Njɔyn 14:12 - Ŋwàʼlè ə̀ Fèzhə̀ Mkâyn Mə̂ Fèm

¹² M pîə sê ghàyn səmɔʼ nə, ghɨ ghɛ ə pomə sê Mi nə̀ nə̂ ə̀ghɛ ghɛ M nə̂. Ə nə̂ piə ə̀ghɛ ghe tsɨ̂ə tsɛ ghɛ m nə̂ kûmə̀ nə M ndûə se pɨ̀a

Njɔyn 14:12 ပူးပေါင်းရင်းမြစ်များ

Matyò 21:21

Njisə̀s ə pə̀ynsə̀ sê ghənə nə, “M piə sê ghàyn səmɔʼ nə, ə ghàyn kyi pomə̂zè mɛnə̂ chîəva ndô, ə ghàyn ə nyi se kàʼa ghàyn nəyn ghɛ zɛ ə m nə̂yn sê kâʼ fə sèfîk fɨ̂nə̀ ə fɨyn pi nâʼà sê pfɨ̀yn èngaŋtə zɨ̂nə̀ nə, ‘Mùʼə ə ndùə tânə̀ ə enjwì ə fengwaŋve,’ ə è nəyn ke kə ghàyn pì.

Ŋwàʼlè ə̀ Mâk 11:13

È və pìə e naynə̂ ndù ndò ə fe fekâʼ fə sefîkfè, fe tyəm nâʼà sə aghaf mə fə zɨə nâʼà achûŋ. È və ndùə esâs ə̀təyn se fe nə e nə̂ fe ndò twɔmvə, pîza ə fe kə tèsɛ̂, kûmə̀ nə ə tè va ashîŋə̀ kɛ twɔmve nə vɛ muə ətəyn.

Ŋwàʼlè ə̀ Mâk 16:17

Ghɨə poməghe nə kyîə àtyaʼ sə̂ nə̂ ə̀ghɛ kayntəghe: Ghənə nə chûmə̀ fɨsə̂ tèpamə̂ tə satàyntè ə mì ezə, ə fɨnə wàmnə̀ tèwâmnè tîte ndɔ̀ʼɔ zaʼle.

Njɔyn 14:28

Ghàyn ə zɨ kə m pî nə, ‘M ndô zâ ghàyn ə m ndu kɛse pəyn sê ghàyn.’ Ə ghàyn kɔ̀ŋɔ̀ Mi, ə ghàyn ə nyi èsaŋnêzè nə m ndùə se Pɨ̀a kûmə̀ nə Pɨ̀a nyîə ngaŋtə̂ tsɛ̂ Mi.

Njɔyn 16:7

Pîza, m pîə sê ghàyn səmɔʼ nə, ə̀ nyi chùŋ sê ghàyn kə m ndô. Ə M taʼa ndò, Tsàmtè vayn pə̀yn sê ghàyn. Pîza mə m ndô, ə m ndu tom vəyn sê ghàyn.

Njɔyn 4:37

Ngàyn nə zɨnə mə nyi səmɔʼ mə è pìə nə, ‘Wùə mɔʼɔ zho, və mɔʼɔ ə kwìə.

Njɔyn 5:20

Kûmə̀ nə Pɨ̀a nyiə kɔŋə̀ Vayn, È chwìtə̀ Vəyn è ghɛghe əkɨ̂m ghɛ ə È nə̀ È ngɨŋə̂ Vəyn. È tə chwîtə̀ Vəyn è ghɛ ghaʼâghè ghe tsɛ̂ pîə ghɨnə zôyn ə ghàyn əkɨ̂m ə nyi èkaynze.

Njɔyn 7:33

Njisə̀s ə pìə sê ghənə nə, “M pa nyi ghâsènì kè sə fendiŋə̀ fə ashìŋə̀fè nyi, ə M kɛse ndu se vɛ ə è tom Mi.

Njɔyn 7:39

Njisə̀s tè wàmnə kûmə̀ Sezuʼ se Ŋwaʼa sɛ ə tè nyi se fo sê ghɨ ghɛ ə ghe pomə sê Vəyn. Ə̀ tè nyi zâ, Zhə̀fè nyi ndɔʼɔ fe nyiəm fo Sèzuʼ se Ŋwaʼase sê Vəyn kûmə̀ nə è tè pa nyi ndɔ̀ʼɔ È ndwise kɔyn ə Njisə̀s vè ekwùtwəyn se fo epomsê sê Vəyn.

Ətefɨ̂aʼ 10:46

Kûmə̀ nə ghɨ Njûs nə ghɨyn ə tə zɨ kə ghɨ nə ghɨnə ə̀ tè va əghɨ ə Njûghè wàmnə̀ wâmnè tə tendaʼ tə ndôtè ndɔ̀ʼɔ zaʼle, pɔmsə̂ Fèzhə̀ kûmə̀ ə̀ghɛ ə kayntə ghɛ ə Fe nə̀yn. Pità ə ke pì nə,

Ətefɨ̂aʼ 16:18

È və nə̀ zɨnə mə sə mtuʼlə̂, ə kɔʼɔ fɨə andiŋ kyîke, Pɔ̂l ə nyɔ̀ʼsə̀ ètɔŋ ə pìə se zuʼse pi nə sɛ ə se tè nyi ə ngɔ̀yn ə̀ vayn è zhɔyn nə vɛ ewìyn nə, “M kânə̀ sê ghò ezə Njisə̀s Klâyszè tsɛ fɨə ə vəyn ewìyn!” Zuʼse pi nə sɛ ə fɨə ə vəyn ewìyn kè sə ashìŋə̀ nə kɛ.

Ətefɨ̂aʼ 19:12

Ghɨ tè njiə sendzɨs se fɨaʼa sə Pɔ̂lsè è pɨ̂aŋ efɨa vɛ ə è tè zə̀sə zuʼseke ətəyn, ndùə è vəyn sê ghɨ zafə, fɨa nə vɨ̂yn e nə̂ ghɨ ətəynghe e tɛ, zuʼse epise e fɨnə fɨə ə ghənə ewìyn.

Ətefɨ̂aʼ 2:33

Zhə̀fè ə njì Vəyn elùʼ ekɔʼnəve, ə Vəyn ekɔyntwɔve. È və fo Vəyn è Zuʼse Ŋwaʼa sɛ ə È tè tsɨ̀ne nə È tə fo sê vəyn. Njisə̀s ə pɔŋ fo Zuʼse Ŋwaʼa nə sɛ se ghàs, ə̀ nyi səynse ə se nə̂ ghàyn e fe fɨnə zɨə nâʼàpî èghɛ èkè zɛ ə ze kyânə̀ ndâyn.

Ətefɨ̂aʼ 2:41

Kûmə̀ nyi, ghɨ tsɨə ghe ə pomə̂ ewâmnè ə Pità nə zɨ̂yn, ə fiə m̀mo. Ghɨghe ə paʼsə̂ anɔ̀yn ə ghɨe poməke etuʼ nə vɛ se zaʼâ sekam sèta.

Ətefɨ̂aʼ 4:16

pfɨfə nə, “Ə nyiə nə̀ gha nâʼàghè è ghɨ ghɨ̀nə? Nâʼàpî ndè ə Njèlusalɛ̀m se ke ndò ghɛ ekayntə eghaʼâ zɛ ə ghənə nə̂yn. Ghâsènì vayn kàʼa kwiynse nə ghənə paʼà nə̀yn.

Ətefɨ̂aʼ 4:33

Ghɨətom ə Njisə̀sghè tè ndàʼà nâʼà è tyaʼa sê ghɨ nə ghənə nyi se tsɛ̀ esaʼ nə Zhə̀fè ə tè zòmsè Pɛ̂ Njisə̀s. Zhə̀fè ə pɔsə̂ kwəynsə̂ ghənə ə̀kɨ̂m.

Ətefɨ̂aʼ 4:4

Pîza ghɨ tsɨə ghɛ ghe tè zɨ ghɛ ghɛ ə Pità yî Njɔyn tè zaʼlə, ə pomə, nɔ̂yn ə ghɨə poməke ə kɔʼɔ zaʼâ ndùə kam setâyn.

Ətefɨ̂aʼ 5:15

Ghɨghe ə fe ə̀ghɛ ə kayntə nə ghɛ ə ghɨətomə Njisə̀sghè tè nə, ze ə nə̀ ghənə e sè pɨaʼà ə̀ghɨ zafə mkwì è ghàmə̀m, fɨə ndə̂mə̀ kə ə tetitepì tendomte. Ghənə tè nə za è kwâʼtèzè nə Pità nə̂ piə è tsɛ̀ ndò, ə nyɨ̂ŋsè ə vəynke kom ghɨ ətəynghe.

Ətefɨ̂aʼ 6:7

Tom ə̀ Fezhə̀ e fɨnə zham ndûə kə èshike. Ghɨə poməghe ə Njèlusalɛ̀m e tsɨ̀ə ndùə kə ndò. Ghɨ kɔʼsə nə eshyə̀ ə tsɨəghe e zɨə èzaʼlê nə zɨ̂nə̀ ə pɔŋɔ pomə̂.

Ətefɨ̂aʼ 8:7

Filìp ə nə̀ zuʼ se pise e fɨə ə ghɨghe mwìyn pɨa chîə è kyə̀ ètɛ, tsɨ̀tsɨ̂ ə̀ghɨ̀ ghɛ ə pɨas ewìynve tè nyi mə və kwu è ghə m̀ngə̂s fɨəyn e kyîə è tsuʼ ə ghənə̂zè.

Ətefɨ̂aʼ 9:34

Pità ə pìə sê vəyn nə, “Èneyàs, Njisə̀s Klâys nə̀ tsuʼə gho zôyn. Ndwi ə fɛtə̂ èkwî vɛve.” Èneyàs ə ndwìə kə sə ashìŋə̀.

Ətefɨ̂aʼ 9:40

Pità ə pìə nə ghənə ə̀kɨ̂m fɨ ndu əpɨəyn. È və tɨmə ə̀ndzɨs ə vəynghe ə chi ə tsə̀mə̀ sê Zhə̀fè. È və kə̀mnə̀ ndûə èwiyn ə pìə sê pfɨyn ətəynze nə, “Tàpità, ndwi.” È və zàynsə̀ əshi ə vəynghe ə fe Pità, kè sə ashìŋə̀ ə ndwìə tsɨsə̂.

Ŋwàʼlè ə̀ Pɔ̂l sê ghɨə Lûmghè 15:19

M tè nəyn əghɛ nə ghɛ mə, atyaʼ ə sechwîəke, è ghɛ əkayntəghe, è kɨsè atyaʼ ə sezuʼ sə Fezhə̀sè. Zɨnə mə ə tə nə̀yn me ndaʼà tom e chùŋ ə̀ Klâys àchûŋ, kə m tè ndò ə Njèlusalɛ̀m se ndùə tàyn apàs endaʼ ə Ìlilikùmkè. Mə ndàʼà tom èchùŋ èkɨ̂m kûmə̀ Klâys.