Njɔyn 14:26 - Ŋwàʼlè ə̀ Fèzhə̀ Mkâyn Mə̂ Fèm

²⁶ Tsàmtè zɛ ə Pɨ̀a nə̀ tomə ə mi ezə, mə za nyi Sezuʼ se Ŋwaʼase, nə̀ zaʼlə̂ ghàyn è ghɛghe əkɨ̂m, ə è fɨyn nəyn ə ghàyn pɨəyte nâʼàpî ghè vɛ ə m nyi mə mə tsàyn sê ghàyn.

Njɔyn 14:26 ပူးပေါင်းရင်းမြစ်များ

Matyò 1:18

Ə̀ nyiə nyì kə piə Njisə̀s Klâyszè tè nyi. Nyìə vəyn Mèli tè nyi mə Njosɛ̀f ə fo fɨake ə tu se njiə vəyn sə zhwi, pîza tsɔ̀fə kə ghənə malə, Mèli ə pɔŋə vayn atyaʼ ə se Zuʼse Ŋwaʼase.

Matyò 1:20

Kə è kwàʼtə̀ se za Mèli, tsì ə̀ Pɛ̂pɛ ə pə̀ sê vəyn ə tsəm, ə pìə sê vəyn nə, “Njosɛ̀f, va Ndàfît, kə ò fayn se njìə Mèli sə ghò zhwi kûmə̀ nə vayn vɛ ə è pɔŋ ndo sê Zuʼse Ŋwaʼase.

Matyò 28:19

Ghàyn ndu zôyn sê ndaʼà tekɨ̂m nâʼàpî ghayn ə nəyn nə ghɨghe ə nyi sèchùmtè èpàm sɨmse. Ghàyn fo môm se ghənə ezə ə pɨ̀aze, è zə vaynze è zə ə Sezuʼse Ŋwaʼase.

Matyò 3:11

M fo m̀mo sê ghàyn è môm mə tsòm se tyə̀yn nə ghàyn ə kwiynê ə ghànə sepi. Pîza vɛ ə è pə̀ ə mì epàm nə̀ fo m̀mo sê ghàyn è Zuʼse Ŋwaʼase è wusve. È tsɛ̂ ndò mi. M kwənə pî va se pɨ̀aʼà sepfɨ sə vəynse.

Ŋwàʼlè ə̀ Mâk 12:36

Zuʼse Ŋwaʼase ə nə̀ nə Ndàfît pi nə: ‘Pɛ̂ Zhə̀fè pi sê Pɛ̂pɛ vɨm nə, Tsɨsə ə̂ mi ekɔyn etwɔve se zaʼâ kə m ndəm pàyn sɛse ə ghò etyə̂ ə̀ghòl.’

Ŋwàʼlè ə̀ Mâk 13:11

Ezhoghɛ ə kyi ndû è ghàyn elùʼ ə saʼve, kə ghàyn nə kayn mbi nə ghàyn nə̀ ndûə pîə nə ghe ə. Ghàyn pi ke èghɛ zɛ ə ze fɨ nə ghàyn pi ashìŋə̀ nə kɛ. Kûmə̀ nə ghɛ ghɛ ə ghàyn tə wàmnə̀, tə ndô pə̂ sê Zuʼse Ŋwaʼase ə̀ vachi sê ghàyn.

Tom èchùŋ kè kə Lûk tè nyaʼ 1:15

È tə nə̂ ə è və kɔʼnə̂ kə nyî ə Pɛ̂pɛ əshi. È tə nə̂ ə è və mɨə va lɨ̀m nâʼà səkɔs mə zuʼ se ŋwaʼase ə lwiyn ə və ətəm kə nyi endwɔ̀.

Tom èchùŋ kè kə Lûk tè nyaʼ 1:35

Tsì ə̀təyn ə pə̀ynsə̀ pìə sê vəyn nə, “Zuʼ se ə Ŋwaʼase nə̀ tso ə gho tu, ə tyaʼ ə Fèzhə̀ fɛ fe ngaŋte kwəyn kɨyte gho. E za tyə̀nə̀ nə vayn nə vɨ̂nə tə ndô pə̂ kə nâʼà sê Zhə̀fè. Ə tə nə̀ ə tɔŋtə̂ vəyn nə Va Fèzhə̀.

Tom èchùŋ kè kə Lûk tè nyaʼ 1:41

Kə̂ Ɛ̀lisapɛ̀t zɨ tɔŋtə̂ ə vəynze kè sə ashìŋə̀, vayn ə shiŋə ə vəyn endwɔ̀. Zuʼ se Ŋwaʼase ə lwinə ə Ɛ̀lisapɛ̀t ətəm

Tom èchùŋ kè kə Lûk tè nyaʼ 1:67

Zuʼ se Ŋwaʼase ə lwinə ə pɨ̀a vəyn Sàkàlyâ ətəm, ə̀ nə̀ è ve sè wàmnə̀ kyə̀ Fèzhə̀ piə nə:

Tom èchùŋ kè kə Lûk tè nyaʼ 11:13

Ə ghɨə piə nyiə kə ghàyn nyiə se ke se fo efɨa echûŋvè sê ghɔyn ghaynghe, ə nâʼà Pɨ̀a vâyn vɛ ə è nyi ekwùtwəyn faŋ zayn se fo sezuʼ se Ŋwaʼase sê ghɨ ghɛ ə ghe pfɨf sê vəyn ə?”

Tom èchùŋ kè kə Lûk tè nyaʼ 2:25

Ə̀ tè nyi zâ wùə vîvè e nyi ə Njèlusalɛ̀m, zə vəynze e nyi Simyòn, Zuʼse Ŋwaʼase e nyi ə və tu, è ndamə kə nâʼà chichi, njiə àshîŋə̀ se fɨ̂aʼ efɨaʼ ə Fezhə̀e. È tè lɨmtə kə etuʼ vɛ kə̂ Pɛ̂pɛ tə zə̂sə̀ shîəm mə ghɨə Isìlâym̀ ətəyn,

Tom èchùŋ kè kə Lûk tè nyaʼ 24:49

Ghàyn ə kɛ nə, m nyi tom efe zɛ Pɨ̀a vɨm te tsɨ̀ne sê ghàyn. Pîza ghàyn tsɨsə kə fayn endaʼ sè zaʼâ kə tyaʼ nə ke ndo ekwùtwəyn, ə ke tso ə ghàyn ə tu.”

Tom èchùŋ kè kə Lûk tè nyaʼ 3:22

Zuʼse Ŋwaʼase ə tso pə̂ ə və tu, kyàʼà kə kə akwɨ̀l, kyə̀ ə fɨə ekwùtwəyn piə nə, “Ə̀ nyi ke nâʼà ghò Vayn èkɔ̀ŋ vɨ̂m, m saŋnə̂ kûmə̀ ghò sə nɨŋ.”

Njɔyn 1:33

Pî kə m tè nyìəm ke va nə ə̀ nyi Vəyn. Pîza, Zhə̀fè kə Fe tè tom mi nə m fo môm è môm, tè nyi mə È və pì sê mi nə, ‹O tə fe ə Zuʼsə Fezhə̀sè tso pəyn ə se masə̂ ə wùə ətu, ə̀ nyi Vəyn vɛ ə È fo môm è Zuʼse ŋwaʼase.›”

Njɔyn 12:16

Ə̀ tè nyì kə ghɛ nə ghɨyn kyàynə̀, chùmtè èpàm sə Njisə̀sè e fe kê va. Pîza kə Njisə̀s zòmə̀, ə kɛse ndùə elùʼ epomsə ə vəynve, ghənə ə ke Pɨ̀əytè nə ə̀ nyi əghɛ mə ə tə nyàʼ kûmə̀ vəyn nâʼà ə̀kɨ̂m, ghɨghe ə fɨnə nə̂ kə za sê vəyn.

Njɔyn 14:16

M nə̀ pfɨfə sê Pɨ̀a ə È fo Tsàmtè ə̀mɔ̀ʼɔ̂ se ghàyn, mə è nə̀ ndamə faŋə ghâynghə̀ ghənə.

Njɔyn 14:25

Mə tsàyn ghɛ nə ghɨ̂yn nâʼà ə̀kɨ̂m sê ghàyn, mə M pa nyi ghâsènì.

Njɔyn 15:26

Tsàmtè nə̀ ndô pə̂ se Pɨ̀a. È nyi Sezuʼ sɛ ə se nə̀ nə̂ nə ghɨghe ə ke səmɔʼ. Kə M nə nə mə nyi ghâsè Pɨ̀a, M nə tomə vəyn sê ghàyn, ə nyi vəyn vɛ è nə tsâ ghɛ sê ghàyn kûmə̀ Mi.

Njɔyn 16:7

Pîza, m pîə sê ghàyn səmɔʼ nə, ə̀ nyi chùŋ sê ghàyn kə m ndô. Ə M taʼa ndò, Tsàmtè vayn pə̀yn sê ghàyn. Pîza mə m ndô, ə m ndu tom vəyn sê ghàyn.

Njɔyn 2:22

Kə Njisə̀s tè kwu Zhə̀fè ə kɛsə̂ zômsə̀ Vəyn, chùmtè èpàm sə vəynse ə kwàʼtə̀ nə è və tè pì ke nâʼà nyi ə ke pomə eghɛ zɛ ə Ŋwàʼlè ə̀ Fèzhə̀ pìə, è ghɛ ghɛ ə Njisə̀s tè pìə.

Njɔyn 20:22

È və wàmnə̀ zâ ə fofə sèzuʼ ə ghənə tu, ə pìə nə, “Ghàyn ko Zuʼse Ŋwaʼase.

Njɔyn 6:45

Ə nyàʼ kə fɨ̀aʼtèsè tè pi nə, ‘Nâʼàpî ndè tə pə̂ ə nyi mə ə zaʼle Fezhə̀ vəyn.’ Nâʼàpî ndè vɛ ə è zɨ Pɨ̀a ə zaʼlə̂ sê Vəyn, pə̀ ndò se Mi.

Njɔyn 7:39

Njisə̀s tè wàmnə kûmə̀ Sezuʼ se Ŋwaʼa sɛ ə tè nyi se fo sê ghɨ ghɛ ə ghe pomə sê Vəyn. Ə̀ tè nyi zâ, Zhə̀fè nyi ndɔʼɔ fe nyiəm fo Sèzuʼ se Ŋwaʼase sê Vəyn kûmə̀ nə è tè pa nyi ndɔ̀ʼɔ È ndwise kɔyn ə Njisə̀s vè ekwùtwəyn se fo epomsê sê Vəyn.

Ətefɨ̂aʼ 1:2

se zaʼâ kə Zhə̀fè tè nji Vəyn ekwùtwəyn. Tsɔ̀fə kə ə nji Vəyn ekwùtwəyn, Zuʼse Ŋwaʼase ə fo àtyaʼ, È və zaʼlə̂ ə̀ghɛ se ghɨ ghɛ ə È chɔʼte kə sechùmtè èpàm sə tom sə Vəynse kə ghənə nə̂.

Ətefɨ̂aʼ 1:4

Tuʼve ə zo tuʼ fîfe, ghənə e zhiə, È və tsɛsə̀ sə alàŋ sê ghənə nə, “Kə ghàyn ndo ə Njèlusalɛ̀m zôyn. Ghàyn lɨmte fo zɛ ə M tè tsayn nə Pɨ̀a Vɨm və tsɨ̀nə̀ se fo sê ghàyn.

Ətefɨ̂aʼ 1:8

Pîza ghàyn e ke nə ghàyn nə̀ kyiə àtyaʼ ezhoghɛ Zuʼse Ŋwaʼase pə̂yn sê ghàyn, ə ghàyn ə nyi sètsɛ̀ èsaʼ Sɨmse endaʼ ə Njèlusalɛ̀mzè, è pâs endaʼa Njòndyâkè è kə Sàmalyàkè akɨ̂m, se nduə tàyn tâŋ tə mbi tekɨ̂m.”

Ətefɨ̂aʼ 11:16

Mə ke pɨ̀əytè eghɛ zɛ Pɛ̂pɛ tè pi. È tè pi nə, ‘Njɔyn tè fo mmo sê ghɨ è mô mə̂ tsòm, pîza ə tə fo mmo sê ghàyn è Zuʼse Ŋwaʼase.’

Ətefɨ̂aʼ 13:2

Shɨŋ zɛ ghənə kɔʼsə Zhə̀fè fɨnə pamə ècho, Zuʼ se Ŋwaʼase ə pə̀ piə sê ghənə nə, “Ghàyn chɔʼ Pànapàs yî Sɔ̂l ə ndəm, ə ghənə ə nə̂ èfɨ̂aʼ zɛ ə m kyiŋə nə ghənə ə nə̂.”

Ətefɨ̂aʼ 13:4

Zuʼ se Ŋwaʼase ə tiynsə̂ Pànapàs yî Sɔ̂l za, ghənə ə tso endaʼ ə Sèlusyà ə njiə ə ngwùʼ ə ndùə apàs endaʼ ə Sàypulòsè, ze nyi əfètə̂ tsò mə è zə kyɨ̀ŋ ka.

Ətefɨ̂aʼ 15:28

Zuʼ se ŋwaʼase ə nə̀yn nə ghàs pomə se tàʼa fo ngəʼ sê ghàyn è ghɛ ə mɔ̀ʼɔghe ə̀ tsɛ kə va ghɛ ghɛ ə ghe tsɔ̂fə̀.

Ətefɨ̂aʼ 15:8

Zhə̀ Fɛ Fe ke nâʼà ə̀ghɛ ə̀kɨ̂m ghɛ ə ghe nyi ə ghɨghe ətəm ə tyə̀yn mɨ̂sè nə ghɨ ghɛ ə vachi əghɨ Njûsghè kàʼa ə ghe pɔŋ pomə endom nə, fe ə nə̀yn Zuʼse Ŋwaʼase ə pə̀ sê ghənə kèpî kə se tè pə̀yn sê ghâsènì.

Ətefɨ̂aʼ 16:6

Pɔ̂l yî soyn sə vəynse ə tɔynə tsɛ apàs endaʼ ə Filinjyàkè è pâs endaʼ ə Ngàleshyàkè kûmə̀ nə Zuʼse Ŋwaʼase tè paʼà chisê nə ghənə tsayn tom èchùŋ apàs endaʼ ə Esiyàkè.

Ətefɨ̂aʼ 2:33

Zhə̀fè ə njì Vəyn elùʼ ekɔʼnəve, ə Vəyn ekɔyntwɔve. È və fo Vəyn è Zuʼse Ŋwaʼa sɛ ə È tè tsɨ̀ne nə È tə fo sê vəyn. Njisə̀s ə pɔŋ fo Zuʼse Ŋwaʼa nə sɛ se ghàs, ə̀ nyi səynse ə se nə̂ ghàyn e fe fɨnə zɨə nâʼàpî èghɛ èkè zɛ ə ze kyânə̀ ndâyn.

Ətefɨ̂aʼ 2:4

Zuʼse Ŋwaʼase ə pə̀ njiə ə nâʼà piə ndè əfètəyn fu ə nə̀, ghənə zhə̀tə̀ sè wàmnə̀ ə tewâmnè tə tendaʼ tə ndôtè. Ə̀ tè nyi Sezuʼ sɛ ə se tè nəyn nə ghənə ə wâmnə̀ ə̀ghɛ ghɛ ə ghənə tè wàmnə̀.

Ətefɨ̂aʼ 20:28

Ghàyn e tɔ̂ʼnə̀ è ngɨŋ saynse è ghɨ ghɛ ə Zuʼse Ŋwaʼase fo sê ghàyn nə ghàyn ə chisə̂ ghənə. Ghàyn e tɔ̂ʼnə̀ è nɔ̂yn ə ghɨə pomə ə Fezhə̀ kɛ ə Va vəyn tè kwu kûmə̀ ghənə se nə̀yn nə ghənə ə nyi ə̀ ghɨə vəynghe.

Ətefɨ̂aʼ 20:35

Mə ə tyə̀yn sê ghàyn ə tendom tèkɨ̂m nə ə ghâsènì fɨ̀aʼà sə ŋaŋ famə endom, ə ghâsènì ə kyi sə tsâmtə̀ ə̀ghɨ ghɛ ə kyi va, ə kɛsə̂ kwaʼtə̀ ə̀ghɛ ghɛ ə Njisə̀s è ngɨŋ ə Vəyn tè pi nə, ‹Saŋnêzè nyi sê wùə vɛ ə è fo, tsɛ̂ kə e nyi sê vɛ ə è fiə kə ndô.›”

Ətefɨ̂aʼ 28:25

Nyiəmə, ghənə ə zhə̀tə̀ se saʼnê əghɛ kə ghənə tè ndù. Tsɔ̀fə kə ghənə ndo, Pɔ̂l ə tsà sê ghənə nə, “Zuʼse Ŋwaʼase tè nyi ke nâʼà chichi kə se tè tsàyn ghɛghe se Fɨ̀aʼtè Èsayà nə è tsayn sê pɨ̀a ə ghâsènì ghəshiə nə,

Ətefɨ̂aʼ 5:3

Pità ə pfɨfə nə, “Ànàniyàs, ò za nə Satàyn nji ə ghò ətəm kûmə̀ ghè? Zôyn satàyn ə nə̀yn nə ò wam sê Zuʼse Ŋwaʼase ə ò ndətə pɨaʼa kɛ kɛ ə ò pəʼle fɨa vɛ ve ətəyn.

Ətefɨ̂aʼ 7:51

Shìtifɨ̀yn ə wàmnə̀ nyi ə pìə nə, “Ghàyn tɛ è tuve. Ghàyn ə fɨ̀yntè tûŋneve sê kyə̀ Fèzhə̀, ə tɛsə̂ ə̀təm ghaynghe. Ghàyn nyì kepî èghɨ kə pɨ̀a ghayn ghəshiə. Ghàyn ə faŋ sè kwiynsə̂ kə nə ghàyn vayn kàʼa zɨte ghɛ zɛ ə Zuʼse Ŋwaʼase pîə.

Ətefɨ̂aʼ 7:55

Shìtifɨ̀yn tè nyi mə è və lwiyn è Zuʼse Ŋwaʼase. È və naynə̂ kɔʼsə ndùə ekwùtwəyn ə fe èpomsê ə Fezhə̀zè, ə fɨnə fe Njisə̀s, È ve tyəm apàs ekɔyntwɔ ə Fezhə̀kè.

Ŋwàʼlè ə̀ Pɔ̂l sê ghɨə Lûmghè 14:17

Ə̀ vachi se zhi efɨazhiəve, kɨ̀sə se mɨ mlɨ̂ ə ze kyi m̀kɔʼnè elùʼ efɔ̀yn ə Fezhə̀vè. Ghɛ ghɛ ə ghe kyi m̀kɔʼnè nyì sə̂ nyi chichi ə Zhə̀fè əshi, sə kyi pɔ̂ynè, è saŋnê zɛ ə ze ndô pə̂ sê Zuʼse Ŋwaʼase.

Ŋwàʼlè ə̀ Pɔ̂l sê ghɨə Lûmghè 15:13

Ə Zhə̀fè mə za nyi eluʼ vɛ ə kwâʼtèzè ndò pə̂ ətəyn, lwiynse ghàyn è saŋnêzè ekɨ̂m, ə ghàyn ə nyi è pɔ̂ynè kûmə̀ èpomə̂ zaynze sê vəyn. Zɨnə mə tə nə̂ ə pomə̂ zaynze ə ndəmə̂ ndûə kə èshike atyaʼ ə Sezuʼ se Ŋwaʼake.

Ŋwàʼlè ə̀ Pɔ̂l sê ghɨə Lûmghè 15:16

Zhə̀fè ə fo mi fùʼ nə kɛ mə nə mə nyi wùə èfɨ̀aʼa ə̀ Njisə̀s Klâys, nə mə ndaʼà tom èchùŋ sê ghɨ ghɛ ə̀ va əghɨ ə Njûsghè. M fɨaʼà kə wùə èkɔʼsə nə̂ èshyə̀ sə̂ ndaʼà tom èchùŋ zɛ ə è ndò sê Zhə̀fè, kə ghɨ ghɛ ə va əghɨ ə Njûsghè ə nyi kə efo zɛ ə Zhə̀fè nyi mə fe ə pomə. Zhə̀fè tə pomə ghənə kûmə̀ nə Zuʼse Ŋwaʼase ə nə̀yn ghənə e nyi è ŋwaʼze ə fəynfe əshi.

Ŋwàʼlè ə̀ Pɔ̂l sê ghɨə Lûmghè 5:5

Ə ghâsènì kyi kwâʼtèzè, ə ghâsènì tə tàʼa fɨ è gho zomghe kûmə̀ nə Zhə̀fè ə tyə̀yn se ghâsènì kə Fe tɔ̂ʼɔ̀ kɔŋə̀ ghâsènì, kə È nə̀yn kɔ̂ŋ ə Vəyn zɛ ze nji ə ghâsènì əfètə̂ təm. È nəyn zɨnə mə kə È fo Zuʼse Ŋwaʼa vəynse sê ghâsènì.

1 Kɔlìŋ 12:3

M kyiŋə nə ghàyn ke nə wùə vîvè va mə chisə Sèzuʼ sə Fezhə̀sè è vəyn ə è kàʼa è pi nə, “Ə ndi ə Njisə̀s ə tu” mə wùə vîvè vayn kàʼa è pi nə, “Njisə̀s nyi Pɛ̂pɛ,” mə ə̀ chisə va Zuʼse Ŋwaʼase vəyn.

1 Kɔlìŋ 6:19

Pîə e za nyi nə ghàyn keva nə wiyn vaynve nyi kə ndɛ̂ ə̀ Sèzuʼ se Ŋwaʼa sɛ ə Zhə̀fè fo nə sə ndamə ə ghàyn əfètəyn mə? Ə̀ kyi chiva ghàyn ngɨŋ saynse, ə kyi Fezhə̀.

2 Kolìŋ 13:14

Ə fùʼ ə Pɛ̂pɛ Njisə̀s Klayskè, è kɔ̂ŋ ə Fezhə̀zè, è Zuʼse Ŋwaʼa sɛ ə se tsɨ̂yntə̀ ghâsènì luʼve emɔ̀ʼ ə nyi ghâyn ə fètəyn ə̀kɨ̂m.

2 Kolìŋ 6:6

Ghàs ə tyə̀yn nə ghàs nyi əghɨə Fezhə̀ kûmə̀ nə ghàs ndamə tèndam tezote, kyi ètɔf, wəynsə èwiyn, tɔ̂ʼnə̀, kyi Sèzuʼ se Ŋwaʼase, fɨnə kɔ̂ŋɔ̀ ə̀ghɨ mɔ̀ʼɔ nâʼà səmɔʼ.

Ɛfesùs 1:13

Zhə̀fè ə fi kepî ghàyn ghɨ Ɛfesùsghè ə sɔ̀zâ ghàyn tɔynə̂ ə Klâys kə ghàyn zɨ tom è chùŋ zɛ ə è nyi səmɔʼ ə pomə. Ə̀ tè nyi kə ghàyn pomə, Fə chwìə ghàyn è Zuʼse Ŋwaʼa sɛ ə Fe tè tsɨ̀ne,

Ɛfesùs 1:17

M pîə m tsə̀mə̀ nâʼàpî ashìŋə̀ àkè, m chyatə̂ Fèzhə̀ Pɛ̂pɛ ə ghâsènì Njisə̀s Klâys, mə za nyi Pɨ̀a vɛ ə è kyi tyaʼa nə è fo Zuʼsə vəyn sɛ ə se fo tɔfe fɨnə tyə̂nə̀ paynsə̂ ə̀ghɛ kayntə ə vəynghe kə ghe nəyn ə ghàyn ə fɛte ke vəyn.

Ɛfesùs 4:30

Kə ghàyn nə nə̂ Zuʼse Ŋwaʼa Fèzhə̀ sɛ ə tè chwìə ghàyn è səynse ə saŋnə̂ va. Ə tè chwìə ghàyn è səynse se tyə̀yn nə tuʼfe tə pə̂, ə Zhə̀fè zhɔyn mɨ̂sè àtu kaynke.

1 Tèsàlonikà 4:8

Ə̀ kwiynsə̂ nâʼàpî ndè ghɛ zɛ ə ghàs zaʼlə, ə è və kwiynsə̂ va wùə, pîza kwiynsə̂ Fèzhə̀ fɛ ə fe fo Zuʼse Ŋwaʼa sə vəynse sê ghàyn.

2 Timotì 1:14

Zuʼse Ŋwaʼa sɛ ə se nyi ə ghâsènì əfètəyn nə̀ tsâmtə̀ ghò se fo atyaʼ kə ò fɛte kyî ə̀ghɛ ə chûŋ ghɛ ə fo sê ghò.

Taytùs 3:5

ə sɔ̀zâ ghâsènì, ə̀ va chi kûmə̀ èghɛ echûŋ zhize kə ghâsènì tè nəyn, pîza ə̀ tè nyì ke kûmə̀ èkosê esəyn ə Vəynze. È və tə shù tsɨsè pisə ghasènìse, ə nə̀ nə tɔynə̂ ə Sezuʼ se Ŋwaʼase, ə ghâsènì kyi ndam efeze kə ghɨ ghɛ ə piə pə̂yn ke ndô ghənə.

Ipilù 10:15

Zuʼse Ŋwaʼase pɔŋɔ tyə̂nə̀ paynsə̂ kə nâʼà sê ghâsènì nə ghɛ nə zɨ̂nə̀ nyi ke nâʼà səmɔʼ. Ə̀ zɨnə nyi eghɛ əshi zɛ ə è pì nə,

Ipilù 2:4

Zhə̀fè ə tə nə̀yn kepî chwiə sə ghɛ ə kayntəghe, ə tekì ə tekì, ə fɨnə fo tèfo tə Sezuʼ Seŋwaʼase sê ghɨə kè kə fe kɔ̂ŋɔ̀ se tyə̀yn nə tom nə zɨnə nyì ke nâʼà səmɔʼ.

Ipilù 3:7

E nyi nyiə mə kə Zuʼse Ŋwaʼase pî nə, “Ə ghàyn zɨ kyə̀ Fèzhə̀ ndàyn,

Ipilù 9:8

Zuʼse Ŋwaʼase tè zaʼle paynsê sê ghâsènì tɔynə̂ əghɛ nə ghɨnə nə, kə pfɨ̀ə ə pɨəyn kɛ pa nyi ke ndò, ndom fɨyn va se ghɨ se nji ə kàyntè Èlùʼ Eŋwaʼ Engaŋtəve.

1 Pità 1:12

Zhə̀fè ə tə tyə̀yn paynsê sê fɨ̀aʼtè nə sɨ̂nə̀ nə ghənə ndâʼà tom nə zɨ̀yn fɨaʼà va sê ngɨŋ sə ghənə̂sè, nə ghənə pɨl fɨ̂aʼ sê ghàyn. Ghɛ ghɛ ə fɨ̀aʼtèsè tè wàmnə̀ nyi kepî ə̀ghɛ ghɛ ə ghɨ ghɛ ə ghe ndâʼà tom èchùŋ zôyn tɔynə̂ ə Sezuʼ se Ŋwaʼa sɛ ə se ndô pə̂ ekwùtwəyn, ə nyi ə̀ghɛ nâʼàpî sètsì e kɔ̂ŋɔ̀ sə̂ ke.

2 Pità 1:21

E nyi nyî kûmə̀ nə nâʼàpî èghɛ èkè zɛ ə fɨ̀aʼtèsè tè nyaʼ tè pâʼà ndò pəyn eghɛ zɛ ə ghɨ msɔ̀ŋghe tè kyiŋə, pîza Zuʼse Ŋwaʼase tè nyîə chisə̂ ə̀ghɨ kə ghənə tè ndàʼa tom zɛ ə è ndò pə̂yn sê Zhə̀fè.

1 Njɔyn 2:20

Pîza, vɛ ə Zhə̀fè kɨmne ndə̂m, è və fo Zuʼse Ŋwaʼase sê ghàyn, se ə pə̂ nâʼà sê ghàyn ə̀kɨ̂m nə ghàyn ə ke eghɛ zɛ ə ze nyi səmɔʼ.

1 Njɔyn 2:27

Pîza, ghàyn nyi mə ə kyî Zuʼse Ŋwaʼase, se ndamə ə ghàyn ə fètəyn, kûmə̀ zɨnə mə, ghàyn fɨnə kyiŋə va nə wùə zaʼle ghàyn èghɛ zɛ ə ze nyi səmɔʼ. Kûmə̀ nə Zuʼse zaʼlə̂ ghàyn è nâʼàpî ghè vɛ ə ghàyn nyì se kê, mə ghɛ zɛ ə Zuʼse zaʼlə nyi səmɔʼ, ə̀ vachi àkaŋ. Zamə, ghàyn faŋ ke sə afɨa àmɔ̀ʼ ghâyn ghə̀ Klâys kə ə Zuʼse zaʼlə.

1 Njɔyn 5:7

Kûmə̀ nə ə̀ nyi əghɨ ə̀ ta ə ghe tyəm tsɛ̀ èsaʼ ekwùtwəyn, ə̀ nyi pɨ̀a, è vayn, è Zuʼse Ŋwaʼase. Ghɨ nə ghɨnə mə ə ta nyi sə afɨa àmɔ̀ʼ. Ndomte nyi teta se kê ə səmɔʼ kûmə̀ Njisə̀s.

Njût 1:20

Pîza, se ghàyn ə soyn sɨmse chûŋsè, ghàyn e tsâmtə̀ sèngɨŋ saynse sə̂ ndəmə̂ ə ghàyn ekyî epomə̂ zɛ ə ze lote nyi èŋwaʼze. Ə tyaʼ ə Sezuʼ se Ŋwaʼase ə tsâmtə̀ ghàyn sə̂ tsə̂mə̀.

Etyə̂yn ə paynsêzè 2:11

Ə̂ kyi pîndè tûŋneve, è və zɨtə̂ èghɛ zɛ ə Zuʼse Ŋwaʼase pîə sê ndɛ sə Fezhə̀sè. Ə̂ nò zhi nâʼàpî ndè, ə è tə tàʼa fe etsôs vɛ ə kòmte ekwuke pə̂ è vəynve.›”