Njɔyn 15:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ M tsâ ə̀ghɛ nə ghɨ̂yn sê ghàyn kə ghàyn ə kyi kepî esaŋnê zɛ ə M kyi, ə nyi esaŋnê mə ze ə lwiyn kwəyn.

Njɔyn 15:11 ပူးပေါင်းရင်းမြစ်များ

Tom èchùŋ kè kə Lûk tè nyaʼ 15:23

ə fɨnə piə sê ghənə nə, ‘Ghàyn nə ə ghàyn pə̀yn è zaʼ kɛ ə ke ghaʼa kwûŋsə̀ za ə kàyte, ə ghâsènì zhi tuʼ fɨ̂nə ndàyn, è saŋnêzè.

Tom èchùŋ kè kə Lûk tè nyaʼ 15:32

E fè nə̂ tsɔ̂fə̀ kə nâʼà se nə̀yn etuʼ e ghaʼa vɨ̀nə, se zhi. E tè se kyaʼà kə ànɛ̂ vɨ̀nə kwu ndo, è nə nyi zôyn nyi, nyi kə nâʼà etwɔ. M tè nyi mə mə ndə̀m ndù ke nə è və njìsè, è vɛ è kɛse pə̀yn. Ò piə nə kə ghâsènì ə saŋnə ə?›”

Tom èchùŋ kè kə Lûk tè nyaʼ 15:5

Ə è fe, ə è və saŋnə nâʼà àchûŋ, ə è pɨaʼa ə è ndəm ə və mbɨ̀aʼà

Tom èchùŋ kè kə Lûk tè nyaʼ 15:9

Ə è fe pi ashìŋə̀ àkè, ə è tɔŋne soyn sə vəynse è kɔtə vəynte ə è pi sê ghənə nə, ‘Ghàyn pə̀yn ə ghâsènì ə saŋnə kûmə̀ nə mə fe kɛ vɨm vɛ ə ve fè njisə̀.’

Njɔyn 16:24

Se zaʼâ zôyn, ghàyn pâʼà pfɨf fɨa kyîke ə Mì ezə. Ghàyn pfɨf, kə ə fo sê ghàyn, kə saŋnê zaynze ə nyi mə zə lwiyn kwəyn.”

Njɔyn 16:33

M tsayn əghɛ nə ghɨ̂yn sê ghàyn nyi kə ghàyn faŋ sê Mi, ə kyi pɔ̂ynè. Mbi tə nə̂ ə ghàyn zɨ ngəʼ, pîza ghàyn kol təmə, Mə tɛ ghaʼ mbi.”

Njɔyn 17:13

M pə̂ se Ghò zôyn, pîza M pîə ə̀ghɛ ghɨ̀yn mə M pa nyi ə mbi, kə ghənə tə kyî èsaŋnê Zɨm zɛ ə ze nyi mə zə lwiyn ə ghənə ə fètə̂ ə̀təm.

Njɔyn 3:29

Wùə vɛ è malə wùə zhɔyn nyi vɛ ə è kyi zhwîə ə̀təyn. Pîza so ə̀ ndom ə̀ wùzhɔyn vɛ ə è tyəm lɨmtə̂ nyîə saŋnə nâʼà sə ŋaŋ ezhoghɛ è zɨ kyə̀ ə̀ ndom ə̀ wùzhɔyn. Ə̀ za nyì kepî zamə kə saŋnê zɨme nyi mə zə lwiyn kwəyn.

Ŋwàʼlè ə̀ Pɔ̂l sê ghɨə Lûmghè 15:13

Ə Zhə̀fè mə za nyi eluʼ vɛ ə kwâʼtèzè ndò pə̂ ətəyn, lwiynse ghàyn è saŋnêzè ekɨ̂m, ə ghàyn ə nyi è pɔ̂ynè kûmə̀ èpomə̂ zaynze sê vəyn. Zɨnə mə tə nə̂ ə pomə̂ zaynze ə ndəmə̂ ndûə kə èshike atyaʼ ə Sezuʼ se Ŋwaʼake.

2 Kolìŋ 1:24

Ghàs mɔ̀msə̀ chîəva se ŋamnê ə ghàyn nə ghàyn pomə ghɛ zɛ ə ghàyn kɔ̀ŋə̀ va, ghàs nyîə ke nə ghàyn fɛte tyəm ndò ə ghàyn epomə̂. Ghàs pɨlə fɨaʼà è ghàyn sə ghàyn ə chùŋ.

Ɛfesùs 5:18

Kə ghàyn nə mɨ mlɨ zâ m̀ ko ghàyn kûmə̀ nə lɨ̀m pə̀ kə è ndamə nyâmfèkàʼè. Ghàyn pɨl za ə Zuʼse Ŋwaʼase lwiynse təm ghaynghe.

Filìpây 1:25

M ke kol ndò ghɛ zɨ̀yn, ə za nyi eghɛ zɛ ə ze nə̂yn nə pəyn m mə nyi è ghàyn əkɨ̂m kə m tsamte ə ghàyn ndəmə̂, saŋnə̂ ə ghàyn ekyî epomə̂zè.

1 Tèsàlonikà 5:16

Ghàyn e sɨŋə shîŋə̀ tekɨ̂m,

1 Pità 1:8

Ghàyn nyîə kɔ̂ŋɔ̀ vəyn pi kə ghàyn tàʼa tyəmə fe vəyn, ghàyn e fɨnə pomə sê vəyn, fe pî va vəyn zôyn. Ghàyn e saŋnə nâʼà sə ŋaŋ, endom e kayntə vîve mə wùə vayn kàʼa è tsayn.

1 Njɔyn 1:4

Ghàs nyàʼà ə̀ghɛ nə ghɨyn sê ghàyn nyî kə ghe nəyn, ə ghâsènì kyi saŋnê zɛ ə ze kwəynə.

2 Njɔyn 1:12

M kyi əghɛ se pì sê ghàyn, ghe tsɨ̂ə kə nyî, pîza kɔ̂ŋɔ̀ va se nyàʼ ndò. M pɨlə kwâʼtə̀ se pə fe ghàyn shwi m̀shwi kə saŋnê ə ghasènìze ə nyi mə zə kɔʼ kwəyn.