Njɔyn 13:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Ə pə̀ kə ghənə sè zhiə fɨazhiəve, Njisə̀s ə ndwìə etuə alaŋ əzhike, ə chɔʼɔ sèndzɨs sə vəyn sə pɨəynse ə kolə̂ tawùlə̀ ə və chɨ̀ŋə fèkò,

Njɔyn 13:4 ပူးပေါင်းရင်းမြစ်များ

Tom èchùŋ kè kə Lûk tè nyaʼ 12:37

Ə pɛ̀ èfɨ̀aʼ kɛsə̂ kwɨlə̂ ə fe əghɨ fɨaʼa vəyn nə ghɨyn ghe kyâʼà, ə saŋnêzè ə nyi sê ghənə. M piə sê ghàyn səmɔʼ nə, kè nâʼà vəyn sə və ngɨŋ nəyn, ə ghənə tsɨsə elùʼ e zhiəe, ə è pɨaʼte ngɨŋ ə vəyn ə è tsɛ̂se fɨazhiəe sê ghənə.

Tom èchùŋ kè kə Lûk tè nyaʼ 17:7

Ghàyn ndə̀m tso nə wùə ə ghayn ə fètəyn kyi wùə, è ve fɨaʼà sê vəyn ə mbvɨyn kɨ̀sə è tsɨ̀ŋnə̀ sepfɨ. È və ke kɛsə̂ kwɨlə pə̀ afùʼ, ə ò pi sê vəyn nə è zaŋse tsɨsə̂ zhi mə?

Tom èchùŋ kè kə Lûk tè nyaʼ 17:8

Piə è kwɨlə̂ pə̂ nyi, ə ò pì ke nə è kwiynê ndzɨse, ə è kwunə fɨake ə è fo ə ò zhi ə è fɨyn fo afɨa ə ò mɨ tsɔ̀fə kə nâʼà vəyn zhi ə è fɨnə mɨ ə?

Tom èchùŋ kè kə Lûk tè nyaʼ 22:27

Wùə ə ngaŋtə nə̀ nə̂ ə se nyi vɨ̂yn və, e vɛ e tsɨs zhiə kə ndò mə, e vɛ e tsɛsə fɨazhiə və? Piə ə nyi vɛ e tsɨs, zhiə kə ndo? Se mi m nyi ə ghàyn ə fètəyn kə wùə èfɨaʼa.

Njɔyn 13:12

Ə pə̀ kə Njisə̀s shù mɨ̂sè ghol ə ghənə̂ghè, ə kɛsə̂ mâʼà sèndzɨs sə vəynse, ə ndùə tsɨsə̂ ə Vəyn ə fekyə̀. Ə ke pfɨf sê chùmtè èpàm sə vəynse nə, “Ghàyn ə kê ghɛ zɨ̂nə̀ ə m nə̂yn sê ghàyn ə?

2 Kolìŋ 8:9

Ghàyn kendô fùʼ kɛ ə Pɛ̂pɛ ə̀ ghâsènì Njisə̀s Klâys tè tyə̀yn sê ghâsènì. È tè nyi wùə èkɛ, ə kɛsə fɨfə kûmə̀ ghàyn, kə fɨfə Vəynke nəyn, kə ghàyn ə nyi ə̀ghɨ kɛghe ə Zhə̀fè shi.

1 Njɔyn 3:11

Ə̀ zɨ̀nə nyi tom zɛ ə ghàyn tè zɨ ə zhə̀te nə, ghâsènì ə kɔ̂ŋə̀ sèngɨŋ sə ghasènìse.