Njɔyn 15:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Ə ghàyn ndə̀mə̀ lwɔ̂ŋ vɨmve, M mə pa kɔ̂ŋɔ̀ kə ndò ghàyn. E nyi kepî èghɨ kə M ndəmə̀ lwɔ̂ŋ ə Pɨ̀a vɨ̂mvè, è pa kɔ̂ŋɔ̀ kə ndò Mi.

Njɔyn 15:10 ပူးပေါင်းရင်းမြစ်များ

Njɔyn 10:18

Wùə vîvè va ə è kàʼa è nji tsɨsè èndam zɨme se Mi. Ə̀ kɔ̀ŋɔ̀ kə nâʼà Mi se kwu. M nyîə kyi àtyaʼ se fo endam Zɨme, fɨyn kyi àtyaʼ se kɛsə fiə pə̀yn. Ə̀ zɨnə nyi eghɛ zɛ ə Pɨ̀a nyi mə È və fo tyaʼa nə Mə nə̂.”

Njɔyn 12:49

Zɨnə nyì səmɔʼ kûmə̀ nə M tè paʼà wàmnè ə Mì atyaʼ pîza Pɨ̀a vɛ ə È tom Mi nyîə tsâ èghɛ zɛ M kyi se pì.

Njɔyn 14:15

Njisə̀s ə pìə kwəynsə̂ nə, “Ə ghàyn kɔ̂ŋɔ̀ mi, ə ghàyn ə ndə̂mə̀ tèsaʼ tɨmte.

Njɔyn 14:21

Ghɨ ghɛ ə pomə lwɔ̂ŋ vɨmve ndə̂mə̀ vəynve, ə ə̀ nyi ghɛ ə kɔ̀ŋə̀ Mi. Pɨ̀a vɨm tə kɔ̂ŋɔ̀ ə̀ghɨ ghɛ ə ghe kɔ̂ŋɔ̀ Mi, M mə pɔŋɔ kɔ̂ŋɔ̀ ghənə ə M tyəyn paynsê ngɨŋ zɨ̂mzè sê ghənə.”

Njɔyn 14:23

Njisə̀s ə pə̀ynsə̀ sê vəyn nə, “Ghɨ ghɛ ə kɔ̂ŋɔ̀ Mi nə̀ ndə̂mə̀ tè zaʼlê tɨmte. Pɨ̀a vɨm tə kɔ̂ŋɔ̀ ghənə, ə Pɨ̀a vɨm è Mi tə pəyn se ghənə ə ndam ghasè ghənə.

Njɔyn 14:31

pîza ghɨ mbiə e kyi sə̂ ke nə m kɔ̂ŋɔ̀ ndò Pɨ̀a, nə̂ kə èghɛ zɛ ə è pì nə mə nə̂. Ghàyn pəyn ə ghâsènì ndo fa elùʼ.”

Njɔyn 17:4

Mə tè fo pomsê ekayntəze sê ghò ə chi, mə mɨ̂sè fɨ̂aʼ kɛ ò tè fo nə M nəyn.

Njɔyn 4:34

Njisə̀s ə pìə sê ghənə nə, “Fɨazhiə vɨmve nyi se nə̀yn efɨaʼ ə Vɛ ə È tom Mi nə M nəyn è kɨsè se mɨsè efɨ̂aʼ zɛ ə È tom nə M pəyn nəyn.

Njɔyn 8:29

Vɛ ə È tom Mi nyi ghasè Vəyn, È paʼà zà Mi Mî nɨŋ kûmə̀ nə M zâŋsə̀ nə̂ kə èghɛ zɛ ə È kɔ̀ŋə̀.”

Njɔyn 8:55

Pî kə ghàyn ke va Vəyn, pîza M ke Vəyn. Ə M pi nə M ke va Vəyn, ə Mə nyi kepî wùə àkaŋ kə ghàyn. Pîza M ke ndô Vəyn nə̂ ə̀ghɛ ghɛ ə È pìə.

1 Kɔlìŋ 7:19

E za nyi nə kə se namə wûəghè kɨ̀sə tàʼa se, kiva ghɛze se nə̀yn. Ghɛ e tɛze nyi ke sə̂ ndə̂mə̀ alàŋ ə Fezhə̀kè.

1 Tèsàlonikà 4:1

Se mɨsè ə ghɔnyiə, ghàyn tè zaʼle sê ghàs ndom vɛ ə kaʼa ndamə ətəyn se nə̀yn nə Zhə̀fè ə saŋnə̂. Səmɔʼ ə̀ vɨnə mə nyi ke nâʼà èndom vɛ ə ghàyn ndamə ətəyn. Ghàs chyatə̂ ghàyn zôyn nâʼà sə ŋaŋ, ezə ə Pɛ̂pɛ Njisə̀szè nə ghàyn fɨyn nəyn tsɛ za.

Ipilù 7:26

Ə̀ nyì ke Njisə̀s wùə kɔʼsə nə èshyə̀ èngaŋtə kwəynə vɛ ə è kwuəynə se tsàmtə ghâsènì. È nyiə nyi èŋwaʼze, kyi va tsasze, zo, ndɔ̀ʼɔ è tyəm nəyn pi mə Zhə̀fè ə fɨse vəyn əfètəyn ə̀ ghɨ̀ ə pighe ə njì kɔʼɔ è vəyn ekwùtwəyn.

2 Pità 2:21

Ə ze nyi nyî, ə nyi mə e tè pɨlə tsɔ̂fə̀ nə ghənə tàʼa ndə̀ʼə kê endom ə chichive səkɔs, tsɛ̂ kə ghənə ke, ə fɨyn kɛse ə zɨə va saʼe eŋwaʼ zɛ ə tè fo sê ghənə.

1 Njɔyn 2:3

Ə ghâsènì ndə̀mə̀ lwɔ̂ŋ ə Fezhə̀vè, ə zə nyi səmɔʼ nə ghâsènì nyîə ke Fəynfe.

1 Njɔyn 2:5

Pîza mə ə ndə̀mə̀ pîndè ghɛ zɛ ə fe piə, ə kɔ̂ŋ zɛ ə è kyi sê Zhə̀fè ə nyi mə zə lwiyn kwəyn. Ə̀ za nyi endom vɛ ə ghâsènì ke ətəyn nə ə nyi sə afɨa amɔ̀ʼ ghasènìə ghə̀ Zhə̀fè.

1 Njɔyn 2:6

Ə̂ pìə pîndè nə zhi nyi sə “Afɨa àmɔ̀ʼ” yî Zhə̀fè, ə è və kyi sə̂ kwîə ə Njisə̀s Klâys ə tendom.

1 Njɔyn 5:3

Ə ghâsènì fɛtə kɔ̂ŋɔ̀ Zhə̀fè, ə ndə̀mə̀ elwɔ̂ŋ ə vəynve. E tɛ va se ndə̀m ə elwɔ̂ŋ ə vəynve,

Etyə̂yn ə paynsêzè 22:14

Saŋnêzè nyì sê ghɨ ghɛ ə ghe ndə̂mə̀ lwɔ̂ŋ ə vəynve, kə ghənə ə kyi èndom se zhi ə fekàʼ fə endaməfe, è kɨsè se tsɛ̀ echô mbàyn se njiə ndù ə tɔ̂ŋ èghaʼâ.