Njɔyn 14:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Njisə̀s ə pə̀ynsə̀ pfɨfə nə, “Piə e za nyi nə mə ndam ghâsènì sə aghaf nyî ə Filìp, ò ke va Miə? Nâʼàpî ndè vɛ è nyi mə è və fe mi, nyi mə è və fe Pɨ̀a, kûmə̀ ghè ə ghàyn fɨnə pîə nə, ‘Tyə̀yn Pɨ̀a sê ghàs ə?

Njɔyn 14:9 ပူးပေါင်းရင်းမြစ်များ

Ŋwàʼlè ə̀ Mâk 9:19

Njisə̀s ə pìə sê ghənə nə, “Ə̀ fɨnə nyi feghâŋ fèkè ə fe làʼà pomə̂zè nyiə ə? M nə̀ kolə zaʼâ zàyn təmə ghâsènì ə? Pə̀yn è va ətəyn sê mi.”

Tom èchùŋ kè kə Lûk tè nyaʼ 12:56

Ghàyn ghɨ ghɨ̀nə̀ ə ghàyn kaŋkaŋa nə̂ ghɛ nyi! Ghàyn ke sə̂ fɨə tyəmə naynə̂ kə àpɨəyn, ghà tsà eghɛ zɛ ə ze nyi se kyàyn, ze ə kyànə̀ kə zâ. Kûmə̀ ghè ə ghàyn fe kê va ghɛ ghɛ ə Zhə̀fè nə̀ zo ə?

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Njɔyn 10:30

Pɨ̀a è Mi nyi ke sə eghɛ èmɔ̀ʼ.”

Njɔyn 12:45

Ə̀ fe pindè mi, ə ə̀ nyi mə è və fe kepî wùə vɛ è tom mi.

Njɔyn 14:20

Shìŋə̀ kɛ ə tuʼfə təynfe tə pə̂, ə ghàyn ke nə M nyi ə Pɨ̀a vɨ̂mvè ewìyn, è kɨsè nə ghàyn nyi ə Mì ewìyn kè eghɨ kə M nyi ə ghàyn ewìyn.

Njɔyn 14:7

Njisə̀s ə pìə se ghənə nə, zôyn kə ghàyn ke mi, ghàyn nə̀ kê kəpî pɨ̀a vɨ̂mvè, mə se zhə̀tè zôyn se ndù əshi ghàyn ə fe Vəyn, ə kê Veyn.”

Njɔyn 8:19

Ghɨ ə Falàsî ghə ke pfɨf sê Vəyn nə, “Pɨ̀a Vɛ̂ vàyn?” Njisə̀s ə pə̀ynsə̀ sê ghənə nə, “Ghàyn ke va Mi, ke va Pɨ̀a vɨm. Ə ghàyn fe ke Mi, mə ghàyn ke kepî ndò Pɨ̀a vɨ̂mè.”

1 Kɔlìŋ 15:12

Zôyn kə tom zâszè se nyi nə Klâys ə tə zòmə̀, ghàyn yîghe kaʼa pi zayn nə ghɨ ghɛ ə nyi mə kwu tə zômə̀ va?

Filìpây 2:6

È tè nyì ke kə Zhə̀fè nyi, pîza ə tàʼa njìə kɔʼsê ə ngɨŋə̂ Vəyn se mɔ̀msè sə nyi èghɨ yî Zhə̀fè.

Kòlosè 1:15

Wùə vîvè paʼà tyəmə̂ fe Fèzhə̀ è shiə vəynghe. Pîza ghɨghə tə ke Zhə̀fè kə ghənə tè fe Klâys kûmə̀ nə è nyi afusè ə Fezhə̀kè.

Ipilù 1:3

Va vəyn nə vɨ̂yn panə kə epomsê ə Fezhə̀zè, nyi ke èghɨ kə Fèzhə̀. Tɔynə̂ ə vəyn ewàmnè zɛ ə ze nyi, è və nə̀yn nə ghɛ ghɛ ə ghe nyi ə nyi ndu kendò. Ə̀ tè nyì kə è nə̀yn nə ə lɛse fo sèpi sə ghɨ̀sè, è və tsɨsə̂ ə Zhə̀fè ekɔyn etwɔve ekwùtwəyn, ə fɛ ə fe kyi kàyntè àtyaʼ.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.