Njɔyn 15:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Ghàyn tè pâʼà chɔʼ Mi, ə̀ tè chɔʼ Mi ghàyn ə tomə ghàyn nə ghàyn nəyn ghɛ ghɛ ə ghe muə twɔm echûŋvè. Kyì tə ghɛ nə tɨnə mə ə ndam faŋ ke ndò. Ə ghàyn nə̀yn zamə, ə Pɨ̀a vɨm fo nâʼàpî ghè vɛ ə ghàyn pfɨfə sê vəyn tɔynə̂ ə mì ezə.

Njɔyn 15:16 ပူးပေါင်းရင်းမြစ်များ

Matyò 21:22

Ə ghàyn kyi pomə̂zè, ə ghàyn kyi nâʼàpî àkè kɛ ə ghàyn pfɨf e tsə̀m.”

Matyò 7:7

Pfɨf sê Zhə̀fè, ə È nə̂ fo sê gho, kyɨŋ ə Zhə̀fè nə̂ nəyn ə ò fe, ngɔʼte, ə Zhə̀fè nə̂ chwie chondɛo sê ghò.

Tom èchùŋ kè kə Lûk tè nyaʼ 6:13

Tuʼve ə kwənə, è və tɔŋɔ sechùmtè èpàm sə vəynse ə chɔʼtə̂ ghɨ njò sepɛ̀ ə ndə̀mə̀ kəpi ghənə sə ghɨətom ə vəynghe.

Njɔyn 13:18

M wàmnə̀ va kûmə̀ ghàyn ə̀kɨ̂m. M ke ndô ghàyn ghɛ ə m chitê ndə̂m. Pîza, ghɛ zɛ ə nyâʼ ə Ŋwàʼlè ə̀ Fèzhə̀ kyi se pə̀yn səmɔʼ. Ə və nyaʼ nə, ‘Wùə vɛ ə è zhiə kɨŋnə ghasè vəyn, nyi mə è və fɨ̀l tsɨ̀m sê mi.

Njɔyn 15:19

Ə ghàyn fè nyi kə əghɨ mbiə mə ghənə kɔ̂ŋɔ̀ ndò ghàyn kə ghɨə ghənə̂ghè. Ə̀ zo se nyi mə mə tə chitê fɨse ghàyn ə mbi, ghàyn e sè fɨyn va ə̀ghɨə mbiə. Ə̀ za nyi eghɛ zɛ ə ghɨ mbiə panə̀ ghàyn sətəyn.

Njɔyn 15:5

M nyi fekâʼ, ghàyn nyi sèngɔyn. Ghɨ ghɛ ə faŋ ə mì ewìyn, mə faŋə sê ghənə, tə muə ètwɔm ve tsɨ̂ə kə nyi. Ə va mi, ghàyn vayn kàʼa nəyn ghɛ zhîze.

Njɔyn 6:70

Njisə̀s ə pə̀ynsə̀ sê ghənə nə, “Ə̀ tè chɔʼ mi ghàyn njòse pɛ̀, mə va zamə? Pîza wùə èmɔ̀ʼ ə ghàyn ə fètəyn nyi ndə̂plè.”

Ətefɨ̂aʼ 1:24

Ghənə ə nə̀ nyi ə ke tsə̀m ə pìə nə, “Pɛ̂pɛ Ò nyîə ke ə̀təm ə ghɨ̀ghè əkɨ̂m. Tyə̀yn wùə vɛ ə Ò chɔʼ əfètə̂ ə̀ ghɨ ghɨyn ə̀pɛ̀,

Ətefɨ̂aʼ 1:8

Pîza ghàyn e ke nə ghàyn nə̀ kyiə àtyaʼ ezhoghɛ Zuʼse Ŋwaʼase pə̂yn sê ghàyn, ə ghàyn ə nyi sètsɛ̀ èsaʼ Sɨmse endaʼ ə Njèlusalɛ̀mzè, è pâs endaʼa Njòndyâkè è kə Sàmalyàkè akɨ̂m, se nduə tàyn tâŋ tə mbi tekɨ̂m.”

Ətefɨ̂aʼ 10:41

Ə̀ vachi ə̀ghɨ ə̀kɨ̂m ə tè fe Vəyn. Ə̀ nyi əghɨ ghɛ ə Zhə̀fè tè nyi mə Fə kàynè chɔʼ ndəm ə ghe tə fe Vəyn. E za tyə̀nə nə ə̀ nyi ghàs ghɛ ə tè zhi ə mɨə è Vəyn kə è tè zòmə.

Ətefɨ̂aʼ 22:14

È və pìə sê mi nə, ‹Zhə̀ fɛ ə pɨa ghasènìə tè kɔʼsə ə chɔʼ ghô nə ò nəyn kwâʼtè ə Veynze, ə ò fe wùə èfɨaʼa ə̀ Vəyn vɛ ə è nyi chichi, ə ò zɨ kə è wàmnə̀ è kyə̀ vəyn zə ngɨŋ.

Ətefɨ̂aʼ 9:15

Pîza Pɛ̂pɛ ə pìə sê Ànàniyàs nə, “Nduə, kûmə̀ nə mə chɔʼ wùə nə vɨ̂yn nə è fɨ̂aʼ sê mi. È nə nə̂ ə ghɨ atumə è fɔ̂yntə ghənə̂tè, è ghɨə Isìlâyghè, ke Mi.

Ŋwàʼlè ə̀ Pɔ̂l sê ghɨə Lûmghè 1:13

Ghɔnyì ghɨmghe kɔ̀ŋghè, mə pɨaʼte nâʼà sə teshìŋə̀ tetsɨəte se pə mòtè ə ghàyn, kyiŋə nə ghàyn ke nə ə̀ nyi eghɛ zɛ m tè kwàʼtə se nə̀yn. Pîza zhəmke e panə va kə m pəyn fe ghàyn kûmə̀ ə̀ghɛ ghɛ ə ghe tâsə̀ mi, pi se kɔʼɔ zaʼâ fa ashìŋə̀. M kyiŋə se pə mòtè ə ghàyn kə fɨ̂aʼ ə ghàyn ə fètəyn, efɨ̂aʼ zɛ ə ze nə̀ muə twɔmve, eghɨ kə m tè fɨ̂aʼ əghɨ ghɛ ə̀ va əghɨ ə Njûsghè ə fètəyn.

Ŋwàʼlè ə̀ Pɔ̂l sê ghɨə Lûmghè 1:5

Ə̀ nyi ə Vəyn ezə kə Zhə̀fè nyi mə fə fo mi èfùʼkè ə ndə̀mə̀ mi nə mə nyi wùətom kə ghɨ ghɛ ə̀ va əghɨ ə Njûsghè pomə ə zɨ sê Klâys.

Ŋwàʼlè ə̀ Pɔ̂l sê ghɨə Lûmghè 15:4

Naʼapi èghɛ èkè zɛ ə tè nyaʼ ə Ŋwàʼlè Fèzhə̀ sə mɨ tè nyì se zaʼlə ghâsènì. Ze tè nyi kə ghâsènì ə kyi èkwaʼtè zɛ ə ze ndô pə̂ ewàmnè ə Fezhə̀zè, nə̂ nə ghâsènì ə kyi èkol ətəmze, fɨnə fo ghâsènì è temghe.

Ŋwàʼlè ə̀ Pɔ̂l sê ghɨə Lûmghè 9:21

Piə wùə vɛ ə è pomə tɔ̀ynsè kɔ̀ŋ ə è nji toʼ èchaʼ ə è momte, ə è chyase ə è pom tɔ̀yn sepɛ̀ ətəyn, ə emɔ̀ʼ ə nyi mə ə kwə̂ynə̂ ətəyn shîŋə̀ kɛ ə ghɛ eghaʼè nyi, zə mɔ̀ʼɔ e nyi mə ə kwəynə̂ ətəyn nâʼàpî ashìŋə̀ àkè.

1 Kɔlìŋ 10:11

Ghɛ nə ghɨnə̀ ə̀kɨ̂m tè kyayn sê ghənə sə fɨ̀as kə ghɨə mɔ̀ʼɔghe fe, ə fɨnə nyâʼà ndəmə̀ ghəynghe kə fɨ̀as se ghâsènì kûmə̀ nə ghâsènì ndamə ashìŋə̀ mə mɨ̀se se nyi ke se pə̀yn.

Ngàleshyà 1:15

Pîza, Zhə̀fè tɔynə̂ ə və afùʼ, ə chɔʼɔ mi tsɔ̀fə kə piə mi, ə tɔŋɔ mi sə wûə èfɨ̀aʼa ə̀ vəyn. Kə è chɔʼne

Ɛfesùs 2:10

Ghâsènì nyi efɨaʼ ə Fezhə̀ zə ghoze. Fe fɛtə̂ ghâsènì tɔynə̂ ə Klâys Njisə̀s nə ghâsènì nə ndamə èndam echûŋ zɛ ə è tè se nyi mə è və tè pɨaʼtê ndəm nə ghâsènì ə ndamə.

Kòlosè 1:23

Ghàyn kyi se faŋə kə ghàyn epomə̂ mə ze nə̂ʼlə̀ va, kyi se tɔ̀ʼɔ̀ tyə̂m, è kɨsè se ndə̀m ətəm ghaynghe əkɨ̂m ətə̂ tom èchùŋ zɛ ə ghàyn zɨ. Tom èchùŋ nə zɛ mə ə ghàyn nyi mə ə kàynè zɨ nyi zɛ ə è nyi mə è zə waŋ mbi èkɨ̂m, ə nyi zə̂ynzè ə è nə̀yn mi Pɔ̂l nə mə nyi wùə àfɨ̀aʼ se Zhə̀fè se ndàʼa zə̂ynzè.

Kòlosè 1:6

Tom èchùŋ nə zɨ̂yn pə̂ èpɔsêzè è kɨsè sə waŋə ndûə kə luʼte kɨ̂m ə mbi. Tuʼfə shi fɛ ə ghàyn tè zɨ, ghàyn ə tə zɨ kê nə Zhə̀fè ndɨŋ kyi ndò təm ə chûŋghè sê ghɨghe.

1 Timotì 2:7

Ə̀ za nyi eghɛ zɛ ə tè tom mi kə wùətom è wùə èzaʼlə ə̀ghɨ ghɛ ə tè va əghɨ Njûsghè, nə m zaʼle tom èkyî epomə̂ zɛ ə e nyi səmɔʼ sê ghɨ ghɛ ə̀ vachi ə̀ghɨ ə Njûsghè. M wamə chîəva kaŋke, m lotə̂ pîə kə nâʼà èghɛ səmɔʼ!

2 Timotì 1:11

Zhə̀fè ə chɔʼ mi nə mə nyi wùətom, è wùə èzaʼlə, nə m ndaʼa tom èchùŋ.

2 Timotì 2:2

Njì zaʼlê zɛ ə ò tè zɨə kə m zaʼlə ə ghɨə tsɨəghe əshi, ə fo tsosə̂ se ghɨ ghɛ ə ò samsə̂ mə ghənə kaʼa zaʼlê ghɨə mɔ̀ʼɔghe.

Taytùs 1:5

M tè zà ghô ə klìlit nə ò chise ghɛ ghɛ ə ghe tè nduə va achûŋ fumə, ə ò chɔʼte kepî sèchəʼ ə se ndɛ̂ sə Fezhə̀sè nâʼà pi ə tɔ̂ŋ èkè, kè endom vɛ ə m tè pì sê ghò.

Ipilù 11:4

Ə̀ nyi ekyî epomə̂zè ə ze tè nəyn nə Apɛ̀l fo foze sê Zhə̀fè ə ze ə tsɔ̂fə̀ tsɛ̂ zɛ ə Kên tè fo. Zhə̀fè ə tə njì vəyn sə wùə chichi kûmə̀ èpomə ə vəynze. Ə̀ nyi ekyî epomə̂ ə vəynze ə ze tè nəyn nə Zhə̀fè nji vəyn sə wûə ə̀ chichi kûmə̀ nə Zhə̀fè tè nyiə saŋnə̂ è maʼte ə vəynze. Nâʼàpî kə Apɛ̀l tè nyi mə è və kwu, è pa wâmnə̀ kəndò sê ghâsènì tɔynə̂ epomə̂.

Njə̂m 3:18

Ghɨə pɔ̂ynè ghɛ ə ghe zho è pɔ̂ynè, fɨa kɛ ə ghənə tə kwîə nyi chichi.

1 Pità 3:15

Ghàyn e pɨlə ngɨmnə̂ Klâys kə Pɛ̂pɛ ə ghàyn ətəm. Ghàyn e tsɨs shîŋə̀ tekɨ̂m, pfɨ̂tə̀ se fɨ̀ysə nâʼàpî ndè ezhoghɛ è pfɨf ghɛze kûmə̀ èkwaʼtè elɨmtə zɛ ə ghàyn kyi ə ghàyn ətəm. Ghàyn e nə̂ nyi è pɔynə̂, è kɨsè ngɨmnêzè.

1 Pità 3:2

kûmə̀ nə ghənə nə̀ fe kə ndam taynte tsɔ̂fə̀ fɨnə zo.

1 Njɔyn 4:10

Ndom vɛ ə ghâsènì kàʼa kê kûmə̀ èkɔ̂ŋ nyi nə, Ə̀ vachi nə ghâsènì tè kɔ̀ŋə ndô Zhə̀fè, pîza nə è tè kɔ̀ŋə ndô ghâsènì ə tomə Va Vəyn nə è pəyn kwu ə ghâsènì ə tu kûmə̀ sèpi sə ghasènìse.

1 Njɔyn 4:19

Ghâsènì kɔ̀ŋə̀ sèngɨŋ sə ghasènìse kûmə̀ nə Zhə̀fè ə tə kɔ̀ŋ ghâsènì sə shi.