Njɔyn 12:49 - Ŋwàʼlè ə̀ Fèzhə̀ Mkâyn Mə̂ Fèm

⁴⁹ Zɨnə nyì səmɔʼ kûmə̀ nə M tè paʼà wàmnè ə Mì atyaʼ pîza Pɨ̀a vɛ ə È tom Mi nyîə tsâ èghɛ zɛ M kyi se pì.

Njɔyn 12:49 ပူးပေါင်းရင်းမြစ်များ

Njɔyn 14:10

Ò pomə va ə Filìp nə M nyi ə̂ Pɨ̀a vɨ̂mvè ewìyn, Pɨ̀a vɨ̂mvè e nyi ə Mì ewìyn ə? Njisə̀s ə pìə sê chùmtè èpàm sə vəynse nə, ghɛ ghɛ ə m pîə sê ghàyn va ə ghɛ ghɨmghə ngɨŋə̂. Pîza ə̀ nyi Pɨ̀a vɨ̂m vɛ ə è nyi ə Mi èwiyn ə È nə̀ fɨaʼa Vəynze.

Njɔyn 14:24

Ghɨ ghɛ ə kɔ̂ŋɔ̀ va Mi, ghənə ndə̂mə̀ va zaʼlê tɨmte. Mə zaʼlê zɛ ə ghàyn zɨ vachi zɨmze, pîza ze ndo pə̂yn se Pɨ̀a vɛ ə È tom Mi.

Njɔyn 14:31

pîza ghɨ mbiə e kyi sə̂ ke nə m kɔ̂ŋɔ̀ ndò Pɨ̀a, nə̂ kə èghɛ zɛ ə è pì nə mə nə̂. Ghàyn pəyn ə ghâsènì ndo fa elùʼ.”

Njɔyn 15:15

M fɨnə tɔŋtə̂ va ghàyn zôyn nə ghɨ efɨaʼaghe kûmə̀ nə wùə èfɨ̀aʼa ke va ghɛ zɛ ə Pɛ̀ èfɨaʼ ə vəyn nə̂. M pɨlə tɔŋtə̂ ghàyn zôyn nə soyn sɨmse kûmə̀ nə mə tsàyn ghɛ ghɛ Pɨ̀a vɨ̂m tsàyn sê Mi nâʼà ə̀kɨ̂m sê ghàyn.

Njɔyn 17:8

Mə fo tom zɛ ə Ò tè fo sê Mi sê ghənə, ghənə ə fiə zə̂ynzè ə pomə, ghənə nyîə ke nə ze nyi səmɔʼ nə M tè ndò sê ghò, ghənə pomə̂ kepî nə ə̀ tè tom ghô Mi.

Njɔyn 3:11

M pîə sê ghàyn səmɔʼ nə, ghàs wàmnə̀ èghɛ zɛ ə ghàs ke, kɛsə̂ tsâ zɛ ə fe, pîza wùə vîvè ə ghàyn ə fèteyn e kɔ̂ŋə̀ va se pomə̂ tom zâszè.

Njɔyn 3:32

È tsâ èghɛ zɛ ə È fe ə zɨə, pîza wùə vîvè pomə̂ va Vəyn.

Njɔyn 5:19

Njisə̀s ə ke pə̀ynsə̀ ghənə nə, “M pîə sê ghàyn səmɔʼ nə Vâ Fèzhə̀ vayn kàʼa è nəyn ghɛze sə və ngɨŋ, È nə̀ kə èghɛ zɛ È fe Pɨ̀a e nə̂. Ghɛ zɛ ə Pɨ̀a nə̀, ə̀ nyì kepî zəynze ə Vayn nə̂.

Njɔyn 5:30

M vayn kàʼa m nəyn ghɛ zhîze ə Mì atyaʼ. M saʼa kə kə Pɨ̀a Vɨ̂m pì nə M saʼ, saʼ Zɨmze nyi səmɔʼ kûmə̀ nə M saʼa chîəva kə M kɔŋə̀ sə Mì ə ngɨŋ, pîza M saʼa kə kə Vɛ È tom Mi kɔ̂ŋɔ̀ nə mə saʼa.

Njɔyn 6:68

Shimuyn Pità ə pə̀ynsə̀ nə, “Se fɨnə ndù sê ndè ə Pɛ̂? Ò nyiə kyi èwâmnè zɛ ə ze nə̂ nə wùə ə kyi èndam zɛ ə ze tə mîə va.

Njɔyn 7:16

Njisə̀s ə pə̀ynsə̀ nə, “Ghɛ zɛ M zaʼlə vachi Zɨm nə ezaʼlê, pîza ze pə̂ se Zhə̀ Fɛ Fe tom mi.

Njɔyn 8:26

Ghɛ tsɨ̀ə kə nyi kə M kàʼa ə M pi kûmə̀ ghàyn, fɨnə tsɨ̀ə kəpi kə M kaʼa M pi nə ghàyn ə nə̀yn pofsê. Vɛ ə È tom Mi nyi Wùə səmɔʼ. Ghɛ ghɛ M tsâ sê ghàyn fa mbi nyi ke ə̀ghɛ ghɛ M zɨ sê Vəyn.”

Njɔyn 8:28

Njisə̀s ə pìə sê ghənə nə, “Ghàyn tə kɔʼsə̂ Va wùə ə awâmnè, ə paynte Vəyn, ə ke nə, ‘M nyi wùə vɛ M pîə nə M nyi Vəyn,’ Ə fɨyn kê nə M nə̂ va ghɛ sə mìə ngɨŋ, pîza piə kə èghɛ zɛ Pɨ̀a nyi mə È və pì nə M pi.

Njɔyn 8:42

Njisə̀s ə pìə sê ghənə nə, “Ə Zhə̀fè tè lote nyi Pɨ̀a vâyn, mə ghàyn kɔ̂ŋɔ̀ ndò Mi kûmə̀ nə M ndo pə̂yn se Zhə̀fè nyi zôyn fàyn. M tè paʼà pə̀yn chi sə Mì ə ngɨŋ pîza È tè tom ndô Mi.

Etyə̂yn ə paynsêzè 1:1

Ə̀ fâ ŋwàʼlè nyi əghɛ ghɛ ə Njisə̀s Klâys tè tyə̀yn paynsê se Njɔyn. Zhə̀fè tè fo əghɛ ə tyə̂nə̀ paynsə̂ nə ghɨnə̀ sê vəyn nə è tyəyn sê ghɨ ə fɨaʼa vəynghe kə ghənə nə ke ə̀ghɛ ghɛ ə ghe nyi se nə kwùʼə kyàyn. Ə̀ tè nyi kə è kyiŋə nə ə ke ə̀ghɛ nə ghɨ̂nə̀, è və tomə tsì ə̀ vəyn sê Njɔyn, ə̀ nyi kepî wùə è fɨ̀aʼa ə vəyn vîvè.