Njɔyn 14:27 - Ŋwàʼlè ə̀ Fèzhə̀ Mkâyn Mə̂ Fèm

²⁷ Pɔ̂ynè nyi afɨa kɛ M zâ sê ghàyn, ə nyi zɨ̂mè nə pɔ̂ynè zɛ M fo se ghàyn. M fo va zə̂yn sê ghàyn endom vɛ ə mbi fo ətəyn. Kə ghàyn ə kyi èfɨmsê, kə ghàyn ə fânə̀.

Njɔyn 14:27 ပူးပေါင်းရင်းမြစ်များ

Matyò 10:26

“Kə ghàyn fɨyn fayn əghɨ msɔ̀ŋghe kûmə̀ nə ghɛ zhize va ə ndətə̀ ə ze tə faŋə se fɨ ə ndayn. Nâʼà pîghè vɛ ə ndətè, ə tə kê.

Tom èchùŋ kè kə Lûk tè nyaʼ 1:79

È kyiŋə se nə fo epayn sê ghɨ ghɛ ə ghe tsɨs ə fɨtə̂ àlɨm, nyɨ̂ŋsè ekwuke e paʼsə̂ sê ghənə, se fɨnə tyəyn endom epɔynəve sê ghâsènì.”

Tom èchùŋ kè kə Lûk tè nyaʼ 10:5

Ə ghàyn ndù nji naʼapi apɨəyn àkè, ghà tɔŋtə əghɨ təynghe sə shi ə piə nə, ‹Zhə̀fè fo pɔ̂ynè sê ghàyn əkɨ̂m fà apɨəyn.›

Tom èchùŋ kè kə Lûk tè nyaʼ 12:4

M piə sê ghàyn ə soyn sɨmse nə, kə ghàyn ə fanə ghɨ ghɛ ə kàʼa ə zhwi ke àchaʼ ewiyn a wûəkè, pîza kyi va nâʼà èghɛ e tətə̂e se fɨnə nə̀yn èpam ətəyn.

Tom èchùŋ kè kə Lûk tè nyaʼ 2:14

“Pomsêzè sê Zhə̀fè elùʼ engaŋtəve ekwùtwəyn, pɔ̂ynè e nyi ə chi sê ghɨ ghɛ ə È kɔ̀ŋɔ̀!”

Njɔyn 14:1

Njisə̀s ə pìə sê chùmtè èpàm sə vəynse nə, “Kə ghàyn ə fɨmsə̂ sèngɨŋ saynse. Ghàyn pomə sê Zhə̀fè, ə fɨyn pomə̂ kepî sê mi.

Njɔyn 16:33

M tsayn əghɛ nə ghɨ̂yn sê ghàyn nyi kə ghàyn faŋ sê Mi, ə kyi pɔ̂ynè. Mbi tə nə̂ ə ghàyn zɨ ngəʼ, pîza ghàyn kol təmə, Mə tɛ ghaʼ mbi.”

Njɔyn 20:19

Ə̀ tè nyì ke fumə ə fetuʼ, ə Sɔndè ezhwikwɨləke, chùmtè èpàm sə Njisə̀sè ə zùŋtə̀ ə ndɛ ə fà ècho ə ndɛve kûmə̀ nə ghənə tè nyîə fânə̀ ə̀ghɨ Njûsə̀. Njisə̀s ə pfɨ̀ŋə̀ tyəmə̂ kə ə ghənə əfètəyn ə pìə nə, “Ə pɔ̂ynè ə nyi sê ghàyn.”

Njɔyn 20:21

Njisə̀s ə pìə kwəynsə̂ sê ghənə nə, “Ə pɔ̂ynè ə nyi sê ghàyn! M tomə ghàyn kèpî kə Pɨ̀a Vɨ̂mvè tè tom Mi.”

Njɔyn 20:26

Epàmə̂ ngàm, chùmtè èpàm sə Vəynse e sè fɨyn tsɨs kepî ə ndɛ yî ghə̀ Tɔ̀mɔ̂s, mə ə kyɨ̀ŋ fa chondɛve, Njisə̀s ə pfɨ̀ŋə̀ tyəmə̂ ə ghənə əfètəyn, ə pìə nə, “Ə Pɔ̂ynè ə nyi sê ghàyn.”

Ətefɨ̂aʼ 10:36

Ghàyn nyiə ke tom zɛ ə Zhə̀fè tè tom sê ghɨə Isìlâyghè, ə̀ nyi tom èchùŋ zɛ ə è pə̀ è pɔ̂ynè tɔynə̂ ə Njisə̀s Klâys. Njisə̀s nə vɨ̂yn nyi Pɛ̂pɛ sê ghɨghe əkɨ̂m.

Ətefɨ̂aʼ 18:9

Ə tè nyi ètuʼve tuʼ fîfe, Pɔ̂l ə fe ə̀ghɛ ətelaynəlayn, Pɛ̂pɛ ə pìə sê vəyn nə, “Kə ò fayn ghɨ ghɨ̀yn, ò wâmnə̀ kə ndò sê ghənə,

Ŋwàʼlè ə̀ Pɔ̂l sê ghɨə Lûmghè 1:7

M nyâʼà ŋwàʼlè zɨ̀yn sê ghàyn əkɨ̂m endaʼ ə Lûmzè, ə ghàyn ghɛ ə Zhə̀fè kɔ̀ŋɔ̀, nyi mə Fe ə tɔŋɔ nə ghàyn ə nyi ə̀ ghɨə Vəynghe. Ə Zhə̀fè, Pɨ̀a sê ghâsènì yî Pɛ̂pɛ Njisə̀s Klâys, fo ghàyn fùʼkè è pɔ̂ynè.

Ŋwàʼlè ə̀ Pɔ̂l sê ghɨə Lûmghè 15:13

Ə Zhə̀fè mə za nyi eluʼ vɛ ə kwâʼtèzè ndò pə̂ ətəyn, lwiynse ghàyn è saŋnêzè ekɨ̂m, ə ghàyn ə nyi è pɔ̂ynè kûmə̀ èpomə̂ zaynze sê vəyn. Zɨnə mə tə nə̂ ə pomə̂ zaynze ə ndəmə̂ ndûə kə èshike atyaʼ ə Sezuʼ se Ŋwaʼake.

Ŋwàʼlè ə̀ Pɔ̂l sê ghɨə Lûmghè 5:1

Nyiəmə kə pomə ghasènìze nyi mə zə nə̀yn ghâsènì è nyi chichi ə Zhə̀fè əshi, ghasènìə ghə̀ Zhə̀fè nyi èpɔynè. Ə̀ nyi Pɛ̂pɛ ə ghâsènì Njisə̀s Klâys ə È nə̀yn nə ghâsènì ə nyi è pɔ̂ynè ghasènìə ghə̀ Zhə̀fè.

Ŋwàʼlè ə̀ Pɔ̂l sê ghɨə Lûmghè 5:10

Pi kə ghâsènì tè nyi se pàyn sə Fezhə̀sè, È və pa nə̂ kə ndò nə ghâsènì ə nyi choze emɔ̀ʼ è vəyn, kûmə̀ èkwu ə Vâ vəynze. Kə ghâsènì se nyi choze mɔ̀ʼ ghasènyìə ghə̀ Zhə̀fè, kə Vâ Vəyn nyi etwɔ, ə̀ tə nə ə nyi ə mɨ̀se ə È sɔza ghâsènì.

Ŋwàʼlè ə̀ Pɔ̂l sê ghɨə Lûmghè 8:6

Ə wùə ndə̀m təm ə vəynghe əghɛ ə senjà se wìynse, ə è tə kwu. Pîza ə wùə ndə̀m təm ə vəynghe ətə ə̀ghɛ ə sezuʼ sə Fezhə̀sè, ə è tə kyî èndam zɛ ə ze tə mîə va è kɨsè pɔ̂ynè.

1 Kɔlìŋ 1:3

Ghàs tsə̀mə̀ nə Zhə̀fè pɨ̀a ghâsènì, è Pɛ̂pɛ ə ghâsènì Njisə̀s Klâys fo ghàyn fùʼkè è pɔ̂ynè.

Ngàleshyà 1:3

Ə Zhə̀fè, Pɨ̀a yî Pɛ̂pɛə ghâsènì Njisə̀s Klâys fo ghàyn è fùʼkè è pɔ̂ynè.

Ngàleshyà 5:22

Pîza Zuʼse ŋwaʼase muə ètwɔm echûŋvè kə, ekɔ̂ŋ, saŋnêzè, pɔ̂ynè, wəynsê ewìynze, tɔ̂ʼnə̀, nə̂ chùŋ, nə̂ ə̀ghɛ è təmghe əkɨ̂m,

Ngàleshyà 6:16

Ə Pɔ̂ynè ə Fèzhə̀ è kosê esəynze ə nyi sê ghɨ ghɛ ə chûmtə̀ zaʼlê zɨ̂nə̀, è kɨsè se ghɨ Fezhə̀ ghəkɨ̂m.

Filìpây 4:7

Ə ghàyn nə̂ nyi, ə Zhə̀fè nəyn ə ghàyn ə nyi è pɔ̂ynè, ə pɔ̂ynè zɛ è ngaŋtə tsɛ̂ ndom vɛ ə wùə m̀sɔ̀ŋ kàʼa è kwaʼte ətəyn. Pɔ̂ynè tə tsâmtə̀ ghàyn nə ghàyn ə kyi va fɨmsêzè kûmə̀ nə ghàyn nyi əghɨ ə Njisə̀s Klâysghè.

Kòlosè 1:2

Ghàs nyaʼ ŋwàʼlè nə zɨ̀yn nyi sê ghàyn ghɨə Fezhə̀ ghɛ ə ghe nyi endaʼ ə Kòlosèzè. Ghàyn nyì ghâyn ghə̀ Klâys chûmtə̀ vəyn è təm ghaynghe əkɨ̂m. Ə Zhə̀fè pɨ̀a ə̀ ghâsènì fo ghàyn èfùʼkè, è pɔ̂ynè.

Kòlosè 1:20

Tɔynə̂ ə Klâys, Zhə̀fè ə tə saynê se kɛsə pə̀yn è mbi èkɨ̂m sê ngɨŋə̂ vəyn. Zhə̀fè ə tə nə̀yn nə Pɔ̂ynè ə nyi tɔynə̂ ə Va vəyn mndəm mɛ ə m̀ tè sɨ̀sə awâmnè, ə kɛsə̂ pə̂ èfɨave ekɨ̂m se ngɨŋə̂ vəyn, ə chi è kɨsè ekwùtwəyn.

Kòlosè 3:15

Klâys ə nə̀yn ghàyn e nyi è pɔ̂ynè è ngɨŋ saynse. Nyiəmə, pɔ̂ynè nə zɛ mə kyi sə̂ chisə̂ nâʼàpî èghɛ èkè zɛ ə ghàyn nə̀. Ghàyn kyi sə̂ fo àzɔ̀ŋnè se Zhə̀fè shîŋə̀ tekɨ̂m.

2 Tèsàlonikà 1:2

Ə Zhə̀fè, ə Pɨ̀a yî Pɛ̂pɛ Njisə̀s Klâys fo ghàyn è fùʼkè è pɔ̂ynè.

2 Tèsàlonikà 3:16

M tsə̂mə̀ nə Pɛ̂pɛ è ngɨŋə̂ vəyn vɛ ə è fo pɔ̂ynè, nə è fo ghàyn pɔ̂ynè, ə è və fo ndûə kə ndò ghàyn pɔ̂ynè, kɨ̀sə ə̀ kyàyn pî ghè. Ə Pɛ̂pɛ ə nyi ghâynghə̀ ghənə əkɨ̂m.

2 Timotì 1:7

Kûmə̀ nə Zuʼ sɛ ə Zhə̀fè fo sê ghâsènì nə̀ va nə ghâsènì ə fànə̀, Zuʼ sə Fezhə̀sè pɨlə nə̂ nə ghâsènì ə nyi mə ə lwiyn kwəyn è tyaʼke, è kɔ̂ŋzè, è kɨsè sə ko kyîə sèngɨŋ sə ghasènìse.

Ipilù 13:20

M tsə̂mə̀ nə Zhə̀ fɛ ə fe fo pɔ̂ynè sê ghɨghe, ə Fezhə̀ fɛ ə fe tè kɛse nji pəyn è Pɛ̂pɛ ə̀ ghâsènì Njisə̀s Klâys mə è nyi ngyəyn èghaʼâ ə̀ sèndzè sê kwuze tɔynə̂ mndəm mə m̀kàyn mɛ ə ndamə faŋə,

Ipilù 7:2

Aplàghâm ə zûŋtə̀ èfɨa vɛ ə è kyi fi eghɔ̀ŋ ə chyâtə̀ se epɨ̀as eghɨm ə fo apâs àmɔ̀ʼ sê Mèlkisendèk. Ghɛ əshi zɛ ə zə zɨnə nə Mèlkisendèk tyə̀nə̀ nyi nə, “Fɔ̀yn ə Chichi.” È tè nyi fɔ̀yn ə Salèm, mə ze tyə̂nə̀ nə, “Fɔ̀yn ə̀ pɔ̂ynè.”.

Etyə̂yn ə paynsêzè 1:4

Ŋwàʼlè zɨ̀nə ndò sê mi Njɔyn mə è ndùə sê ndɛ sə Fezhə̀sè esɛ̀mbɛ sɛ ə se nyi ə Esiyà. Ə Zhə̀fè tyəyn fùʼ ə vəynke sê ghàyn ə è nəyn ə ghàyn ə ndamə è pɔ̂ynè. Ə̀ nyi fəynfe ə fe nyi, mə fe tè nyiə nyi, pa nyi se tə pə̀yn. Fùʼkè è pɔ̂ynè nə zɨnə ndò pəyn kepî sezuʼ sɛ esɛ̀mbɛ ə se tyəm ə vəyn ashi ə fekyə̀ fə tefɔ̀ynfè,

Etyə̂yn ə paynsêzè 2:10

Fekə! Kə ò nə fayn ètsôs vɛ ə ò njiə ndùə ətəyn. Ndə̂plè nə̂ nə ə kyi ghàyn yîghe ə ndəm ə ndɛ̂ chaʼ, ə̀ nyì ke emɔ̂m kə ze pə̂ sê ghàyn. Ghàyn nə fe ètsôs fu sə mtuʼ mghɨm. Mə ə nyi pî se zhwi ə ghàyn, ghàyn e samsə̂ kə ndò mi, ə m tə fo èndam zɛ ə ze tə mîə va sê ghàyn, ə̀ nyi àfɔ kayn kə tefɔ̀ynkè ə ke tyə̂ynə̀ nə ghàyn ə nò ə zhiə.

Etyə̂yn ə paynsêzè 21:8

Pîza sê ghɨ ghɛ ə ghe fànə è ghɨ ghɛ ə ghe tàʼa pomə sê mi, è ghɨ ghɛ ə ghe nə̂ ghɛ ə kwənəghe, è ghɨ ghɛ ə ghe zhwiə ghɨghe, è ghɛ ə ghe nə̂ ghɛ ə nyələghe, è ghɨ ghɛ ə nə̂ ghɛ pfɨtəghe, è ghɛ ə ghe ngɨmnə fɨ̂aʼsèvè, è ghɨ ə wamə nâʼà ə̀kɨ̂m, ə tə ndə̂mə̀ ghənə elùʼ vɛ ə wusve pɛ ətəyn è fɨa kɛ ə ke lɛ̂ pâŋə̀ za e tɔŋtə̂ nə sɔlfɔ̀. Kwu nə zɨnə mə nyi zɛ ə ze tə nə̂ nə te ndu tepɛ̀.”