Njɔyn 15:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Kə ghàyn tə lɛse èghɛ zɛ ə m tè zaʼle sê ghàyn nə, ‘Wùə èfɨ̀aʼa pâʼà tyəmə̂ tsɛ̂ pɛ̀ èfɨ̀aʼ ə̀ vəyn.’ Ə nyi mə ə tə tsə̀fsè mi, ə nə tsə̂fsè kepî ghàyn zâ. Ə nyi mə ə tè zɨte zaʼlê zɨmze, ə nə pɔŋ zɨte zaynze.

Njɔyn 15:20 ပူးပေါင်းရင်းမြစ်များ

Matyò 10:24

Wùə vɛ è lanə tsɨ̂ə tsɛ va tyə̀ynsè ə̀ vəyn; wùə èfɨ̀aʼa ngaŋtə̂ tsɛ va tu efɨ̀aʼkè.

Ŋwàʼlè ə̀ Mâk 10:39

Ghənə ə pomə. Njisə̀s ə pìə sê ghənə nə, “Səmɔʼ ghàyn nə̀ fe ngəʼ zɛ ə m nyi se fe ə ghàyn fɨyn kwu.

Tom èchùŋ kè kə Lûk tè nyaʼ 2:34

Simyòn ə pɔsə̂ ghənə ə ke pi sê Mèli nə, “Ò ke nə Zhə̀fè ə ndə̀m vayn vɨ̂yn nə è tə ndwisè ə̀ghɨə Isìlây ghè, ghe tsɨ̂ə kə nyi, ə è pfɨse yîə, ghe tsɨ̂ə kəpi za. Ə̂ è faŋ kepî sə chwiə zɛ ghɨə nə nyə̂ʼsə̀,

Tom èchùŋ kè kə Lûk tè nyaʼ 6:40

È və fɨnə mɛ̂ kepî ngàyn ə̀ mɔ̀ʼɔ nə, “Vayn zaʼlə vayn kàʼa è tsɛ tyə̀ynsè ə vəyn pîza mə ə fɛte zaʼle naʼapi ndè, ə è və se nyi kepî kə tyə̀ynsè ə vəyn.”

Njɔyn 10:31

Ghɨ nə ghɛ ə se fɨnə komtə̂ əchi se tɨmnə̂ vəyn ətəyn.

Njɔyn 11:57

Ghɨə kɔʼsə nə eshyə̀ ngaŋtəghe è ghɨə Falàsî e nyi mə ə tsɛ̀sè lâŋkè nə ə ke nâʼàpî ndè luʼ vɛ ə Njisə̀s nyi ətəyn, è və tsà sê ghənə kə e ko Vəyn.

Njɔyn 13:16

M pîə sê ghàyn səmɔʼ nə wùə èfɨ̀aʼa pâʼà tyəmə̂ tsɛ̂ pɛ̀ èfɨ̀aʼ ə vəyn, ndùətom e tsɛ̀ va wùə vɛ ə è tom vəyn.

Njɔyn 5:16

Ghənə zhə̀tə̀ se tsə̀fsè ə Njisə̀s, kûmə̀ nə È tsuʼ wùə ə̀təyn etuʼ endaʼ.

Njɔyn 7:32

Ghɨə Falàsîə tè zɨ kə ghɨ tè tsɨ̀mtə pîə ə̀ghɛ nə ghɨnə kûmə̀ Njisə̀s. Ghənə è ghɨ kɔʼsə nə eshyə̀ ngaŋtə ndɛ̂ ètsə̀mə ə tomə ə̀ghɨ ə fɨaʼa nə ə ndu kyî Vəyn.

Njɔyn 8:51

M pîə sê ghàyn səmɔʼ nə, nâʼàpî ndè vɛ ə è nə̀ ghɛ zɛ M zaʼlə, kwuə va.”

Njɔyn 8:52

Ghɨ Njûs nə ghɛ ə pìə sê Vəyn nə, “Zôyn ghàs lote ke ndò nə ò nyiə kyi èpamə̂ ə satàynzè! Aplàghâm ə tè kwu, fɨ̀aʼtèsè ə kwuə, pîza Ò pîə nə nâʼàpî ndè vɛ ə è nə̀ ghɛ zɛ ə Ò zaʼlə, ə è tə taʼa kwu.

Njɔyn 8:59

Ə pə̀ kə ghɨə tə zɨ zamə, ghənə ə komtə̂ ə̀chi se tɨmnə̂ Vəyn ətəyn, pîza Njisə̀s ə ndə̀ytə̀ ngɨŋə̂ Vəyn ə ndò fu ə Ndɛ Ètsə̀mə.

Ətefɨ̂aʼ 14:22

Nâʼà pi elùʼ èkè vɛ ə ghənə tè nduə fɨə, ghənə ə nə̀ nə ghɨ poməghe tɔʼ kyî èpomə̂ ə ghənə̂zè ə fɨyn ndəm ətəm ə ghənə̂ eghɛ zɛ ə ghənə pomə. Ghənə tè zaʼlə nə, “Ghâsènì kyi se tsɛ tɔynê əfètəyn tètsòs te tsɨ̂ə kə nyi tsɔ̀fə ə se nji elùʼ efɔ̀yn ə Fezhə̀vè.”

1 Kɔlìŋ 4:12

Ghàs fɨaʼà è tyaʼa, kè nâʼà è gho ghasə. Ə ghɨ sôylə̀ ghàs, ghàs e pɨlə tsə̂mə̀ nə Zhə̀fè pɔse ghənə, e tsə̀fsə̀ ghàs, ghàs e wəynə kə ndò.

2 Kolìŋ 4:9

Pàyn se tsɨəse nyîə nyi, pîza ghâsènì e va shîŋə̀ kyîke mə soyn va, pî kə zâŋsə̀ təynsə ghâsènì nâʼà sə ŋaŋ shîŋə̀ tîte, pîza pofsə̂ va ghâsènì.

1 Tèsàlonikà 2:15

ghɨ Njûs nə ghɨnə ə tə zhwi Pɛ̂pɛ Njisə̀s, è fɨ̀aʼtèsè ə tsə̀fsə̀ kəpi ghàs. Ghənə nə̂ nə Zhə̀fè ə nyɔʼsə̀ ètɔŋ ashìŋə̀ kɛ ə ghənə nə̂ nyiəmə! tɔŋ ə Fezhə̀ və zafə, fɨnə nə̂ nə nâʼàpî ndè ə nyi pàyn ə ghənə!

2 Timotì 3:12

Ə̀ kɔ̀ŋə̀ pîndè sə ndamə èndam ə Fezhə̀zè kaʼke amɔ̀ʼ yî Klâys Njisə̀s, ə kyi se tə tsə̂fsè ə vəyn.