Njɔyn 13:35 - Ŋwàʼlè ə̀ Fèzhə̀ Mkâyn Mə̂ Fèm

³⁵ Ə ghàyn kyi kɔ̂ŋ sê wùə èmɔ̀ʼ emɔ̀ʼ, ə nâʼàpî ndè ə ke nə ghàyn nyi sechùmtè èpàm sɨmse.”

Njɔyn 13:35 ပူးပေါင်းရင်းမြစ်များ

Njɔyn 17:21

M tsə̂mə̀ nə ghənə ə tsɨ̂yntè nyi ke sə eghɛ èmɔ̀ʼ, kèpî èghɨ kə Ghò ə Pɨa Vɨm nyi ə Mì ewìyn, M nyi ə Ghò ewìyn. Nə ə ghənə faŋ sê ghasè Ghò kə ghɨ mbi ghɨnə pomə nə ə̀ tom Ghò Mi.

1 Njɔyn 2:10

Pîza mə ə kɔ̂ŋɔ̀ pîndè ànyìə vəyn, ə ze ə tyə̂nə̀ nə è ndamə epayn, ghɛ zhîze va ə vəyn endam se nə̀yn nə wùə pfɨ əfètə̂ pi.

1 Njɔyn 2:5

Pîza mə ə ndə̀mə̀ pîndè ghɛ zɛ ə fe piə, ə kɔ̂ŋ zɛ ə è kyi sê Zhə̀fè ə nyi mə zə lwiyn kwəyn. Ə̀ za nyi endom vɛ ə ghâsènì ke ətəyn nə ə nyi sə afɨa amɔ̀ʼ ghasènìə ghə̀ Zhə̀fè.

2 Njɔyn 1:5

Wùzhɔyn, m pîə sê ghò nə ghâsènì ə kɔ̂ŋə̀ sèngɨŋ sə ghasènìse. M fo chîə va lâŋ ə feke sê ghò, ə pa nyi ke kɛ ə tè kyi nâʼà ə zhə̀te.