Njɔyn 15:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ M fɨnə tɔŋtə̂ va ghàyn zôyn nə ghɨ efɨaʼaghe kûmə̀ nə wùə èfɨ̀aʼa ke va ghɛ zɛ ə Pɛ̀ èfɨaʼ ə vəyn nə̂. M pɨlə tɔŋtə̂ ghàyn zôyn nə soyn sɨmse kûmə̀ nə mə tsàyn ghɛ ghɛ Pɨ̀a vɨ̂m tsàyn sê Mi nâʼà ə̀kɨ̂m sê ghàyn.

Njɔyn 15:15 ပူးပေါင်းရင်းမြစ်များ

Matyò 13:11

Njisə̀s ə pìə sê ghənə nə, “Zhə̀fè fo ghàyn ètyaʼa nə ghànə ke ə̀ghɛ e ndətə efɔ̀yn ekwùtwəynə, pîza ə tàʼa fo atyaʼ nə kɨ̂yn se ghɨ mɔ̀ʼɔ.

Tom èchùŋ kè kə Lûk tè nyaʼ 10:23

È və wàmnə̀ za ə se pə̀ynsè ewiyn ə nyaʼtə̂ piə sê chùmtè epàm sə vəynse nə, “Chùŋ nyi sê ghàyn ghɛ ə fê ghɛ ghe ə ghàyn fê!

Njɔyn 12:26

Ə̂ fɨaʼà pîndè sê Mi, ə è və kyi se chùmtə mi kə luʼ vɛ m nyi ətəyn, ə wufɨ̀aʼa vɨ̂m ə pɔŋ nyi fu. Pɨ̀a vɨm nə̀ fo èmâʼte sê wùə vɛ è fɨ̀aʼa sê mi.”

Njɔyn 13:16

M pîə sê ghàyn səmɔʼ nə wùə èfɨ̀aʼa pâʼà tyəmə̂ tsɛ̂ pɛ̀ èfɨ̀aʼ ə vəyn, ndùətom e tsɛ̀ va wùə vɛ ə è tom vəyn.

Njɔyn 15:20

Kə ghàyn tə lɛse èghɛ zɛ ə m tè zaʼle sê ghàyn nə, ‘Wùə èfɨ̀aʼa pâʼà tyəmə̂ tsɛ̂ pɛ̀ èfɨ̀aʼ ə̀ vəyn.’ Ə nyi mə ə tə tsə̀fsè mi, ə nə tsə̂fsè kepî ghàyn zâ. Ə nyi mə ə tè zɨte zaʼlê zɨmze, ə nə pɔŋ zɨte zaynze.

Njɔyn 16:12

M nyîə pa kyi ə̀ghɛ se pì sê ghàyn ghe tsɨ̀ə kə nyi, pîza mə ghàyn zɨ zôyn, ə ghə tsɨə tsɛ̂ ghàyn.

Njɔyn 17:26

Mə nə̀yn kə ghənə ke èzə Zɛze, mə M nə̀ ndûə kə shi sə̂ nə̂ nyiə mə endom kə kɔ̂ŋ zɛ ə Ò kyi sê Mi ə nyi se ghənə, kə Mi è ngɨŋ Zɨ̂mzè ə pɔŋ nyi ghasè ghənə.”

Njɔyn 20:17

Njisə̀s ə pìə sê vəyn nə, “Kə ò kom mi kûmə̀ nə m pâʼà nyìəm ndu sê Pɨ̀a Vɨ̂mvè. Pɨl ndù sê chùmtè èpàm sɨmse, ə ghɔnyì ghɨmə ə tsà se ghənə nə M kɛsə̂ ndùə sê Pɨ̀a Vɨ̂m vɛ ə̀ nyì kepî Pɨ̀a vâynvè. È nyi Fèzhə̀ fɨmfe, ə̀ nyi kepî Fèzhə̀ faynfe.”

Njɔyn 4:19

Kə wùzhɔyn ə̀təyn zɨ zâ, ə pìə sê Njisə̀s nə, “Mə fe nə ò nyi Fɨ̀aʼtè.

Njɔyn 8:26

Ghɛ tsɨ̀ə kə nyi kə M kàʼa ə M pi kûmə̀ ghàyn, fɨnə tsɨ̀ə kəpi kə M kaʼa M pi nə ghàyn ə nə̀yn pofsê. Vɛ ə È tom Mi nyi Wùə səmɔʼ. Ghɛ ghɛ M tsâ sê ghàyn fa mbi nyi ke ə̀ghɛ ghɛ M zɨ sê Vəyn.”

Ətefɨ̂aʼ 20:27

kûmə̀ nə m tè pâʼà ndə̀tè nâʼà èghɛ zhize sê ghàyn kûmə̀ èghɛ zɛ ə Zhə̀fè kyiŋə se nə̀yn.

Ŋwàʼlè ə̀ Pɔ̂l sê ghɨə Lûmghè 7:15

M paynse tɔʼ keva ghɛ zɛ ə m nə̂. Ghɛ ghɛ m kyiŋə se nə̀yn, m nə̂ va ghəynghe. Ghɛ ghɛ ə m pâynə̀ ə̀ nyi ghəynghe ə m pɨlə nə̂.

1 Kɔlìŋ 2:16

kè kə nyi mə ə nyàʼ ə ŋwàʼlè ə Fèzhə̀ nə, “Ə̀ ke nde kwaʼtè ə Fezhə̀ zə? Ə̀ kàʼa ə̀ fo nde təftêzè sê Zhə̀fè?” Pîza ghâsènì kwàʼtə̀ endom vɛ ə Klâys kwàʼtə̀ ətəyn.

Ngàleshyà 4:6

Kə ghàyn se nyi ə̀ghɔyn sê Zhə̀fè, fə fo Zuʼsə Va vəynse ə ghâsènì ətəm, Zuʼsə təynse e pɨa wâmnə̀ è kyə̂ ètɛ tɔŋtə̂ Fèzhə̀ nə, “Pàpa, Pàpa vɨm.”

Ɛfesùs 1:9

Zhə̀fè ə nə̀yn nə ghâsènì ke ghɛghe mə Fe ə tè pɨaʼte, ə̀ ke ke Fəynfe. Fe tè nəyn nyi kûmə̀ nə Fe ke kə ə̀ghɛ ə̀kɨ̂m. È tè pɨaʼte əghɛ nə ghɨynə nə ghe kyayn tɔynə̂ ə Klâys, mə ə̀ kɔ̀ŋ ke vəyn nə ze ə nyi endom nə vɨ̂yn.

Ɛfesùs 3:5

Ə̀ nyi ə̀ghɛ ndɔ̀ʼɔ fe tyəyn sê ghɨ shiə kə è tyə̀yn paynse zôyn sê ghɨətom eŋwaʼ ə vəynghe è fɨ̀aʼtèsè tɔynə̂ ə Sezuʼ se Ŋwaʼa sə vəynse.

Kòlosè 1:26

Nâʼà epàm ə sepìŋ se tsɨəse, ghɨə tè zɨə kê va tom ə̀ vəyn, pîza è və nə̀yn nə ghɨ ə vəynghe ke tom ə̀təyn ndàyn.

Filemùyn 1:16

Se zhə̀tè zôyn, è nə vachi ke tsɨ̀yntsɨ̀yn àkɔ̀s, pîza è nə nyi ànɛ̂ ve èkɔ̀ŋ ə Klâys. M nyiə kɔ̂ŋɔ̀ vəyn, pîza ò kyi sə̂ kɔ̂ŋɔ̀ vəyn tsɛ̂ kə m kɔ̂ŋɔ̀. Ò nə kɔ̀ŋɔ̀ vəyn kə akɔ̂s kɛke, è kɨsè kûmə̀ nə è nyi chùmtè ə̀ Klâys kèpî kə ghò.

Njə̂m 1:1

Ə̀ nyaʼ Njə̂m ŋwàʼlè zɨ̀nə̀, ə wufɨ̀aʼa ə Fèzhə̀, è və̂ Pɛ̂pɛ Njisə̀s Klâys. M fo pə̂ ètɔŋtê sê tâŋ tə Isìlâytè eghɨm njòse pɛ̀ tɛ ə te nyi mə te ə waŋ ndu ke mbi èkɨ̂m.

Njə̂m 2:23

Ze tè kyàyn nyi ə lwiynsə kə eluʼ ə Ŋwàʼlè ə̀ Fèzhə̀ vɛ ə ve tè pi nə, “Aplàghâm ə tə pomə̂ sê Zhə̀fè, fe ə njiə vəyn sə wùə chichi,” ə fɨnə tɔŋtə vəyn nə sô vəyn.

1 Pità 1:11

mɔ̂msə̀ se kê ashîŋə̀ ə təynke è kɨsè kə ze tə kyânə̀. Ə kɨnə nyi ashîŋə̀ kɛ ə Zuʼse ə Klâys sɛ ə se tè ndamə ə ghənə ə fètəyn tè wàmnə̀ kûmə̀ kəynke, mə se tè pìə nə Klâys nə̀ tɔynə̂ ə sèngəʼ è kɨsè zɛ ə ze tə pə̂ ə ze ə nyi epàmə̂ təyn.

2 Pità 1:1

Ə̀ nyâʼà mi Shimùyn Pità ŋwàʼlè zɨ̀yn. M nyi wufɨ̀aʼa ə Njisə̀s Klâys fɨyn nyi kepî wùətom ə̀ vəyn. M nyâʼà ŋwàʼlè nə zɨ̂yn sê ghàyn ghɛ ə ghàyn pomə sê Njisə̀s Klâys kèpi kə ghàs. Njisə̀s Klâys nəyn nə ghâsènì kyi kyî epomə̂ nə zɨ̂nə̀ kûmə̀ nə è nyi chichi kə Fezhə̀, ə nyi vəyn vɛ ə ghâsènì kɔʼsə, è nyi sɔ̀zà ə̀ ghâsènì.

Njût 1:1

Ə̀ nyâʼà mi Njût ŋwàʼlè zɨ̀yn sê ghàyn. M nyi ànyìə Njə̂m, nyi wùə èfɨ̀aʼa ə̀ Njisə̀s Klâys. M nyâʼà zɨ̂ynzè sê ghàyn əkɨ̂m ghɛ ə Zhə̀ fɛ ə fe nyi Pɨ̀a nyi mə fe ə tɔŋə̂. Fe nyîə kɔ̂ŋə̀ ghàyn ə ndə̀mə̀ ghàyn nə Njisə̀s Klâys ə tɔ̂ʼnə̀ è ghàyn.

Etyə̂yn ə paynsêzè 1:1

Ə̀ fâ ŋwàʼlè nyi əghɛ ghɛ ə Njisə̀s Klâys tè tyə̀yn paynsê se Njɔyn. Zhə̀fè tè fo əghɛ ə tyə̂nə̀ paynsə̂ nə ghɨnə̀ sê vəyn nə è tyəyn sê ghɨ ə fɨaʼa vəynghe kə ghənə nə ke ə̀ghɛ ghɛ ə ghe nyi se nə kwùʼə kyàyn. Ə̀ tè nyi kə è kyiŋə nə ə ke ə̀ghɛ nə ghɨ̂nə̀, è və tomə tsì ə̀ vəyn sê Njɔyn, ə̀ nyi kepî wùə è fɨ̀aʼa ə vəyn vîvè.