Njɔyn 14:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Tsàmtè nə vɨ̂yn nyi Sezuʼ sɛ ə se tyə̂nə̀ paynsə səmɔʼ kûmə̀ Fèzhə̀. Ghɨ mbiə vayn kàʼa fi Tsàmtè nə vɨ̂yn kûmə̀ nə ghənə fe va vəyn, ke va vəyn. Sê ghàyn, ghàyn ke ndô vəyn kûmə̀ nə è ndamə ghâynghə̀ ghənə, nyi se nə̀yn sə̂ nyi ə ghàyn ewìyn.

Njɔyn 14:17 ပူးပေါင်းရင်းမြစ်များ

Matyò 10:20

Ghɛ ghɛ ə ghàyn tə wâmnə̀ tə nə̂ ə va ghanə; ghe tə pə̂ sê Zuʼ sə Pɛ̂sè kə È tə wâmnə̀ se ghàyn.

Njɔyn 14:16

M nə̀ pfɨfə sê Pɨ̀a ə È fo Tsàmtè ə̀mɔ̀ʼɔ̂ se ghàyn, mə è nə̀ ndamə faŋə ghâynghə̀ ghənə.

Njɔyn 14:23

Njisə̀s ə pə̀ynsə̀ sê vəyn nə, “Ghɨ ghɛ ə kɔ̂ŋɔ̀ Mi nə̀ ndə̂mə̀ tè zaʼlê tɨmte. Pɨ̀a vɨm tə kɔ̂ŋɔ̀ ghənə, ə Pɨ̀a vɨm è Mi tə pəyn se ghənə ə ndam ghasè ghənə.

Njɔyn 15:26

Tsàmtè nə̀ ndô pə̂ se Pɨ̀a. È nyi Sezuʼ sɛ ə se nə̀ nə̂ nə ghɨghe ə ke səmɔʼ. Kə M nə nə mə nyi ghâsè Pɨ̀a, M nə tomə vəyn sê ghàyn, ə nyi vəyn vɛ è nə tsâ ghɛ sê ghàyn kûmə̀ Mi.

Njɔyn 16:13

Pîza, shîŋə̀ kɛ ə Zuʼsə səmɔʼse nə̀ pə̂, ə se chise ghàyn, ə ghàyn ə ke ə̀ghɛ əkɨ̂m ghɛ ə ghe nyi səmɔʼ. È pə̀ va sə̂ wàmnə̀ èghɛ vəyn zə ngɨŋe; è pə̀ se tsâ kə əghɛ mə ə pì ndô sê vəyn, ndàʼà ə̀ghɛ, ghe pa nyi se tə kyàyn.

Njɔyn 6:40

Ghɛ zɛ ə Pɨ̀a Vɨ̂m kyiŋə nyi nə nâʼà ghɨ ə̀kɨ̂m ghɛ ə ghe fe Vayn ə pomə sê vəyn kyi ndam zɛ ə ze tə mîə va. Mə M tə zômsə̀ ghənə endam ə fetuʼ fe ekwuŋsəfe.”

1 Kɔlìŋ 14:15

M kaʼa m ghayn nâʼà ghè zo? Ghɛ zɛ ə m kyi se nə̀yn nyi nə m nə̀ nə̂ m mə tsə̂mə̀ ə mìə sezuʼ, pîza tsə̂mə̀ kəpî è tɔf zɨmze, m nə zhəmə ə mì ə sezuʼ, pîza m mə zhəmə kəpi è tɔf zɨmze.

1 Kɔlìŋ 2:14

Nâʼàpî ndè vɛ ə è kyi va Zuʼse vayn fi èfɨa vɛ ə Zuʼse fo kûmə̀ nə fɨa ətəynve nyi engô se vəyn. È vayn kàʼa è zɨ kê kûmə̀ nə ə̀ kàʼa ə nəyn ke Sèzuʼ nə è zɨ kê.

1 Kɔlìŋ 3:16

Ghàyn keva nə ghàyn nyì ke kə ndɛ ètsə̀mə mə ə̀ kyi Fezhə̀ ə, Zuʼse ə Fezhə̀sè e ndamə ə ghàyn ewìyn ə?

1 Kɔlìŋ 6:19

Pîə e za nyi nə ghàyn keva nə wiyn vaynve nyi kə ndɛ̂ ə̀ Sèzuʼ se Ŋwaʼa sɛ ə Zhə̀fè fo nə sə ndamə ə ghàyn əfètəyn mə? Ə̀ kyi chiva ghàyn ngɨŋ saynse, ə kyi Fezhə̀.

2 Kolìŋ 13:5

Ghàyn fɛte naynnê sèngɨŋ saynse ə fe nə, ghàyn chùmtə̀ tɛ èghɛ zɛ ə ghàyn pomə sê zəynze ə. Səmɔʼ ghàyn nyîə ke nə Njisə̀s Klâys ndamə ə ghàyn ewìyn pîza ghàyn nə̀ fɨsə̂ sèngɨŋ saynse ə ghàyn ke nə Zhə̀fè paʼà pomə̂ ghàyn.

2 Kolìŋ 6:16

Ghɨə pomə nyi kə ndɛ ètsə̀mə ə̀ Fèzhə̀ mə ghənə vayn kàʼa kyi èghɛ se tsɨ̀yntə nə̀yn yîghə̀ fɨ̂aʼsèvè. Ghàyn e ke nə ghâsènì nyi ndɛ̂ ètsə̀mə ə Fèzhə̀ fɛ ə Fe ndamə, kè eghɨ kə È tè pi nə: “M nə̀ nə̂ eluʼ vɨmve ndaməve ə ghənə əfètəyn, ə m mə ndamə ə ghənə ə fètəyn; ə m mə nyi Fèzhə̀ fə ghənə̂fè, ghənə e nyi ə̀ghɨ ghɨmə.”

Ngàleshyà 4:6

Kə ghàyn se nyi ə̀ghɔyn sê Zhə̀fè, fə fo Zuʼsə Va vəynse ə ghâsènì ətəm, Zuʼsə təynse e pɨa wâmnə̀ è kyə̂ ètɛ tɔŋtə̂ Fèzhə̀ nə, “Pàpa, Pàpa vɨm.”

Ɛfesùs 2:22

Ghàyn ghɨ mɔʼɔ za tsɨ̂ynte nyi əfètə̂ Klâys kə efɨa e pɛve, è və fɛte ghàyn nə ghàyn nə nyi eluʼ vɛ Zuʼsə Fezhə̀sè ndamə ətəyn.

Ɛfesùs 3:17

kə kyî epomə̂ zaynze nəyn ə Klâys ə fɛtə ndamə kə nâʼà ndò ə ghàyn ə təm. M tsə̂mə̀ nə ghàyn ndəmə əfètəyn èkɔ̀ŋ, fɨnə tɛ,

Kòlosè 1:27

Pɨaʼtê ə Fezhə̀zè nyi nə è nəyn ə ghɨə vəynghe ke nə ghaʼa Klâyszè, è pomsê ə vəynze nyi kepî ndò se ghɨ ghɛ ə̀ vachi ə̀ghɨ ə Njûsghè. Ghɛ endətə zɛ ə ze nyi əfètə̂ ə̀təyn nyi nə, ghàyn ndəm ə ghàyn ətəm nə ghàyn tə kyîə ndò pomsê zɛ ə Zhə̀fè pì nə zhi tə fo ndò se ghɨə vəynghe.

2 Timotì 1:14

Zuʼse Ŋwaʼa sɛ ə se nyi ə ghâsènì əfètəyn nə̀ tsâmtə̀ ghò se fo atyaʼ kə ò fɛte kyî ə̀ghɛ ə chûŋ ghɛ ə fo sê ghò.

1 Njɔyn 2:27

Pîza, ghàyn nyi mə ə kyî Zuʼse Ŋwaʼase, se ndamə ə ghàyn ə fètəyn, kûmə̀ zɨnə mə, ghàyn fɨnə kyiŋə va nə wùə zaʼle ghàyn èghɛ zɛ ə ze nyi səmɔʼ. Kûmə̀ nə Zuʼse zaʼlə̂ ghàyn è nâʼàpî ghè vɛ ə ghàyn nyì se kê, mə ghɛ zɛ ə Zuʼse zaʼlə nyi səmɔʼ, ə̀ vachi àkaŋ. Zamə, ghàyn faŋ ke sə afɨa àmɔ̀ʼ ghâyn ghə̀ Klâys kə ə Zuʼse zaʼlə.

1 Njɔyn 3:24

Ghɨ ghɛ ə ndə̂mə̀ lwɔ̀ŋ ə vəynve nyì yî Vəyn sə afɨa àmɔ̀ʼ, è ve nyi kepî sə afɨa àmɔ̀ʼ yî ghə̀ ghənə. Ghâsènì nyîə ke nə ghâsènì nyì sə afɨa àmɔ̀ʼ tɔynə̂ ə sezuʼ sɛ ə è fo sê ghâsènì.

1 Njɔyn 4:4

Pîza ghàyn nyi ə ghɔ Fezhə̀ghè ə ghɔyn ghɨmə mə ghàyn ə nò zhi fɨ̀aʼtè sə akaŋse, kûmə̀ nə zuʼ sɛ ə se nyi ə ghàyn ewìyn nyîə kyi àtyaʼ ke tsɨ̂ə tsɛ̂ kə ghɨ̀ kɛ ə ghənə nyi ə mbi.

1 Njɔyn 4:6

Pîza, ghâsènì nyi əghɨ ə Fezhə̀ghè. Nâʼàpî ndè vɛ ə è ke Zhə̀fè zɨtə̂ ndò se ghâsènì, nâʼàpî ndè vɛ ə è ke va Zhə̀fè zɨtə̂ va se ghâsènì. Ə̀ vɨnə nyi endom vɛ ə ghâsènì kàʼa ke sə nɨŋ ə̀ fètə̂ Sèzuʼ sɛ ə se nyi səmɔʼ è sɛ ə̀ nyì sə akaŋse.

1 Njɔyn 5:7

Kûmə̀ nə ə̀ nyi əghɨ ə̀ ta ə ghe tyəm tsɛ̀ èsaʼ ekwùtwəyn, ə̀ nyi pɨ̀a, è vayn, è Zuʼse Ŋwaʼase. Ghɨ nə ghɨnə mə ə ta nyi sə afɨa àmɔ̀ʼ. Ndomte nyi teta se kê ə səmɔʼ kûmə̀ Njisə̀s.

Etyə̂yn ə paynsêzè 2:17

Ə̀ kyi pîndè tùŋneve, è və zɨtə̂ èghɛ zɛ ə Zuʼse Ŋwaʼase pìə sê ndɛ sə Fezhə̀sè. Ə̂ nò zhi pîndè pi, ə m fo fɨazhiə e ndətə vîve se vəyn, e tɔŋtə̂ nə manà, ə m fɨyn fo èchi fɨfə zhîze se vəyn mə ə nyàʼ zə e fe zhîze ətəyn, wùə vîvè e ke va, ə̀ tsɛ̂ kə va wùə vɛ ə m fo chi ətəyn se vəyn.›”