Njɔyn 13:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Ghàyn tɔŋtə̂ mi nə tyə̀ynsè, fɨnə tɔŋtə̂ nə Pɛ̂pɛ, e nyi ke nâʼà səmɔʼ kûmə̀ nə ə̀ lote nyi àfɨa kɛ m nyi kəynke.

Njɔyn 13:13 ပူးပေါင်းရင်းမြစ်များ

Matyò 20:28

E za nyi kepî eghəs kə Va Wùə tè tàʼa pə̀yn nə ə fɨ̂aʼà sê vəyn. È tè pə̀yn sə̂ fɨ̂aʼà sê ghɨ, se fɨnə fo ngɨŋə̂ ə̀ vəyn se sɔzà əghɨ tsɨəghe.”

Tom èchùŋ kè kə Lûk tè nyaʼ 10:28

Njisə̀s ə piə sê vəyn nə, “Ò fɨ̀ysè ke nâʼà àchûŋ. Ndùə ə ò nə̂ kə zâ, kə ò tə kyi endam zɛ ə ze tə mîə va.”

Tom èchùŋ kè kə Lûk tè nyaʼ 6:46

Kûmə̀ ghè ə ghàyn tɔŋtə kə mi nə ‘Pɛ̂, Pɛ̂pɛ,’ shîŋə̀ tèkɨ̂m, nə̂ va ghɛ zɛ m piə sê ghàyn ə?

Tom èchùŋ kè kə Lûk tè nyaʼ 7:43

Shimùyn ə pə̀ynsə̀ nə, “M kwàʼtə̀ nə ə̀ nyi vɛ ə zâ kɛe tsɨə sê vəyn.” Njisə̀s ə piə sê vəyn nə, “Ò pi ke nâʼà səmɔʼ.”

Njɔyn 11:2

Mèli tè nyi wùə vɛ ə è te sɨs ngwɨl me lɨ̀mtə̂ tsofə̂ mɛ ə Njisə̀s əghòl ə zə̀sə̀ è nyuŋ sə atu sə vəynse. Ə tè nyi ànyìə vəyn Lazalùs kə è tè zafə

Njɔyn 11:28

Ə pə̀ kə Maltà pì zɨnə mə, e və kɛsə̂ ndûə ə nyaʼtə̂ tɔŋɔ ànyìə vəyn Mèli ə pìə sê vəyn nə, “Tyə̀ynsè ə pə̀yn pfɨfə ghò.”

Njɔyn 11:3

Ghɔnyì nə ghɨ̂yn ə ke tomə tom sê Njisə̀s ə pìə nə, “Pɛ̂pɛ, soyn vɛ vɛ ə Ò kɔ̂ŋɔ̀ zâ nyîə zafə.”

1 Kɔlìŋ 12:3

M kyiŋə nə ghàyn ke nə wùə vîvè va mə chisə Sèzuʼ sə Fezhə̀sè è vəyn ə è kàʼa è pi nə, “Ə ndi ə Njisə̀s ə tu” mə wùə vîvè vayn kàʼa è pi nə, “Njisə̀s nyi Pɛ̂pɛ,” mə ə̀ chisə va Zuʼse Ŋwaʼase vəyn.

1 Kɔlìŋ 8:6

Pîza ghâsènì, e ke nə, Zhə̀fè nyì ke fèmɔ̀ʼ, mə za nyi Pɨ̀a. Ə̀ fɛte Vəyn fɨave ekɨ̂m, ghâsènì e ndamə mə ə zaʼnə̂ kə se vəyn. Ə̀ fɨyn nyi ke Pɛ̂pɛ emɔ̀ʼ, mə ə̀ za nyi Njisə̀s Klâys, mə ə tè fɛte efɨa ekɨ̂m toynə̂ ə Vəyn, ghâsènì nə ndamə kə kûmə̀ vəyn.

Ɛfesùs 6:9

Pɛ̀ efɨ̀aʼghè, ghàyn e pɔŋɔ fɛtə kyîə ə̀ghɨ fɨaʼa ghaynghe. Kə ghàyn nə kwayntə ghɛ sê ghənə. Ghàyn e ke nə wùə vɛ ə è nyi pɛ̀ èfɨ̀aʼ sê ghàyn əkɨ̂m nyi ekwùtwəyn, njîə nâʼàpî ndè kè eghɨ.

Filìpây 2:11

ə nâʼàpî ndè pi ə ndayn nə Njisə̀s Klâys nyi Pɛ̂pɛ, È pîə nyi, pomsê ətəynze e ndûə sê Zhə̀fè, ə̀ nyi pɨ̀a.

Filìpây 3:8

Ə̀ va ke zɛ mə, m fe nâʼà pîghè nə ə̀ nyi kàyntè ènjìsè, ghɛ zhîze e va zɛ ə ze ghaʼa tsɛ̂ se ke Njisə̀s Klâys kə Pɛ̂pɛ. Kûmə̀ vəyn, mə màʼà ghɛghe əkɨ̂m, fe ghəynghe kə eliŋ kə m kaʼa m ke Njisə̀s Klâys.

Njə̂m 2:19

E tsɔ̂fə̀ kə ò pomə nə Zhə̀fè nyì ke fèmɔ̀ʼ! Nâʼàpî tèpamə̂ tə Satàyntè nyîə pomə̂ kə pîza fɨnə tsɨŋtə̂ è fâynzè.