Njɔyn 14:13 - Ŋwàʼlè ə̀ Fèzhə̀ Mkâyn Mə̂ Fèm

¹³ M nə̀ nə̂ nâʼàpî èghɛ èkè zɛ ə ghàyn pfɨf ə Mi ezə, kə Pɨ̀a tyəyn pomsê ə vəynze tɔynə̂ ə Vayn.

Njɔyn 14:13 ပူးပေါင်းရင်းမြစ်များ

Matyò 21:22

Ə ghàyn kyi pomə̂zè, ə ghàyn kyi nâʼàpî àkè kɛ ə ghàyn pfɨf e tsə̀m.”

Matyò 7:7

Pfɨf sê Zhə̀fè, ə È nə̂ fo sê gho, kyɨŋ ə Zhə̀fè nə̂ nəyn ə ò fe, ngɔʼte, ə Zhə̀fè nə̂ chwie chondɛo sê ghò.

Ŋwàʼlè ə̀ Mâk 11:24

M pîə sê ghàyn nə, ə ghàyn tsə̂mə̀, pfɨfə nâʼà pîghè sê Zhə̀fè, pomə̂ nə ghàyn nə̀ kyîə, ə ghàyn nə̂ kyî.

Tom èchùŋ kè kə Lûk tè nyaʼ 11:9

Kûmə̀ nyi ə mə piə sê ghàyn nə, ghàyn e pfɨfə kə ndò, kə ə nə̂ fo sê ghàyn, kyiŋə kə ndò, kə ghàyn nə̂ fe, ngɔʼtə̂ kə ndò ndɛ, kə ə nə̂ chwi sê ghàyn.

Njɔyn 10:30

Pɨ̀a è Mi nyi ke sə eghɛ èmɔ̀ʼ.”

Njɔyn 12:44

Njisə̀s ə fɨnə pîə nâʼà è kyə̀ è tɛ nə, “Ə̀ pomə pîndè sê mi, ə ə̀ nyi mə è və pomə̂ kepî sê wùə vɛ è tom mi.

Njɔyn 13:31

Ə̀ tè nyi kə Njondàs fɨ ndû zâ, Njisə̀s ə ke pì nə, “Shîŋə̀kè ə kwəyn kə ə fe tyaʼ ə Va Wûəkè. Ə fɨyn fe kepî èpomsê ə Fezhə̀zè tɔynə̂ ə Vayn.

Njɔyn 14:14

Ə ghàyn pfɨf nâʼàpî ghè ə Mì ezə, ə M nəyn sê ghàyn.”

Njɔyn 14:6

Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.

Njɔyn 15:16

Ghàyn tè pâʼà chɔʼ Mi, ə̀ tè chɔʼ Mi ghàyn ə tomə ghàyn nə ghàyn nəyn ghɛ ghɛ ə ghe muə twɔm echûŋvè. Kyì tə ghɛ nə tɨnə mə ə ndam faŋ ke ndò. Ə ghàyn nə̀yn zamə, ə Pɨ̀a vɨm fo nâʼàpî ghè vɛ ə ghàyn pfɨfə sê vəyn tɔynə̂ ə mì ezə.

Njɔyn 15:7

Ə ghàyn faŋ ke ə mi ewìyn, ə zaʼlê zɨmze ə pɔŋ nyi sê ghàyn, ghàyn ə pfɨfə pî ghè, ə ghàyn kyi.

Njɔyn 16:23

Shîŋə̀ kɛ ə tuʼfə təynfe tə pə̂, ə ghàyn tàʼa pfɨf afɨa kyîke sê Mi. M tsâ se ghàyn nâʼà səmɔʼ nə, Pɨ̀a Vɨ̂m tə fo nâʼàpî ghè vɛ ə ghàyn pfɨf sê Vəyn ə Mì ezə.

Njɔyn 16:26

Shɨ̂ŋə̀ kɛ ə tuʼfə təynfe tə pə̂, ə ghàyn pfɨf sê Vəyn ə Mì ezə. Ə̀ tə pfɨfə va Mi se Vəyn ə ghàyn elùʼ,

Njɔyn 16:7

Pîza, m pîə sê ghàyn səmɔʼ nə, ə̀ nyi chùŋ sê ghàyn kə m ndô. Ə M taʼa ndò, Tsàmtè vayn pə̀yn sê ghàyn. Pîza mə m ndô, ə m ndu tom vəyn sê ghàyn.

Njɔyn 4:10

Njisə̀s ə pə̀ynsə̀ sê vəyn nə, “Ə ò fè ke fɨa vɛ Zhə̀fè fo sê ghɨə fɨyn ke wùə vɛ è ndɔnə mô nə mɨ̂yn sê ghò, ə ò ndɔyn sê Vəyn, ə È fo ghô è môm mɛ m̀ fo ndamze.”

Njɔyn 4:14

Pîza, ghɨ ghɛ ə mɨ mô mɛ m nə̀ fo sê ghənə tə fɨnə kyîə va pfɨ̀ŋ ə̀ m̀mò. Mo mɛ M nə̀ fo sê ghənə nə̀ nə̂ mə nyi ə ghənə ə fètəyn kə tɔŋ m̀mò zɛ ə è zomə tsɛ̂ va. Mo mə təynmè nə̀ fo ghənə èndam zɛ ə ze tə mîə va.”

Njɔyn 5:19

Njisə̀s ə ke pə̀ynsə̀ ghənə nə, “M pîə sê ghàyn səmɔʼ nə Vâ Fèzhə̀ vayn kàʼa è nəyn ghɛze sə və ngɨŋ, È nə̀ kə èghɛ zɛ È fe Pɨ̀a e nə̂. Ghɛ zɛ ə Pɨ̀a nə̀, ə̀ nyì kepî zəynze ə Vayn nə̂.

Njɔyn 7:37

Ə tè nyi etuʼ azhi ə kwuŋsəke, mə za nyi nâʼà etuʼe kɔʼnəve, Njisə̀s ə ndwìə tyəmə ə pìə è kyə̀ ètɛ nə, “Ə pfɨ̀ŋ m̀mò zuʼsə nâʼàpî ndè è və pə̀ sê Mi kə M fo môm, ə è mɨ.

1 Kɔlìŋ 14:13

Nyiəmə, wùə vɛ ə è wàmnə̀ wâmnè tə ndôtè ndɔ̀ʼɔ è zaʼle kyi se tsə̀m nə Zhə̀fè fo vəyn èfoze kə è və ke se tsâyn əghɛ ghɛ ə wâmnè tə təynte pîə.

Ɛfesùs 2:18

Ə̀ nyì ke kûmə̀ Klâys ə ghâsènì əkɨ̂m kyi Zuʼse mɔ̀ʼ mə ə kaʼa ə ndu ə Pɨ̀a əshi, kə əkɨ̂m.

Ɛfesùs 3:12

Epomə̂ ghasènìze è tsɨ̂yntè zɛ ə ghâsènì kyi ghâsènì ghə̀ Klâys ə nə̀yn nə ghâsènì ə nyi mə ə kaʼa piə nduə ndò sê Zhə̀fè mə fânə̀ va fɨa, ke səmɔʼ nə fe nə̀ fiə ghâsènì.

Ɛfesùs 3:14

Ə̀ za nyi eghɛ zɛ ə ze nə̂yn m vɛ m tɨm ndzɨs ghɨmə ə Pɨ̀a ə shi tsə̂mə̀ sê ghàyn,

Filìpây 4:13

M kaʼa m tsɛ tɔynê nâʼàpî mtsəfle m̀kè tɔynə̂ atyaʼ kɛ ə Klâys fo sê mi.

Kòlosè 3:17

Nâʼàpî èghɛ èkè, kə ghàyn wàmnə̀ ndò kɨ̀sə ghàyn nə̀ ndò, ghàyn e nə̂ ezə ə Pɛ̂pɛ Njisə̀szè. Ghàyn fo zɔ̀ŋnèkè sê Zhə̀fè Pɨ̀a ghâsènì.

Ipilù 13:15

Ə ghâsènì ə tsîtə̀ Fèzhə̀ shîŋə̀ tekɨ̂m kə efo ə ghasènìze tɔynə̂ ə Njisə̀s. Zɨnə mə nyi kə efo ə ghâsènì fo è kyə̀ ècho se tyə̀yn nə è nyi Pɛ̂pɛ.

Ipilù 4:15

Ghâsènì nyiə kyi wùə èkɔʼsə nə eshyə̀ engaŋtə kwəynə, è fɛtê ke tèndom tɛ ə ghâsènì pɔlə̂ ətəyn, kosə̂ èsəyn sê ghâsènì, mə mɔ̂m zè ə tè pə̀yn sê vəyn kè ə tendom ə tendom, kèpi kə ze pə̂ sê ghâsènì, pîza è və tàʼa nə̂ pi.

Ipilù 7:25

Ə̀ za nyi eghɛ zɛ ə è nyi pî ashìŋə̀ àkè mə è kàʼa è sɔza ə̀ghɨ ghɛ ə ghe pə̀ sê Zhə̀fè mə ə tɔyne tsɛ̂ ə və gho kûmə̀ nə è nyîə ndamə faŋə, chyatə̂ Fèzhə̀ ə ghənə elùʼ.

Njə̂m 1:5

Pîza, ə wùə se ghàyn làʼà tɔf eghaʼâzè, e və tsə̀mə̀ sê Zhə̀fè, ə Fe fo zəynze sê vəyn kûmə̀ nə Zhə̀fè fo sê nâʼàpî ndè èsaŋnêzè, e vayn zɔ̀ ə ghô ashìŋə̀ kɛ ə ò pfɨf sê vəyn.

Njə̂m 5:16

Nyiəmə, ghàyn e tsâ sèpi saynse sê ngɨŋ saynse, tsə̂mə̀ sê ngɨŋ saynse kə Zhə̀fè ə tsuʼə ghàyn. Tsə̂m ə wûə ə̀ chichize nyîə kyi kàyntè àtyaʼ, nə̂ ghɛ ə kayntəghe e kyânə̀.

1 Pità 2:5

Ghàyn pɔŋ nyi kepî kə əchi ghɛ ə ghe kyi ndamze. Ghàyn za ngɨŋ saynse kə ə nji ghàyn ə pɛ ndɛ ə̀ Fèzhə̀ ətəyn, mə ghàyn fɨaʼà kə əghɨ èkɔʼsə nə eshyə̀ ə ŋwaʼaghe, fo tèfo tɛ ə zuʼsə Fezhə̀ sè chiyntə nə ghənə ə fo mə Zhə̀fè nyîə fiə təynte kûmə̀ èghɛ zɛ ə Njisə̀s Klâys nyi mə È və nə̀yn.

1 Njɔyn 3:22

Mə ghâsènì pfɨfə pi ghè sê vəyn ə è fo kûmə̀ nə ghâsènì nyîə ndə̂mə̀ èlwɔ̂ŋ ə Vəynve, fɨnə nə̂ ə̀ghɛ ghɛ ə è kɔ̂ŋɔ̀.

1 Njɔyn 5:14

Ə ghâsènì tyəm ə Zhə̀fè əshi ə pfɨfə nâʼàpî ghè endom vɛ ə è kyiŋə ə ghâsènì ə ke nə è nə̀ zɨə ndò sê ghâsènì.