Njɔyn 13:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə̀ tè faŋ fetuʼ kə ə zhi Zaʼatsɛze, mə Njisə̀s se ke ndò nə shîŋə̀kè ə kwəyn kə È ndo fâ mbi ə È ndu sê Pɨ̀a Vəyn. È tè nyîə kɔ̂ŋɔ̀ ə̀ghɨ ə mbi ghɛ ə ghe tè pomə sê Vəyn, È və tyə̀ynə̀ èkɔ̂ŋ ə vəyn sê ghənə se nduə fɨ ə kwùŋse.

Njɔyn 13:1 ပူးပေါင်းရင်းမြစ်များ

Matyò 26:45

È və tsə̀mə̀ mɨ̂sə̀ ə kɛsə̂ ndûə sê chùmtè èpàm sə vəynse ə pfɨfə sê ghənə nə, “Piə e za nyi nə ghàyn pa tɔ̀ʼɔ̀ pɨəynə kə ndò, zɨ̂tə̀ ə? Ghàyn e ke nə shîŋə̀kè ə kwəyn e sè kyiŋə se fo Va Wùə ə ghɨ pighe əgho.

Matyò 28:20

Ghàyn zaʼle kepî ghənə nə ghənə chûmtə̀ nâʼà ə̀ghɛ ə̀kɨ̂m ghɛ m pî nə ghâyn ə nə̂. Ghàyn e ke nə m nə nyi ghasè nyì shîŋə̀ tekɨ̂m, se zaʼâ kə mbi tə mi.”

Tom èchùŋ kè kə Lûk tè nyaʼ 22:53

Piə ma zɨsə kə ghâsènì tuʼ mə m̀kɨ̂m ə Ndɛ Ètsə̀mə, ghàyn kyiə va mə? Naʼapi sə kàyn, ə kwəyn ashìŋə̀ kaynke, mə nyi ashìŋə̀ kɛ ə Pɛ̀ atyaʼa lɨma saʼa ətəyn.”

Tom èchùŋ kè kə Lûk tè nyaʼ 9:51

Njisə̀s ə tə ndə̀m nə è kɔʼɔ ə Njèlusalɛ̀m kûmə̀ nə shîŋə̀kè tè se paʼsə̂ pə̀ kə ə nji kɔʼ è vəyn ekwùtwəyn.

Njɔyn 11:55

Tuʼ mə̂ Èzaʼa tsɛ̂ mə ghɨə Njûsə̀m ə paʼsə, ghɨghe e kɔʼɔ ə Njèlusalɛ̀m, tsɨ̀ə kə nyi, se shùə se ngɨŋ sə ghənə̂sè endom vɛ lâŋ ə Mosîskè tè chwìtə, se pɨaʼtê se tuʼ fe zaʼâ tsɛfe.

Njɔyn 12:23

Njisə̀s ə pìə sê ghənə nə, “Shîŋə̀kè ə kwəyn zôyn kə Zhə̀fè ndwise kɔyn ə Vâ Wûəkè ekwùtwəyn.

Njɔyn 13:29

Kə ə̀ tè se ndə̂mə̀ Njondàs èkɛve, chùmtè epàm sə Njisə̀s shîse e sè kwâʼtə̀ kə nə è pìə nə Njondàs zhɔyn fɨa vɛ kə tuʼve zo, ə zhi etuʼ azhi ezaʼa tsɛve ətəyn, ə̀ va zâ ə è və pîə nə è fo kɛve sê ghɨ afɨfghe.

Njɔyn 13:3

Njisə̀s tè nyîə ke nə Pɨ̀a ə fo tyaʼke sê zhi etûə èfɨa èkɨ̂m. È ve ke kepî nə zhi ndo pə̂yn se Zhə̀fè, kɛsə̂ ndûə se Zhə̀fè.

Njɔyn 13:34

M fo èsaʼ e feze sê ghàyn zôyn nə ghànə kɔ̂ŋɔ̀ sèngɨŋ saynse. Kè kə M kɔ̂ŋ ghàyn, ghàyn e kɔ̂ŋɔ̀ kəpî sèngɨŋ saynse.

Njɔyn 14:28

Ghàyn ə zɨ kə m pî nə, ‘M ndô zâ ghàyn ə m ndu kɛse pəyn sê ghàyn.’ Ə ghàyn kɔ̀ŋɔ̀ Mi, ə ghàyn ə nyi èsaŋnêzè nə m ndùə se Pɨ̀a kûmə̀ nə Pɨ̀a nyîə ngaŋtə̂ tsɛ̂ Mi.

Njɔyn 14:31

pîza ghɨ mbiə e kyi sə̂ ke nə m kɔ̂ŋɔ̀ ndò Pɨ̀a, nə̂ kə èghɛ zɛ ə è pì nə mə nə̂. Ghàyn pəyn ə ghâsènì ndo fa elùʼ.”

Njɔyn 16:28

M tè ndò sê Pɨ̀a Vɨ̂m ə pə̀ ə mbi, zôyn M zâ mbi kɛsə̂ ndûə se Pɨ̀a Vɨm.”

Njɔyn 17:1

Ə pə̀ kə Njisə̀s wàmnè mɨ̂sè ghɛ nə ghɨ̂yn ə naynə̂ kɔʼsə̂ è kwùtwəyn ə tsə̀mə̀ nə, “Pɛ̂, shîŋə̀kè ə kwəyn zôyn. Fo pomsê ekayntəze sê Vayn vɛ, kə Vayn vɛ̂vè fo pomsê ekayntəze sê Ghò,

Njɔyn 17:16

Ghənə vachi ə̀ghɨ mbiə, kèpi eghɨ kə M vachi wùə mbi.

Njɔyn 17:26

Mə nə̀yn kə ghənə ke èzə Zɛze, mə M nə̀ ndûə kə shi sə̂ nə̂ nyiə mə endom kə kɔ̂ŋ zɛ ə Ò kyi sê Mi ə nyi se ghənə, kə Mi è ngɨŋ Zɨ̂mzè ə pɔŋ nyi ghasè ghənə.”

Njɔyn 17:5

Pɛ̂! fo mi èpomsê ekayntəze zôyn, kèpî èpomsê ekayntə zɛ ə M tè kyi ghasè ghò tsɔ̀fə kə pom mbi.

Njɔyn 18:4

Njisə̀s tè nyîə ke nâʼàpî èghɛ èkè zɛ ə ze tè nyì se kyàyn se Vəyn. E və fɨə ndûə ə ghənə əshi ə pfɨfə sê ghənə nə, “Ghàyn kyiŋə ndè?”

Njɔyn 19:28

Epàm ətəyn, Njisə̀s ə fe nə ghɛ ghəkɨ̂m ə mì kə ə tè nyaʼ. Kèpî se lwiynse eghɛ zɛ ə tè nyàʼ ə Ŋwàʼlè ə̀ Fèzhə̀. È və ke pì nə, “Chɨ̀ŋə̀ m̀mò nyîə zafə Mi.”

Njɔyn 2:13

Ə tè se paʼsə̂ pə̂ ashìŋə̀ kɛ ə ghɨ ə Njûsə̀ tè nə̂ e zhiə è zaʼâ tsɛ zə ətəyn, Njisə̀s ə ke ndo ndù endaʼ ə Njèlusalɛ̀mzè.

Njɔyn 6:4

Shîŋə̀ azhi ezaʼa tsɛke tè paʼsə pə̂ ndò.

Njɔyn 7:30

Ghənə e sè kyiŋə se kyîə Vəyn, pîza wùə vîvè ə tàʼa mɔ̀mə Vəyn è ghoke kûmə̀ nə shîŋə̀ Vəynke tè nyi mə ke paʼà nyìəm kwəyn.

Njɔyn 7:6

Njisə̀s ə ke pì sê ghənə nə, “Shîŋə̀ kɨmke paʼà nyìəm kwəyn. Ə̀ nyi sê ghàyn, shîŋə̀ kaynke nyi ke shîŋə̀ tekɨ̂m.

Njɔyn 8:20

Njisə̀s tè piə əghɛ nə ghɨ̂yn ə̀kɨ̂m mə è zaʼlə̂ ə Ndɛ Ètsə̀mə, etipì elùʼ vɛ ə tè ndə̀mə kɛve ətəyn. Nâʼà wùə vîvè ə tàʼa ko Vəyn kûmə̀ nə shîŋə̀ Vəynke tè nyi ndɔ̀ʼɔ ke kwəyn.

Ŋwàʼlè ə̀ Pɔ̂l sê ghɨə Lûmghè 8:37

Ngaŋngaŋ, ghɛ nə ghɨnə mə əkɨ̂m kyànə̀ ndò pîza, ghâsènì ə tɨm zhi tɔynə̂ sê Klâys vɛ ə È kɔ̀ŋə̀, tsâmtə̀, ghâsènì.

1 Kɔlìŋ 1:8

È nə̀ tsâmtə̀ nə ghàyn ə kyi ke èpomə̂ sê vəyn se zaʼâ ə kwùŋse, kə ghàyn tə nəyn ə kiva ghâmzè ə ezhoghɛ ə Pɛ̂pɛ ə̀ ghâsènì Njisə̀s Klâys kɛse pə̂yn.

Ipilù 3:14

Ə ghâsènì tyəm ə ghâsènì epomə̂ se zaʼâ əkwùŋse, kèpî kə ghâsènì tè tyəm ə zhə̀te, ə ze ə tyə̂nə̀ nə ghâsènì tsɨ̀yntə̀ fɨaʼà ghasènìəghə̀ Klâys.

Ipilù 3:6

Pîza, sê Klâys, è fɨ̂aʼà kə è təm ə vəynghe əkɨ̂m kə Va Fèzhə̀, nâʼàpî ghè ə pɨ̀a vəyn ə ndɛ nyi ke ə və gho. Ghâsènì nyi ndɛ ə̀ vəyn, ə ghâsènì kyi ndu kendò təm ə tɛghe è samsêzè, əfètə̂ èkwàʼtè elɨmtə zɛ ə ghâsènì kyi.

Ipilù 6:11

Ghàs kɔ̂ŋɔ̀ nə nâʼà ghàyn əkɨ̂m ndəm ke atu efɨ̀aʼ nə zɨ̂yn se zaʼâ əkwùŋse kə fɨa vɛ ə ghàyn kwaʼtə̀ lɨmtə̂ sê vəynve tə pəyn səmɔʼ.

1 Pità 1:13

Nyiəmə ghàyn pɨaʼte kwâʼtè taynte, nyi elɨmtêzè, ə ghàyn ndəm kwâʼtè zaynze ekɨ̂m ə afùʼ kɛ ə tə fo sê ghàyn ezhoghɛ ə Njisə̀s Klâys kɛse pə̂yn.

1 Njɔyn 4:19

Ghâsènì kɔ̀ŋə̀ sèngɨŋ sə ghasènìse kûmə̀ nə Zhə̀fè ə tə kɔ̀ŋ ghâsènì sə shi.

Etyə̂yn ə paynsêzè 1:5

è kɨsè sê Njisə̀s Klâys ə vɛ ə è tsà kə ghɛ zɛ ə è fe. Ə̀ nyi wùə ə shi vɛ ə tè zòmse ekwu, ə̀ nyi kepî vəyn vɛ ə è nyi fɔ̀yn se fɔ̂yn tə mbi tekɨ̂m. È kɔ̂ŋɔ̀ ghâsènì, mə tɔynə̂ ə vəyn ekwu, e və sɨsə̀ m̀ndəm mə Və̂ynmè se sɔzà ə ghâsènì ə ghâsènì ə sepi,