Njɔyn 14:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Ò pomə va ə Filìp nə M nyi ə̂ Pɨ̀a vɨ̂mvè ewìyn, Pɨ̀a vɨ̂mvè e nyi ə Mì ewìyn ə? Njisə̀s ə pìə sê chùmtè èpàm sə vəynse nə, ghɛ ghɛ ə m pîə sê ghàyn va ə ghɛ ghɨmghə ngɨŋə̂. Pîza ə̀ nyi Pɨ̀a vɨ̂m vɛ ə è nyi ə Mi èwiyn ə È nə̀ fɨaʼa Vəynze.

Njɔyn 14:10 ပူးပေါင်းရင်းမြစ်များ

Njɔyn 10:30

Pɨ̀a è Mi nyi ke sə eghɛ èmɔ̀ʼ.”

Njɔyn 10:38

Pîza, ə M nə̂ fɨ̂aʼ ətəyn, ghàyn ə tàʼa pomə pì sê Mi, ghàyn ə pomə̂ ə̀ghɛ ghɨm ghe nəghe, endom kə ghàyn ke kwəynsê sə eshìŋə̀ ekwuŋsəze nə Pɨ̀a nyì ghasè Vəyn, M nyi ghasè Pɨ̀a kə ghè tə ghayn.”

Njɔyn 11:26

Mə ghɨ ghɛ ə ndamə ə pomə̂ sê mi, ə tə tàʼa kwu nâʼà səkɔs. Ò pomə̂ ndò zɨ̂nə mə ə?”

Njɔyn 12:49

Zɨnə nyì səmɔʼ kûmə̀ nə M tè paʼà wàmnè ə Mì atyaʼ pîza Pɨ̀a vɛ ə È tom Mi nyîə tsâ èghɛ zɛ M kyi se pì.

Njɔyn 14:11

Ghàyn pomə kə m pi nə, Pɨ̀a vɨ̂m nyì ə Mì ewìyn, M nyi ə Pɨ̀a vɨ̂mvè ewìyn. Ə̀ va za, ghànə pomə̂ kûmə̀ ə̀ghɛ kayntə ghɛ ə ghàyn fe kə m nə̂.

Njɔyn 14:20

Shìŋə̀ kɛ ə tuʼfə təynfe tə pə̂, ə ghàyn ke nə M nyi ə Pɨ̀a vɨ̂mvè ewìyn, è kɨsè nə ghàyn nyi ə Mì ewìyn kè eghɨ kə M nyi ə ghàyn ewìyn.

Njɔyn 14:24

Ghɨ ghɛ ə kɔ̂ŋɔ̀ va Mi, ghənə ndə̂mə̀ va zaʼlê tɨmte. Mə zaʼlê zɛ ə ghàyn zɨ vachi zɨmze, pîza ze ndo pə̂yn se Pɨ̀a vɛ ə È tom Mi.

Njɔyn 17:8

Mə fo tom zɛ ə Ò tè fo sê Mi sê ghənə, ghənə ə fiə zə̂ynzè ə pomə, ghənə nyîə ke nə ze nyi səmɔʼ nə M tè ndò sê ghò, ghənə pomə̂ kepî nə ə̀ tè tom ghô Mi.

Njɔyn 3:2

Tuʼ fîfe è tuʼve, è və ndùə sê Njisə̀s ə pìə se Vəyn nə, “Tyə̀ynsè, ghàs ke ndô nə ò nyi tyə̀ynsè mə ə̀ tom Fezhə̀. Wùə vîvè vayn kàʼa è nəyn ghɛ ə kayntə ghɛ ə Ò nə̀ ə̀ tsɛ̂ kə va mə Zhə̀fè nyì yî vəyn.”

Njɔyn 5:17

Njisə̀s ə pə̀ynsə̀ sê ghənə nə, “Pɨ̀a Vɨ̂m ndamə fɨaʼa kə ndò, mə M pɔŋ kyi se fɨ̀aʼà kə zamə.”

Njɔyn 5:19

Njisə̀s ə ke pə̀ynsə̀ ghənə nə, “M pîə sê ghàyn səmɔʼ nə Vâ Fèzhə̀ vayn kàʼa è nəyn ghɛze sə və ngɨŋ, È nə̀ kə èghɛ zɛ È fe Pɨ̀a e nə̂. Ghɛ zɛ ə Pɨ̀a nə̀, ə̀ nyì kepî zəynze ə Vayn nə̂.

Njɔyn 7:16

Njisə̀s ə pə̀ynsə̀ nə, “Ghɛ zɛ M zaʼlə vachi Zɨm nə ezaʼlê, pîza ze pə̂ se Zhə̀ Fɛ Fe tom mi.

Njɔyn 8:28

Njisə̀s ə pìə sê ghənə nə, “Ghàyn tə kɔʼsə̂ Va wùə ə awâmnè, ə paynte Vəyn, ə ke nə, ‘M nyi wùə vɛ M pîə nə M nyi Vəyn,’ Ə fɨyn kê nə M nə̂ va ghɛ sə mìə ngɨŋ, pîza piə kə èghɛ zɛ Pɨ̀a nyi mə È və pì nə M pi.

Njɔyn 8:38

M tsâ kə èghɛ zɛ ə Pɨ̀a Vɨm tyə̀yn sê Mi, ghàyn nə̂ kə zɛ ə pɨ̀a vâyn tsàyn sê ghàyn.”

Njɔyn 8:40

Nâʼà ə̀ghɛ ə̀kɨ̂m ghɛ M nyi mə mə tyə̂m nəyn nyi nə m tsayn səmɔʼ sê ghàyn zɛ m zɨ sê Zhə̀fè, pîza ghàyn e mɔ̂msə̀ se zhwiə mi. Ə̀ zɨnə vachi èghɛ zɛ Aplàghâm tè nəyn.

Ətefɨ̂aʼ 10:38

Ghàyn kyi sə̂ ke nə Zhə̀fè ə tə kɨmnê Njisə̀s, ə wùə Nazalɛ̀t, ə fo Sezuʼ se Ŋwaʼase sê Vəyn è tyaʼa. Njisə̀s tè kwiə ka kə luʼ tekɨ̂m, nə̂ əghɛ echûŋə̀. Kə Zhə̀fè tè nyì yî Vəyn, È tè tsuʼə nâʼà pîndè vɛ ə è tè nyi ə ndə̂plè etyə̂ àtyaʼ.

2 Kolìŋ 5:19

Ghɛ zɛ ə ghàs pìə nyi nə Zhə̀fè tè kɛse njî pəyn ə̀ghɨ ə̀kɨ̂m se ngɨŋ ə vəyn tɔynə̂ ə Klâys. È lɛ̀se fo sèpi sə ghɨ̀sè ə fɨnə fo tom sê ghàs, nə ə ndàʼà èndom vɛ ə ghɨə kaʼa kɛse pəyn sê vəyn ətəyn.

Kòlosè 1:19

E nyi nyî kûmə̀ nə Zhə̀fè ə tə kɔ̀ŋ Vəyn ə ndə̀mə̀ Vəyn nə È və nyi èghɨ kə̂ Vəyn nâʼàpi ə ghe.

Kòlosè 2:9

Kə ghàyn pomə nə tyə̀ynsè sə akaŋ nə sɛ mə lese ghàyn kûmə̀ nə tyaʼke è tsɨ̂nè ə̀ Fèzhə̀zè nyì ndô əfètəyn èwìyn ə wûə m̀sɔ̀ŋ ə Klaysvè.

1 Njɔyn 5:7

Kûmə̀ nə ə̀ nyi əghɨ ə̀ ta ə ghe tyəm tsɛ̀ èsaʼ ekwùtwəyn, ə̀ nyi pɨ̀a, è vayn, è Zuʼse Ŋwaʼase. Ghɨ nə ghɨnə mə ə ta nyi sə afɨa àmɔ̀ʼ. Ndomte nyi teta se kê ə səmɔʼ kûmə̀ Njisə̀s.