Njɔyn 14:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Shìŋə̀ kɛ ə tuʼfə təynfe tə pə̂, ə ghàyn ke nə M nyi ə Pɨ̀a vɨ̂mvè ewìyn, è kɨsè nə ghàyn nyi ə Mì ewìyn kè eghɨ kə M nyi ə ghàyn ewìyn.

Njɔyn 14:20 ပူးပေါင်းရင်းမြစ်များ

Njɔyn 10:38

Pîza, ə M nə̂ fɨ̂aʼ ətəyn, ghàyn ə tàʼa pomə pì sê Mi, ghàyn ə pomə̂ ə̀ghɛ ghɨm ghe nəghe, endom kə ghàyn ke kwəynsê sə eshìŋə̀ ekwuŋsəze nə Pɨ̀a nyì ghasè Vəyn, M nyi ghasè Pɨ̀a kə ghè tə ghayn.”

Njɔyn 14:10

Ò pomə va ə Filìp nə M nyi ə̂ Pɨ̀a vɨ̂mvè ewìyn, Pɨ̀a vɨ̂mvè e nyi ə Mì ewìyn ə? Njisə̀s ə pìə sê chùmtè èpàm sə vəynse nə, ghɛ ghɛ ə m pîə sê ghàyn va ə ghɛ ghɨmghə ngɨŋə̂. Pîza ə̀ nyi Pɨ̀a vɨ̂m vɛ ə è nyi ə Mi èwiyn ə È nə̀ fɨaʼa Vəynze.

Njɔyn 14:11

Ghàyn pomə kə m pi nə, Pɨ̀a vɨ̂m nyì ə Mì ewìyn, M nyi ə Pɨ̀a vɨ̂mvè ewìyn. Ə̀ va za, ghànə pomə̂ kûmə̀ ə̀ghɛ kayntə ghɛ ə ghàyn fe kə m nə̂.

Njɔyn 16:23

Shîŋə̀ kɛ ə tuʼfə təynfe tə pə̂, ə ghàyn tàʼa pfɨf afɨa kyîke sê Mi. M tsâ se ghàyn nâʼà səmɔʼ nə, Pɨ̀a Vɨ̂m tə fo nâʼàpî ghè vɛ ə ghàyn pfɨf sê Vəyn ə Mì ezə.

Njɔyn 16:26

Shɨ̂ŋə̀ kɛ ə tuʼfə təynfe tə pə̂, ə ghàyn pfɨf sê Vəyn ə Mì ezə. Ə̀ tə pfɨfə va Mi se Vəyn ə ghàyn elùʼ,

Njɔyn 17:11

M nə̀ fɨnə faŋə va ə mbi pîza ghənə pa nyi ə mbi, M pə se ghò zôyn. Pɨ̀a vɨ̂mve èŋwaʼa tɔ̀ʼne è ghənə è tyaʼ Kɛke zəke, ezə zɛ ə ò tè fo sê Mi, kə ghənə nyi sə eghɛ èmɔ̀ʼ kè kə ghâsè ghò nyì sə eghɛ èmɔ̀ʼ.

Njɔyn 17:26

Mə nə̀yn kə ghənə ke èzə Zɛze, mə M nə̀ ndûə kə shi sə̂ nə̂ nyiə mə endom kə kɔ̂ŋ zɛ ə Ò kyi sê Mi ə nyi se ghənə, kə Mi è ngɨŋ Zɨ̂mzè ə pɔŋ nyi ghasè ghənə.”

Njɔyn 17:7

Mə zôyn, ghənə ə kê nə nâʼàpî ghè vɛ ə Ò tè fo se Mi ndo sê Ghò.

Njɔyn 6:56

Ghɨ ghɛ ə zhi wiyn vɨm ə mɨə m̀ndəm mɨ̂m nyì ghâsè ghənə, M nyi ghasè ghə̀ ghənə.

Ŋwàʼlè ə̀ Pɔ̂l sê ghɨə Lûmghè 16:7

Ghàyn tɔŋte Àndɨ̀lonikùs è Njoniyàs, ə ghɔnyì ghɨm ghə Njûs ghɛ ə ghasè ghənə tè nyi ə ndɛ chaʼ əmɔʼ. Ə nyîə fɛte ke ghənə əfètə̂ ə̀ghɨ̀tomə, mə ghənə tè pomə Klâys sê mi sə shi.

Ŋwàʼlè ə̀ Pɔ̂l sê ghɨə Lûmghè 8:1

Zhə̀fè nə̀ va nə wùə pfɨ saʼ ezhoghɛ ə è nyì sə afɨa àmɔ̀ʼ yî ghə̀ Njisə̀s Klâys.

1 Kɔlìŋ 1:30

Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.

2 Kolìŋ 12:2

M kendô wùə èpomə vîvè ə Zhə̀fè tè nji è və kɔʼɔ ekwùtwəyn nâʼà elùʼ vɛ ə ve ngaŋte kwəyn. (M laynse ke va nə, è tè kɔʼ ke nâʼà èwiyn əvəyn mə è tè kɔʼ ə telaynəlayn ə.) Ə̀ tɔ̀ʼ ke ke Fèzhə̀. Ə̀ zô nyi pìŋ njòse kyàʼ kə ghɛ nə zɨ̂nə̀ kyàyn.

2 Kolìŋ 13:5

Ghàyn fɛte naynnê sèngɨŋ saynse ə fe nə, ghàyn chùmtə̀ tɛ èghɛ zɛ ə ghàyn pomə sê zəynze ə. Səmɔʼ ghàyn nyîə ke nə Njisə̀s Klâys ndamə ə ghàyn ewìyn pîza ghàyn nə̀ fɨsə̂ sèngɨŋ saynse ə ghàyn ke nə Zhə̀fè paʼà pomə̂ ghàyn.

2 Kolìŋ 5:17

Ə wùə nyi yî Klâys, è ve nyi wùə e fe, mə ndamə vəyn ze mɨ zə tsɛ̀, ze fe ze ze pə̂yn.

2 Kolìŋ 5:19

Ghɛ zɛ ə ghàs pìə nyi nə Zhə̀fè tè kɛse njî pəyn ə̀ghɨ ə̀kɨ̂m se ngɨŋ ə vəyn tɔynə̂ ə Klâys. È lɛ̀se fo sèpi sə ghɨ̀sè ə fɨnə fo tom sê ghàs, nə ə ndàʼà èndom vɛ ə ghɨə kaʼa kɛse pəyn sê vəyn ətəyn.

Ngàleshyà 2:20

kə mə fɨnə ndamə va, pîza ə̀ nyi Klâys kə è ndamə ə mì ə fètəyn. Ndam zɛ ə m ndamə zôyn nyi kûmə̀ èkyî èpomə zɛ ə m kyi sê Va Fèzhə̀ vɛ ə è tè kɔ̂ŋ mi ə fo ngɨŋ ə vəyn ə kwu kûmə̀ mi.

Ɛfesùs 2:10

Ghâsènì nyi efɨaʼ ə Fezhə̀ zə ghoze. Fe fɛtə̂ ghâsènì tɔynə̂ ə Klâys Njisə̀s nə ghâsènì nə ndamə èndam echûŋ zɛ ə è tè se nyi mə è və tè pɨaʼtê ndəm nə ghâsènì ə ndamə.

Kòlosè 1:19

E nyi nyî kûmə̀ nə Zhə̀fè ə tə kɔ̀ŋ Vəyn ə ndə̀mə̀ Vəyn nə È və nyi èghɨ kə̂ Vəyn nâʼàpi ə ghe.

Kòlosè 1:27

Pɨaʼtê ə Fezhə̀zè nyi nə è nəyn ə ghɨə vəynghe ke nə ghaʼa Klâyszè, è pomsê ə vəynze nyi kepî ndò se ghɨ ghɛ ə̀ vachi ə̀ghɨ ə Njûsghè. Ghɛ endətə zɛ ə ze nyi əfètə̂ ə̀təyn nyi nə, ghàyn ndəm ə ghàyn ətəm nə ghàyn tə kyîə ndò pomsê zɛ ə Zhə̀fè pì nə zhi tə fo ndò se ghɨə vəynghe.

Kòlosè 2:9

Kə ghàyn pomə nə tyə̀ynsè sə akaŋ nə sɛ mə lese ghàyn kûmə̀ nə tyaʼke è tsɨ̂nè ə̀ Fèzhə̀zè nyì ndô əfètəyn èwìyn ə wûə m̀sɔ̀ŋ ə Klaysvè.

1 Njɔyn 4:12

Wùə pâʼà tyəmə̂ fe Fèzhə̀, pîza mə ghâsènì kɔ̀ŋɔ̀ ngɨŋ sə ghasènìse, ə Zhə̀fè ə nyi sə afɨa àmɔ̀ʼ ghasènyìə ghə ghənə, kɔ̂ŋ ə Vəynze e nyi mə zə lwiyn ə ghâsènì endam.