Njɔyn 15:2 - Ŋwàʼlè ə̀ Fèzhə̀ Mkâyn Mə̂ Fèm

² È tsɔynə màʼa nâʼàpî ngɔyn èkè ə Mì ewìyn zɛ ə è muə va twɔmve, fɨnə chɔʼtə̂ tsɨsə̀ sèngɔyn sɛ ə se muə va twɔmve, kə fə zo kɛsə̂ muə ètwɔm etsɨəve

Njɔyn 15:2 ပူးပေါင်းရင်းမြစ်များ

Matyò 13:12

Nâʼà pîndè vɛ ə è zɨə ke ghɛ e ndətə efɔ̀yn ekwùtwəynə, Zhə̀fè nə̀ pâʼsə̂ è zɨə ke ətəynze kə è və kyi èzɨə keze se tsɨ̀. Pîza nâʼà pîndè vɛ ə è kyi va zɨə ke nə zɨ̂yn, Zhə̀fè nə̀ fiə tsɨsə̀ pî fè fɨatə̀ fɛ ə è kyi.

Matyò 13:33

Njisə̀s ə fɨnə mɛ̀ ngàyn zhîzè sê ghənə ə pìə nə, “Fɔ̂yn ə Fezhə̀e nyi kepî kə fèsə̀ʼ ə wùzhɔyn njî, è və fɨ̀aʼsə̀ m̀pfɨ̂ŋ mə kwaŋə̀m kàŋə̀mè m̀ta è və fiyəsə ətəyn m̀ mə kɔʼɔ tsɨ̂ə kə nyî.”

Matyò 15:13

Njisə̀s ə pə̀ynsə̀ nə, “Nâʼàpî fèkaʼ fèkè fɛ ə Pɨ̀a vɨm vɛ è nyi ekwùtwəyn tàʼa zho, ə nə̀ chɔʼɔ fɨsə̂ fəynfe.”

Matyò 21:19

È və fe fèkâʼ fə sefîkfè endom, ə njiə ndûə esâs ə̀təyn pîza ə tàʼa fe atam kyîke fu etûə fèkàʼ ə̀ tsɛ̂ kəva sɛ̂tè ə se pì sê kâʼ fə ətəynfe nə, “Ò tə fɨnə muə va twɔmve!” Kè sə ashìŋə̀, kâʼ fə sèfîkfə təynfe ə zomə.

Matyò 25:29

Kûmə̀ nə, sê nâʼàpî ndè vɛ ə è kyi fɨake, ə nə̀ fo kwəynsə̂ setsɨ̀ sê vəyn, ə è və kyi ve tsɨə tsɛ, pîza wùə vɛ ə è kyi va fɨake, Zhə̀fè nə̀ fiə tsɨsə̀ pî fè fɨ̂atə̀ fɛ ə è kyi sê vəyn.

Matyò 3:10

Njàm nyîə nyi è pɨaʼtêzè se kwə̀lə̂m mkâʼ ə te ghàŋ. Ə faŋ pî fèkâʼ fèkè se mu etwɔm echûŋvè, ə kwə mâʼà ewùs.

Matyò 3:12

È kyi ke àshə̀ʼ ə vəynke ə və gho lɨmtə̂ se foptê əsesɔ̀f. Shɨ̂ŋə̀ kɛ ə è shə̀ʼ mɨ̂sè, ə è nji sɔ̀fsè ə è ndəm ə vəyn etwəyn. Pîza nyi se nyɔ̀ʼɔ epfɨ̂ŋ ewùs, mə ve pɛ̂ ndɨmə̂ va.”

Matyò 7:19

Ə tə kwə̂ maʼà nâʼà pì fèkâʼ fè kè fɛ ə fe muə va twɔm echûŋvè ə maʼa ewùs.

Ŋwàʼlè ə̀ Mâk 4:20

Pîza ghɨ ghɛ ə ghe nyi kə ngwàʼ zɛ ə è tàyntè mchi mê chùŋə̀m, nyi ghɛ ghe zɨə ghɛ ə Fezhə̀zè, ghənə ə kyîə kə ndò, zə pɔŋə tèpuʼ, zhîze e kyi ə̀shi m̀ghɨm ta, zhîze kyi ə̀shi m̀ghɨm tufə, zhîze kyi ə̀shi ewə̀.”

Tom èchùŋ kè kə Lûk tè nyaʼ 8:13

Zɛ ə è tàyntè enwɔyn nyi kə ghɨ ghɛ ə zɨ ghɛ ətəyn, ə zàŋsə̀ pomə kə ndò èsaŋnêzè, pîza e pâʼà tɔ̀ʼ nji ə ghənə ətəm. Ghənə ə pomə̂ kə sə fendiŋə̀ fə ashìŋə̀fè nyi, mɔ̂mzè ə pə̀, ghənə pfɨ̀ə kə ndò.

Njɔyn 15:1

Njisə̀s ə tè pì nə, “M nyi kàyntə̀ fèkàʼ fə etwɔmfe, Pɨ̀a vɨmve nyi pɛ̀ àfùʼ.

Njɔyn 15:16

Ghàyn tè pâʼà chɔʼ Mi, ə̀ tè chɔʼ Mi ghàyn ə tomə ghàyn nə ghàyn nəyn ghɛ ghɛ ə ghe muə twɔm echûŋvè. Kyì tə ghɛ nə tɨnə mə ə ndam faŋ ke ndò. Ə ghàyn nə̀yn zamə, ə Pɨ̀a vɨm fo nâʼàpî ghè vɛ ə ghàyn pfɨfə sê vəyn tɔynə̂ ə mì ezə.

Njɔyn 15:3

Ghàyn kàyne nyi ndò ezoze kûmə̀ èzaʼlê zɛ ə m zaʼlə sê ghàyn.

Njɔyn 15:6

Ghɨ ghɛ ə tàʼa faŋə kə Mì ewìyn, ə nə nji tsɨsè ghənə kə ngɔ̂nə̀ fèkàʼ. Ə ngɔyn ə̀təyn ə nyi tsɛ ke mə è zə zom. Ə komtə̂ ekyì ə sengɔyn nə sɨ̂nə̀ mə ə màʼà ndzɨsə̂ ewùs, elùʼ vɛ ə se nə pɛ.

Njɔyn 15:8

Ə nə̀ fe èpomsê ə Pɨ̀a vɨ̂mzè ə ghàyn mu twɔmve setsɨ̀. Ə zɨnə mə nəyn ə ghà ə nyi sèchùmtè èpàm sɨmse.

Njɔyn 17:12

Kə M tè pa nyi ghasè ghənə, M tè nyîə tɔ̂ʼnə̀ è ghənə atyaʼ ezə kɛ Ò tè fo sê Mi. Mə tə tɔ̀ʼnè è ghənə nâʼà wùə èmɔ̀ʼ ə ghənə fètəyn ə tàʼa njìsè ə̀ tsɛ̂ kə va vɛ ə è tè kyi ke se njìsè kə ghɛ zɛ ə tè nyàʼ ə ŋwàʼlè Fèzhə̀ pəyn səmɔʼ.

Ŋwàʼlè ə̀ Pɔ̂l sê ghɨə Lûmghè 11:17

Ə fɨaftə̂ sèngɔyn sə fekàʼ fə olìf fɛ ə nyi mə ə zho ndô, ndûə pasə̂ ewìyn ə fekàʼ fə olìf fɛ ə fe nyi ə mbvɨyn mə fe tsɨ̂yn ndəmə ke sə fəynfe ə ngɨŋ. Ghàyn ghɨ ghɛ ə̀ vachi ə̀ghɨ ə Njûsghè nyi kə sengɔyn sə fekàʼ fɛ ə fe ndəmə ə mbvɨyn mə fe kyîə kəpi m̀mo mə m̀ ndò pə̂yn ətə̂ tèghàŋ tə fekàʼ fechûŋfè.

Ŋwàʼlè ə̀ Pɔ̂l sê ghɨə Lûmghè 11:22

Ghàyn ə fe nə, ə apàs àmɔ̀ʼ, Zhə̀fè nyiə pɔynə̂ nâʼà àchûŋ, ətə kəmɔ̀ʼɔke fe tɛ nâʼà sə ŋaŋ. È nyiə tɛ se ghɨ ghɛ ə nyi mə ə njìsè ndomve, kyi ə̀təm ə chûŋghè ezhoghɛ ə ghàyn pa chûmtə̀ ndom ə vəynve. Pîza ə ghàyn chùmtə̀ va ndom ə vəynve, ə è tə fɨaftê tsɨ̂sè kepî ghàyn.

Ŋwàʼlè ə̀ Pɔ̂l sê ghɨə Lûmghè 8:28

Ghâsènì kendô nə nâʼà pi èghɛ èkè zɛ ə ze kyâynə̀, Zhə̀fè nə̀ zəynze sə chùŋ ə̀ghɨ̀ ghɛ ə kɔ̂ŋə̀ Fəynfe. Ə ghənə ghɛ è nyi mə È və tɔŋɔ nə ə nəyn kə È kyiŋə.

1 Kɔlìŋ 13:1

Ə m kaʼa m mə wamnə̀ tèwâmnè tə ghɨ̀ msɔ̀ŋte, è tə setsìtè, pîza mə m kiva kɔ̂ŋzè, ə wâmnè zɨmze ə nyi ke kə ngyìm ə̀ puzâ kə mbəŋne kə puʼə.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Ipilù 12:15

Ghàyn tɔʼne, kə wùə nə kwiynse àfùʼ kɛ ə Zhə̀fè tyə̀nə̀ sê vəyn. Ghàyn e fɨnə tɔ̂ʼnə̀, kə wùə tsɛ̂ fɨ ə ghàyn əfètəyn, ə è və nyi kə awə̂yn ə njwiəke ə ke ndəmə kɔʼɔ, ke ə pə̀yn è tsôstè tsɨəte è lɨf ə kəynke.

1 Njɔyn 2:19

Ghɨ ghɨ̀nə tè fɨ ə ghâsènì ə sendɛ sə Fezhə̀sè, pîza mə ghənə tè va afɨa àmɔ̀ʼ ghasènyìə ghə̀ ghənə. Ə̂ tè nyi kə ghənə ə nyi ə̀ghɨ ə ghasènìghe, mə ghənə ə tə faŋ ghasènyìə ghə̀ ghənə. Ə̀ tè nyì kə ghənə ndô, zɨnə mə ə tyə̀nə̀ ə ndayn nə ghənə əkɨ̂m tè va ghasè nyìə ghə̀ ghənə.

Etyə̂yn ə paynsêzè 3:19

M zɔ̂ se ghɨ ghɛ ə m kɔ̂ŋə̀ fɨnə pɔynsə̂ ə̀ghɨ ghɛ ə m kɔ̂ŋə̀ ghənə. Ndwìse wiynve ə kwiynə̂ ə̀təm ghɛghe pighe.