Njɔyn 13:2 - Ŋwàʼlè ə̀ Fèzhə̀ Mkâyn Mə̂ Fèm

² Ə nə̀ kwɨlə̂ sè zhiə ashìŋə̀ ezhwikwɨləke, ə̀ nyi zâ mə ndə̂plè ə fo kwâʼtè epize sê Njondàs Èskalɔ̀t, ə va Shimùyn, nə è pəʼle Njisə̀s.

Njɔyn 13:2 ပူးပေါင်းရင်းမြစ်များ

Matyò 10:4

ə fɨyn nyi Shimùyn ə wùə vɛ ə è kyi ndaʼə vəynze ətəm (àlwù), è Njondàs Èskalɔ̀t vɛ ə è tè kɛse pəʼle Njisə̀s.

Tom èchùŋ kè kə Lûk tè nyaʼ 22:3

Satàyn ə njiə ə Njondàs ewìyn vɛ ə ghɨə te tɔŋtə kəpiə nə Èskalɔ̀t, ə̀ nyi kepî wùə èmɔ̀ʼ əfètə̂ se chùmtè èpam sə Njisə̀sè njò sepɛ̀.

Tom èchùŋ kè kə Lûk tè nyaʼ 22:31

Njisə̀s ə fɨnə tɔŋtə Shimùyn ə piə nə, “Shimùyn, Shimùyn, o kɛ nə Satàyn ə ndɔyn ndom se shə̀ʼ ə ghô kə ə nə̂ shə̀ʼə̀ m̀pfɨ̂ŋ,

Njɔyn 13:11

Njisə̀s tè nyiə kâynè ke wùə vɛ ə è nə̀ pəʼlə vəyn, ə̀ za nyi eghɛ zɛ ə è tè pi nə, ə̀ vachi ə̀ghɨ ə̀kɨ̂m kə ə zo.

Njɔyn 13:4

Ə pə̀ kə ghənə sè zhiə fɨazhiəve, Njisə̀s ə ndwìə etuə alaŋ əzhike, ə chɔʼɔ sèndzɨs sə vəyn sə pɨəynse ə kolə̂ tawùlə̀ ə və chɨ̀ŋə fèkò,

Ətefɨ̂aʼ 5:3

Pità ə pfɨfə nə, “Ànàniyàs, ò za nə Satàyn nji ə ghò ətəm kûmə̀ ghè? Zôyn satàyn ə nə̀yn nə ò wam sê Zuʼse Ŋwaʼase ə ò ndətə pɨaʼa kɛ kɛ ə ò pəʼle fɨa vɛ ve ətəyn.

2 Kolìŋ 8:16

Zɔ̀ŋnèkè ndùə sê Zhə̀fè kə fe nə̀yn Taytùs nə è və kyi èkɔ̂ŋ ətəyn se tsàmtè ə ghàyn kèpi endom vɛ ə ghàs kyi.

Ɛfesùs 2:3

Ghâsènì əkɨ̂m tè ndamə kə kə ghɨ ə pi nə ghɨ̂yn sə shi, nə̂ kə əghɛ pi ghɛ ə njà sewìynse ə ghasènìse kɔ̂ŋɔ̀, ə̀ fɔmə pî ghè, e nə̂ kə ndò. Ndamə senjà se wìyn nə sɨ̂yn tè tyə̀nə nə ghâsènì nyîə kwəynə̂ kə se tə kyî etsôs eghaʼâvè sê Zhə̀fè kə ghɨ mɔ̀ʼɔ.

Etyə̂yn ə paynsêzè 17:17

E nyi nyî kûmə̀ nə Zhə̀fè ə ndə̀m ə ə ghənə ətəm nə ghənə ə nə̂ kə èghɛ zɛ ə è kyiŋə, tɔynə̂ ə ghənə etsɨ̀yntè se fo atyaʼ kɛ ə ghənə kyi sə saʼa sê nyàm èpamə nə zɛ se zaʼâ kə wâmnə̀ ə Fezhə̀zè tə pəyn səmɔʼ.