Njɔyn 13:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ M pîə sê ghàyn səmɔʼ nə, ə̂ fi ndzɨse pîndè wùə vɛ ə m tom, ə ə̀ nyi mə è fi ndzɨsê mi, ə̂ fiə ndzɨsə̂ pîndè mi, ə ə̀ nyi mə è fi ndzɨsê vɛ ə è tom mi.”

Njɔyn 13:20 ပူးပေါင်းရင်းမြစ်များ

Matyò 25:40

Ə fɔ̀yn pəynse nə, ‹M pîə sê ghàyn səmɔʼ nə, nâʼàpî ghè vɛ ə ghàyn tè nə̀yn sê wùə èmɔ̀ʼ vɛ è chùmtə̀ mi mə è kɔʼnə̂ va, ghàyn tè nə̀yn sê Mi.›

Ŋwàʼlè ə̀ Mâk 9:37

“Ə̀ tɔ̀ʼnè pîndè è vâyn nyiə kə vɨ̀nə kûmə̀ mi, ə nyi mə è və tɔ̀ʼnə̀ èmi, ə vɛ ə è tɔ̀ʼnə̀ mi ə ke nə è tɔ̀ʼnə̀ e vɛ ə è tom mi.”

Tom èchùŋ kè kə Lûk tè nyaʼ 10:16

È və wàmnə̀ zâ ə se pi sê ghɨətom nə ghɛ nə, “Nâʼàpî ndè vɛ ə è zɨ ghàyn, ə zɨ mi. Nâʼàpî ndè vɛ ə è toynse se zɨə ghàyn, ə toynse se zɨə mi. Vɛ ə è toynse mi, ə toynse vɛ ə è tom mi.”

Tom èchùŋ kè kə Lûk tè nyaʼ 9:48

ə piə sê ghənə nə, “Ə̂ tɔ̀ʼnə̀ pi ndè è vayn nyiə kə vɨ̀nə kûmə̀ mi, ə nyi mə è tɔ̀ʼnə̀ è mi. Ə vɛ ə è tɔ̀ʼnè è mi ə ke nə è və tɔ̀ʼnè è vɛ ə è tom mi. Ghàyn ke nə wùə vɛ ə è tətə kwûŋsə̀ ə ghàyn əfètəyn əkɨ̂m nyi vəyn vɛ ə è ngaŋte tsɛ̂.”

Ngàleshyà 4:14

Zaf zɨm nə zɛ ə tə fo fɨmsêzè sê ghàyn, pîza ghàyn ə tàʼa wəyn ə mi, ə tàʼa mâʼà mi. Pîza, ghàyn tè pɨl fi mi kə ghàyn fiə tsì, è kɨsè kəpiə m tè laynse nyi Klâys Njisə̀s.

Kòlosè 2:6

Kə ghàyn nyi mə ghàyn ə tə pomə̂ Klâys Njisə̀s kə Pɛ̂pɛ vâyn, ghàyn e pa nə̂ kə ə̀ghɛ kə è kyiŋə.

1 Tèsàlonikà 4:8

Ə̀ kwiynsə̂ nâʼàpî ndè ghɛ zɛ ə ghàs zaʼlə, ə è və kwiynsə̂ va wùə, pîza kwiynsə̂ Fèzhə̀ fɛ ə fe fo Zuʼse Ŋwaʼa sə vəynse sê ghàyn.