətefɨ̂aʼ 1:4

Tuʼve ə zo tuʼ fîfe, ghənə e zhiə, È və tsɛsə̀ sə alàŋ sê ghənə nə, “Kə ghàyn ndo ə Njèlusalɛ̀m zôyn. Ghàyn lɨmte fo zɛ ə M tè tsayn nə Pɨ̀a Vɨm və tsɨ̀nə̀ se fo sê ghàyn.

Ətefɨ̂aʼ 15:8

Zhə̀ Fɛ Fe ke nâʼà ə̀ghɛ ə̀kɨ̂m ghɛ ə ghe nyi ə ghɨghe ətəm ə tyə̀yn mɨ̂sè nə ghɨ ghɛ ə vachi əghɨ Njûsghè kàʼa ə ghe pɔŋ pomə endom nə, fe ə nə̀yn Zuʼse Ŋwaʼase ə pə̀ sê ghənə kèpî kə se tè pə̀yn sê ghâsènì.

Ətefɨ̂aʼ 5:32

Ghàs nyi setsɛ̀saʼ əghɛ nə ghɨ̂yn. Zuʼse Ŋwaʼase nyi kepî tsɛ̀èsaʼ. Mə nyi efo ə Fezhə̀zè sê ghɨ ghɛ ə ghe zɨə sê Vəyn.”

1 Kɔlìŋ 1:6

Ghɛ zɛ ə ghàyn zɨ kûmə̀ Klâys ə kyî ghaŋə, tɛ kə nyi ə ghàyn ə fètəyn.

Ipilù 2:4

Zhə̀fè ə tə nə̀yn kepî chwiə sə ghɛ ə kayntəghe, ə tekì ə tekì, ə fɨnə fo tèfo tə Sezuʼ Seŋwaʼase sê ghɨə kè kə fe kɔ̂ŋɔ̀ se tyə̀yn nə tom nə zɨnə nyì ke nâʼà səmɔʼ.

Etyə̂yn ə paynsêzè 22:1

Tsì ə̀təyn ə ke chwìtè ə tsò èghaʼâ m̀mò sê mi zɛ ə è fo ndamze, mô mə tə̂ynmè e nyaynə̂ kə anâynè ə ke panə tɔynə, mə m̀ fɨə pə̂ etyə̂ ə̂ fekyə̀ fə efɔ̀yn fɛ ə Zhə̀fè tsɨs ətəyn yî Vâ Ndzè,