Njɔyn 15:1 - Ŋwàʼlè ə̀ Fèzhə̀ Mkâyn Mə̂ Fèm

¹ Njisə̀s ə tè pì nə, “M nyi kàyntə̀ fèkàʼ fə etwɔmfe, Pɨ̀a vɨmve nyi pɛ̀ àfùʼ.

Njɔyn 15:1 ပူးပေါင်းရင်းမြစ်များ

Matyò 15:13

Njisə̀s ə pə̀ynsə̀ nə, “Nâʼàpî fèkaʼ fèkè fɛ ə Pɨ̀a vɨm vɛ è nyi ekwùtwəyn tàʼa zho, ə nə̀ chɔʼɔ fɨsə̂ fəynfe.”

Matyò 20:1

Njisə̀s ə mɛ̀ ngàyn nə, “Fɔ̂yn ə Fezhə̀vè nyì kepî kə pɛ̀ àfùʼ vîvè ə è tè pɨs fɨ se ndùə kyiŋə əghɨ nə ghe səʼ fɨaʼ ə və afùʼ etwɔmke.

Matyò 21:33

Njisə̀s ə fɨnə pîə nə, “Ghàyn zɨte kwəynsê ngàyn ə̀ mɔʼɔ̂, ‘Wùə vîvè tè kyi eluʼ ə zho ètwɔm ətəyn, ə lò kyîŋə̀ nga mbàyn ə̀təyn, ə tɨmə èpə zɛ kə ə nûʼə̀ ètwɔm ətəyn fɛtə mlɨ̂, ə pɛ àpfɨ̀ə e tsɨ̀ŋnəke əfètə̂ àfùʼ ə ke fo afûʼ ətəynke sê ghɨ nə fɨaʼà, chyâtə̀ fo vəyn è fɨa vɛ ə ve fɨə ətəyn, ə ndò ndûə èkwî.

Ŋwàʼlè ə̀ Mâk 12:1

Njisə̀s ə zhə̀tə̀ sè mɛ̀ sengàyn pîə nə, “Wùə vîvè tè chwî afûʼ etwɔm ə ngɨ̀lêp ə vəynke, ə tɨmə kyîŋə̀ nga è mbàyn, ə tɨmə èpə eghaʼâzè kə ə nûʼə̀ ètwɔm ətəyn fɛtə m̀lɨ̂, ə fɨnə tɨmə àpâŋ ə tsi əfètə̂ àfùʼ ə ke fo afûʼ ətəynke nə ghɨghe ə fə̂, chyâtə̀ fo vəyn è fɨa vɛ ə ve fɨə ətəyn. È və fo za ə ndò ndûə èkwî endaʼ zhîze.

Tom èchùŋ kè kə Lûk tè nyaʼ 13:6

Njisə̀s ə mɛ̀ ngàyn zɨ̀yn sê ghənə nə, “Wùə viu tè kyi fekâʼ fə fîkfè kə è zho ə və afùʼ sè ndùə kə shîŋə̀ tekɨ̂m se fe nə twɔmve ə mu ətə ə, pîza fe va tamke ətəyn nâʼà səkɔs.

Njɔyn 1:17

Zhə̀fè tè fo alâŋ tɔynə̂ ə Mosîs, pîza fùʼkè è səmɔʼ ə pə̀ tɔynə̂ ə Njisə̀s Klâys.

Njɔyn 1:9

Kyə̀ nə zɨnə tè nyì kàyntè èpayn zɛ ə ze tyə̂ payn sê ghɨ ghəkɨ̂m. Ə̀ tè nyi Vəyn vɛ ə è tè pəyn ə mbi.

Njɔyn 15:2

È tsɔynə màʼa nâʼàpî ngɔyn èkè ə Mì ewìyn zɛ ə è muə va twɔmve, fɨnə chɔʼtə̂ tsɨsə̀ sèngɔyn sɛ ə se muə va twɔmve, kə fə zo kɛsə̂ muə ètwɔm etsɨəve

Njɔyn 6:32

Njisə̀s ə pìə sê ghənə nə, “M pîə sê ghàyn səmɔʼ nə, ə̀ vachi Mosîs ə è tè fo payn ə kwaŋ kɛ ə ke ndô pə̂yn ekwùtwəyn se ghàyn, ə̀ nyi Pɨ̀a Vɨ̂mvè ə è fo kàyntè àpayn ekwùtwəyn.

Njɔyn 6:55

Kûmə̀ nə wiyn vɨm nyi kàyntè àpayn ə kwaŋke, ndə̂m mə̂m me nyi kàyntè afɨa ə mɨəke.

Ŋwàʼlè ə̀ Pɔ̂l sê ghɨə Lûmghè 11:17

Ə fɨaftə̂ sèngɔyn sə fekàʼ fə olìf fɛ ə nyi mə ə zho ndô, ndûə pasə̂ ewìyn ə fekàʼ fə olìf fɛ ə fe nyi ə mbvɨyn mə fe tsɨ̂yn ndəmə ke sə fəynfe ə ngɨŋ. Ghàyn ghɨ ghɛ ə̀ vachi ə̀ghɨ ə Njûsghè nyi kə sengɔyn sə fekàʼ fɛ ə fe ndəmə ə mbvɨyn mə fe kyîə kəpi m̀mo mə m̀ ndò pə̂yn ətə̂ tèghàŋ tə fekàʼ fechûŋfè.

1 Kɔlìŋ 3:9

Ghàs tsɨ̀yntə̀ fɨaʼà kə sê Zhə̀fè əkɨ̂m. Ghàyn nyì ke kə afûʼ ə Fezhə̀kè fɨyn nyi ke kə ndɛ̂ zɛ ə Zhə̀fè pɛ.

1 Njɔyn 2:8

Pîza lâŋ nə kɨ̂yn ə m nyâʼà sê ghàyn ndam nyi ke àfe, mə səmɔʼ zɛ ə è nyì famə ətə̂ àlâŋ nyi mə fe tɔynə̂ Klâys endam, è kɨsè ətə̂ zaynze. Zɨnə mə nyi kûmə̀ nə lɨmke ə ndò ndu, payn ə səmɔʼ zɛ ze kâynè zhə̂tè se payn.