Njɔyn 14:2 - Ŋwàʼlè ə̀ Fèzhə̀ Mkâyn Mə̂ Fèm

² Ndɛ sə fètəynse tsɨ̂ə kə nyi ə pɨ̀a vɨ̂mvè ə ndɛ. M ndûə fumə se pɨaʼtê eluʼ sê ghàyn. Ə ze fè va nyi, mə M paʼà tsàyn sê ghàyn.

Njɔyn 14:2 ပူးပေါင်းရင်းမြစ်များ

Tom èchùŋ kè kə Lûk tè nyaʼ 14:22

Wufɨ̀aʼa ətəyn ə ndùə kɛsə pə̀ ə piə sê vəyn nə, ‘Pɛ̀ apɨəyn, mə nə̀yn naʼapi ghè vɛ ə ò pi, pîza ndɛ pâʼà nyìəm lwiyn.’

Njɔyn 13:33

Ghɔnyì ghɨmə, M fɨyn va sə̂ nyi ghâsènì sə aghaf. Ghàyn nə̀ kyiŋə mi mɔŋ, pîza M tsâ sê ghàyn zôyn, kè eghɨ kə m se nyi mə mə tsàyn sê ghɨ atyaʼa Njûsə̀, ə̀ nyì kepî za kə M tsâ sê ghàyn nə ghàyn vayn kaʼa ndu elùʼ vɛ ə M ndûə ətəyn

Njɔyn 13:36

Shimuyn Pità ə pfɨfə sê Njisə̀s nə, “Ò ndùə ghayn ə Pɛ̂?” È və pə̀ynsə̀ nə, “Ò vayn kàʼa ò ndu elùʼ vɛ ə m ndûə ətəyn zôyn, pîza nyi se nə chùmtə pə̀yn.”

Njɔyn 14:28

Ghàyn ə zɨ kə m pî nə, ‘M ndô zâ ghàyn ə m ndu kɛse pəyn sê ghàyn.’ Ə ghàyn kɔ̀ŋɔ̀ Mi, ə ghàyn ə nyi èsaŋnêzè nə m ndùə se Pɨ̀a kûmə̀ nə Pɨ̀a nyîə ngaŋtə̂ tsɛ̂ Mi.

Njɔyn 16:4

M tsâ ə̀ghɛ nə ghɨ̂yn sê ghàyn kə ə ghe tə kyâyn, ə ghàyn kwaʼte nə mə tè tsàyn sê ghàyn. M tè paʼà tsàyn ghɛ ghɨ̀nə se ghàyn ə zhə̀te, kûmə̀ nə M tè nyì ghâsènì.

Njɔyn 17:24

Pɨa Vɨm! M kyiŋə nə ghɨ ghɛ ə Ò fo sê Mi tə nəyn ə nyi ghasè ghənə elùʼ vɛ ə M nyi ətəyn, kə ə fe pomsê ekayntə zɨme, ə zɛ ə Ò tè fo sê Mi kûmə̀ nə Ò tè kɔ̀ŋɔ Mi, tsɔ̀fə kə pom mbi.

Ətefɨ̂aʼ 9:16

Mə nâʼà Mi è ngɨŋ zɨ̂m nə̀ tyə̂nə̀ se vəyn kyì ə ngəʼ zɛ ə è kyi se zɨ kûmə̀ Mi.”

2 Kolìŋ 5:1

Ghâsènì nyiə ke nə pfɨ̀ə kɨnə ə ghâsènì ndamə ətəyn fayn ə mbi mə za nyi ewiyn ə ghasènìve, ezhoghɛ ə sâʼ tsɨ̂se, ə Zhə̀fè fo ndɛ sê ghâsènì ekwùtwəyn ndɔ̀ʼɔ pom è ghoghe, è nyi se ndamə faŋ.

1 Tèsàlonikà 5:9

Ghâsènì kyi sə̂ kɨ̂ŋtə̂ nyî kûmə̀ nə Zhə̀fè tè pâʼà chɔʼ ghâsènì se saʼa ghâsènì se fɨnə pɔynse, pîza nə ghâsènì kyi sɔzaze tɔynə̂ ə Pɛ̂pɛ ə̀ ghâsènì Njisə̀s Klâys,

Taytùs 1:2

Səmɔʼ nə zɨ̂yn nə̀ nə ghənə ə ke səmɔʼ nə ghənə nyîə kyi èndam mə ze tə mîə va, mə nyi endam zɛ ə Zhə̀ fɛ ə fe wamə va tè tsɨ̀ne sê ghənə tsɔ̀fə kə pom mbi.

Ipilù 11:10

Aplàghâm tè lɨmtə kə sê tɔ̂ŋ èghaʼâ zɛ ə Zhə̀fè tè pɨaʼte, ə pɛ, Tɔ̂ŋ èghaʼâ ə̀təyn e nyi se ndamə faŋə kə ndò.

Ipilù 13:14

Ghâsènì nyiə ke nə tɔ̂ŋ èghaʼâ zhîzè va fâ mbi ə è tə ndamə faŋə mə nyi zə ghâsènì. Ghâsènì pa naynə̂ ndûə ndò tɔ̂ŋ èghaʼâ nə zɛ ə è nyì se tə pə̀yn.

Ipilù 6:20

Kûmə̀ ghâsènì, Njisə̀s ə tə nji fumə elùʼ sə shi sê ghâsènì, ə ke pə̀yn sə nyi wùə èkɔʼsə nə̂ èshyə̀ èngaŋtə kwəynə sə teshìŋə̀ tèkɨ̂m kèpi endom vɛ ə Mèlkisendèk tè nyi ətəyn.

Ipilù 9:8

Zuʼse Ŋwaʼase tè zaʼle paynsê sê ghâsènì tɔynə̂ əghɛ nə ghɨnə nə, kə pfɨ̀ə ə pɨəyn kɛ pa nyi ke ndò, ndom fɨyn va se ghɨ se nji ə kàyntè Èlùʼ Eŋwaʼ Engaŋtəve.

Etyə̂yn ə paynsêzè 1:5

è kɨsè sê Njisə̀s Klâys ə vɛ ə è tsà kə ghɛ zɛ ə è fe. Ə̀ nyi wùə ə shi vɛ ə tè zòmse ekwu, ə̀ nyi kepî vəyn vɛ ə è nyi fɔ̀yn se fɔ̂yn tə mbi tekɨ̂m. È kɔ̂ŋɔ̀ ghâsènì, mə tɔynə̂ ə vəyn ekwu, e və sɨsə̀ m̀ndəm mə Və̂ynmè se sɔzà ə ghâsènì ə ghâsènì ə sepi,

Etyə̂yn ə paynsêzè 21:2

Mə ke fe kə Zhə̀fè tiynsê Tɔ̂ŋ e Ŋwaʼa mə za nyi Njèlusalɛ̀m èfe, è ze tso pə̂ ekwùtwəyn mə ə fɛte lafsê zə̂yn kə ə lafse zhwîə ndom nə è ndu fe ndom ə̀ vəyn.

Etyə̂yn ə paynsêzè 3:12

Ə̂ nò zhi nâʼàpî ndè pi, ə m nəyn ə è və nyi àtɔ̂ʼ ə Zhə̀ fɨmfe ə ndɛ, ə è tə tàʼa fɨnə fɨə ətəyn. M tə nyâʼà èzə Fezhə̀ fɨmfe ə ghənə ewìyn, ə m fɨyn nyaʼ èzə ə tɔ̂ŋ èghaʼâ ə Fezhə̀ fɨmfe, mə za nyi Njèlusalɛ̀m èfe, zɛ ə è tə ndô sê Zhə̀ fɨmfe ekwùtwəyn ə è tso pəyn. M tə nyâʼà kəpi èzə zɨmze feze ə ghənə ewìyn.

Etyə̂yn ə paynsêzè 3:21

Ə̀ nò zhi pîndè, ə m fo vəyn è tyaʼke nə è tsɨsə ə mì etipì, ə mì ə fekyə̀ fə efɔ̀ynfè. Kè kə M se nyi mə mə nò ə zhiə sè tsɨs zôyn ə Pɨ̀a vɨ̂mvè etipì, ə Vəyn elùʼ efɔ̀yn.